Maðurinn sem er með sprungu í skelinni kom í morgunkaffi.
-Má ég kalla þig pabba? sagði Andlit byltingarinnar þegar hann kom fram á nærbuxunum og slengdi hrömmunum utan um hann. Það er von. Við höfum reyndar ekki einu sinni prófað að kyssast en strákarnir eru ekkert vanir því að ég kynni þá fyrir þeim sem ég er skotin í fyrr en korter í sambúð. Halda áfram að lesa
Mér finnst alveg fínt að hafa jól, sérstaklega ef maður fær jólafrí. Það er jólaklámið sem ég þoli ekki. Endalaus geðbólga í tvo mánuði yfir hlutum sem skipta ekki máli. Ég er ekkert farin að jóla ennþá en ég ætla að jóla smávegis í næstu viku. Ef ég verð í stuði til þess. Að elska jólin er nefnilega ekki það sama og að runka sér í hel yfir þeim. Halda áfram að lesa
Á morgun hitti ég mann með sprungu í skelinni.
Starf þjóns míns og lærlings er margþætt. Eitt af föstum verkefnum hans er að skoða með mér stöðuna á netbankanum reglulega og dásama fullkomleik fyrirtækisins (og minn eigin) sem einatt myndgerist í skilaboðunum „enginn ógreiddur reikningur“. Á þriðjudaginn greiddi ég vaskinn eins og lög gera ráð fyrir og kallaði svo á Búðarsveininn til að láta hann fara vandlega yfir stöðuna og dást að mér fyrir afrekið. Halda áfram að lesa
-Ég ætti að vera leiður en ég er það ekki. Ég þekki líftíma sambanda þinna, sagðir þú og hélst að þú værir að snúa hnífnum í sárinu.
Og nú þegar þú heldur nú samt sem áður að þú sért að missa mig, tekurðu skyndilega upp á því að lesa ljóðin mín og m.a.s. að skrifa ljóð sjálfur. Reyndar alveg ágætt ljóð af frumraun að vera enda innblásturinn sóttur til Birtu.
Æ, bróðir minn litli, ég er ekkert að fara frá þér. Þótt ég kynnist hundrað mönnum og treysti jafnvel einhverjum þeirra svolítið mun enginn nokkru sinni koma í veg fyrir að ég hlusti á hjarta þitt slá.
Elskan
Þú ert góður við mig. Ég þarfnast þess. Ekki endilega frá þér, heldur bara einhverjum en það vill svo til að þú ert til staðar. Þú ert góður við mig og veist ósköp vel sjálfur að það er ekki af því að þú sért svo góður gæi, heldur vegna þess að þér finnst það gott. Þú veist líka að allar mannsins gjörðir spretta af eigingjörnum hvötum, það er bara hluti af því að vera dýr og þessvegna skammastu þín ekkert fyrir það.
Stundum veltirðu samt fyrir þér andartakinu þegar ástúð, munúð og varúð renna saman og þú hugsar; hvenær skaðar maður mann og hvenær skaðar maður ekki mann? Það er mun sjaldnar sem við veltum fyrir okkur spurningunni; hvenær lætur maður skaðast?
Það er ekkert örlagaaugnablik milli nándar og losta. Þú þarft bara að skilja þessar tvær einföldu staðreyndir; maðurinn er það sem hann gerir og hugur stýrir hönd. Vertu meðvitaður um það og þú þarft aldrei að sjá eftir neinu.
Er sértæk jólaskrautsröskun algeng eða tekur maður bara svona vel eftir þessum tilvikum?
Yfirleitt, ef ekki alltaf, er einhver glufa á harðri skel.
Í gær var mér sagt að það væri ekki von að þessi eilífa makaleit mín bæri árangur fyrst ég væri alltaf að hitta nýja og nýja menn. Þar sem hún er gipt en ég ekki, hlýt ég að gefa því séns að hún hafi rétt fyrir sér. Mér finnst þetta samt ekki hljóma sérlega sannfærandi og þar sem löng hefð er fyrir því að ég hafi rétt fyrir mér, hlýt ég að reikna með því að svo gæti og verið í þessu tilfelli. Halda áfram að lesa
Birta: Ég held að þú sért að leggja drög að vandræðum.
Eva: Æ, góða láttu mig í friði. Það er ekki eins og ég hafi verið að máta brúðarkjóla.
Birta: Nei, ætli þú mátir ekki bara dindilinn á honum. Og verðir svo steinhissa þegar þú kemst að því að ekkert annað í fari hans passar við þig. Ég sé alveg í gegnum hann get ég sagt þér, og þetta byrjar EKKI gæfulega.
Eva: Þú ert aldeilis athugul, ég tók ekki eftir neinu ógæfulegu.
Birta: Og þú ætlar bara að hundsa innsæi mitt? Dettur þér ekkert í hug að þetta bendi til þess að hann hafi eitthvað að fela?
Eva: Fjárans tortryggnin í þér alltaf hreint, hvað heldurðu að þetta eina smáatriði, EF það er þá rétt hjá þér, segi okkur um hann.
Birta: Ekki þetta atriði í sjálfu sér, heldur það að hann skuli ekki bara hafa sagt það hreint út. Af hverju er það feimnismál ef ekkert meira hangir á spýtunni?
Eva: Af því að fólk gengur út frá því sem vísu að ef þessi tiltekni kubbur er ekki í kassanum, hljóti pakkinn að vera gallaður. Sjáðu okkur, við spurðum ekki einu sinni, við reiknuðum bara með kubbnum.
Birta: Hann hlýtur þá að líta svo á sjálfur að hann vanti þennan kubb. Sárlega. Annars hefði hann leiðrétt okkur.
Eva: Jæja, segjum við kannski Pétri og Páli allt sem við skömmumst okkar ekki fyrir?
Birta: Nei en það er bara af því að fólk er fífl.
Eva: Flest fólk dæmir mann út frá yfirborðinu. Hann hefur enga ástæðu til að ætla að ég sé eitthvað öðruvísi og ég skil bara vel að hann nenni ekki að útskýra fyrir ókunnugri manneskju hluti sem þarfnast ekki réttlætingar. Auk þess getur vel verið að þér skjátlist. Ég var lengi að leita að bílastæði og túlkunargleði þín er ekki beinlínis í lágmarki þegar karlmenn eru annars vegar.
Birta: Kannski er hann líka áhættufíkill, þú sérð nú áhugamálin hans.
Eva: Jájá, það getur verið stórkostlega varasamt að reyna á skrokkinn á sér. Eða gæludýrahaldið, það er auðvitað mjög grunsamlegt að eiga kött.
Birta: Hann á nú ekkert bara kött.
Eva: Ég held ekki að hann sofi með hitt dýrið uppi í rúmi hjá sér.
Birta: Kannski er hann gjaldþrota laumureykingamaður og alveg á kafi í djamminu. Kannski hefur hann misst bílprófið vegna ölvunaraksturs.
Eva: Já, kannski. Kannski er hann líka keðjusagarmorðingi, hver veit?
Eva: Birta. Ertu búin að hleypa skrattanum úr sauðarleggnum?
Birta: You and me and the devil makes three.
Eva: Drottinn minn djöfull er ég orðin þreytt á að dragast með ykkur hvert sem ég fer.
Þá lagðist skrattinn í gólfið og tók traustataki í pilsfaldinn minn.
Það er alveg sama hvað leiksýningin er góð og maturinn frábær. Eini nothæfi mælikvarðinn á gæði stefnumóts er löngun manns til að láta það endast lengur.
Gaman að leika við einhvern sem áttar sig á því hvort okkar „erann“ hverju sinni. Það er sjaldgæfur hæfileiki.
Alcoa fær ekki krónu. Nananananana!
Ríkið á hinsvegar rétt á bótum vegna óhlýðni sonar míns við verði laganna en honum er slétt sama um það (það er álmafían sem er óvinurinn) og því réttlæti mun hvort sem er aldrei verða fullnægt. Halda áfram að lesa
Á sunnudaginn hitti ég sæta strákinn aftur.
Langt síðan ég hef fengið firðildi í magann út af karlmanni.
Um daginn sagði sonur minn Byltingin mér frá hópi ungra aktivista sem hefði bjargað vænum skika af skóglendi með klámsýki sinni. Þau gerðu klámmynd undir heitinu „Fuck for the Forest“ og notuðu ágóðann til að kaupa skóg sem annars hefði verið eytt. Halda áfram að lesa
-Ef mín nýtur allt í einu ekki lengur við. Ef ég flyt t.d. til útlanda, muntu þá fá þér nýja hjákonu?
-Vinkonu. Það heitir ekki hjákona nema maður sofi hjá henni.
-Það heitir hjákona ef konan þín má ekki vita um sambandið.
-Hún veit ekkert um alla sem ég hitti.
-Jæja. Segðu henni frá sambandi okkar og spurðu hana hvað hún viji kalla það.
-Ókei, köllum það það sem þú vilt.
-Og muntu finna þér aðra ef ég verð ekki til staðar?
-Ég skal reyna svara því ef þú svarar mér líka. Ef ég væri einn, en allt væri að öðru leyti eins, myndir þú vilja búa með mér? Ég veit að þú vilt alveg svara mér heiðarlega en geturðu það?
-Málið er bara að það væri aldrei allt eins að öðru leyti. Það yrðir þú sem gæfist upp. Þér finnst gott að láta kúga þig en hjá mér yrðir þú að taka ábyrgð á þér sjálfur og höndla frelsið sem fylgir því. Þú réttlætir samband okkar með því að þú getir ekki verið einn en með mér þyrftirðu aldrei að vera einn og hefðir þar með enga afsökun fyrir að hitta einhverja aðra. Ég yrði ekki afbrýðisöm út í neinn nema tíkina þína og hún tæki þér ekki aftur ef þú færir frá henni svo þú þyrftir ekki að fela neitt og þar með yrði þetta ekki nógu spennandi fyrir þig.
-Þú svaraðir ekki spurningunni.
Nei, líklega svaraði ég henni ekki en það er ekki vegna þess að ég hafi ekki svar. Ég gæti búið með þér hjartað mitt, það gæti ég vel. En ég veit ekki hvort ég myndi afbera það að missa þig.
-Þannig að Mía litla er semsé að bíða eftir Snúði?
-Nei yndið mitt, það er Múmínsnáðinn sem bíður eftir Snúði. Mía litla bíður ekki eftir neinum. Halda áfram að lesa
-Hvernig er hann?
-Hann er lítill og fallegur og yndislegur.
-Eins og Elijah Wood?
-Nei. Ekki þannig. Ekki jafn bláeygður og það verður aldrei nema einn Elías í mínu lífi.
-Elías?
Hann horfði á mig eins og hann hefði gert stórmerkilega uppgötvun. Halda áfram að lesa
Þetta svar hans Kela er nú alveg tilefni til nýrrar færslu.
Það eru alls ekki allir karlar vonlausir, Keli minn, það hef ég aldrei sagt og ekki Anna heldur. Gremja okkur liggur í því hvað geðslegir menn eru óaðgengilegir. Þeir sem eru „á markaðnum“ eru: Halda áfram að lesa
… þegar ég loksins á peninga til að koma heimilinu í það horf sem ég vil, hvað virðist vera miklum erfiðleikum háð að fá það sem mig vantar. Halda áfram að lesa
Ég ætlaði svona varla að tíma að eyða sunnudagskvöldi í stefnumót en ég var búin að sjá hann í svip og fannst hann svoooooo sætur. Búin að galdra fullt en bjóst samt ekki við neinu en hann er BARA skemmtilegur. Og klár. Og pabbi.
Drottinn minn djöfull langar mig að sofa hjá honum.