https://www.facebook.com/eva.hauksdottir.norn.is/posts/218647729094
Pandóra lagar jólaseríuna
Þú mátt velja
Mamman: Þú mátt velja.
Barnið: Þessa þrílitu.
Pabbinn: Já en það vantar tá á hana. Viltu ekki frekar þessa litlu svörtu?. Hún er líflegust.
Barnið: Mig langar mest í þessa þrílitu.
Mamman: Þessi bröndótta er svo sæt og kelin. Vltu hana ekki?
Barnið: Þær eru allar sætar. Má ég fá þessa þrílitu?
Pabbinn: Þú mátt velja en þú vilt náttúrulega ekki gallaðan kött. Halda áfram að lesa
Ah-bú
Ég held að kettirnir mínir séu drykkfelldir. Allavega er rauðvínið búið og ég bý ekki með neinu fólki -ennþá.
Kisukjánar
Það má vel vera að brennt barn forðist eldinn en sviðnir kettlingar gera það ekki. Skaði er útklínd í kertavaxi og skilur greinilega ekkert hversvegna gengur svona illa að sleikja það burt.
Smörrebröd
Komst að því í dag að það sem Danir kalla klúbbsamloku eru tvær þurrar formbrauðsneiðar með salatblaði, tómötum og tveimur kjúklingabitum á stærð við sveskjur. Smörrebröd hvað?
Heimsyfirráð eða dauði
Atli Haukur: Ég stefni á að ná heimsyfirráðum.
Frænka: Nújá? Og til hvers?
Atli Haukur: Til að koma í veg fyrir að einhver annar geri það.
Frænka: Og hvað ætlarðu svo að gera við heiminn þegar þú ert búinn að ná alræðisvaldi.
Atli Haukur: Bara láta hann í friði.
Frændi minn er 16 ára og viturri en allar ríkisstjórnir veraldar samanlagt.
Það eina ítalska
Atli Haukur: Pizzan er að hluta bandarísk og að hluta grísk. Það eina á Ítalíu sem er raunverulega ítalskt er skakki turninn og það er bara af því að þeir voru fullir þegar þeir byggðu hann.
Vildt og sexet
Ég vaknaði og leit í spegilinn. Hárið á mér leit út eins og ég væri með kóngulóarvef á hausnum. Ég burstaði tennurnar, lagaði kaffi og leit aftur í spegilinn. Nei, ástandið hafði ekki skánað. Halda áfram að lesa
Pappírarnir í máli Darra týndir!
Dómarinn er búinn að týna pappírunum!
Lögreglan byrjaði á því að eyða gögnum (fyrir slysni), klikkaði á því að senda inn pappíra svo Darri fengi lögmann, gleymdi því tvisvar sinnum eftir að ég fór fram á það gleymdi að boða hann til réttarhalds boðaði hann í rangan réttarsal og gleymdi að senda saksóknara ferilskrá bófanna. Og nú er dómarinn búinn að týna bótakröfunni og öllum skjölum sem henni fylgja. Halda áfram að lesa
Miðaldurskrísa
-Fårikål, hvað mér finnst ergilegt að hafa svona óreglulegar blæðingar, segi ég.
–Já? Ertu kannski komin á breytingaskeiðið? svarar Bjartur kindarlega.
-Varla. Nema ég hafi verið á breytingaskeiðinu frá því að ég hætti á pillunni. Þá var ég 17 ára svo það er nú ekki líklegt. Halda áfram að lesa
Fötlun
Heimasætan: Það er bæði heyrnarlaus strákur og svertingi með mér í bekk.
Eva: Jahá? Það eru ekki fleiri fatlaðir í bekknum?
Heimasætan: Nei, en þessi heyrnarlausi er líka með spangir.
Guð blessi Ísland
Efst á baugi
Þessi mynd var frumsýnd 6. október 2009. É’rí’enni.
Fårikål
Fårikål (eða kind í kįli) er hefðbundinn norskur réttur og á haustin koma vinnufélagar og klúbbar saman og borða þennan rétt og skemmta sér, þetta er víst ekki ólíkt íslensku þorrablóti og meðalaldur gesta 78 ár alveg eins og á Íslandi. Við sóttum slíka samkomu í gær, á vegum þrælaleigunnar sem starfrækir tilvonandi manninn minn og tengdaföður. Halda áfram að lesa
Þú ert ekki Bjartur?
Við stóðum við grænmetisborðið í lágvöruverðsverslun í Voldu þegar ókunnug kona vatt sér að mér. Hśn talaði íslensku og sagðist endilega vilja heilsa upp á ‘nornina’. Halda áfram að lesa
Þetta verður allt í lagi
Eva: Mig langar ekkert að búa í þessu landi!
Birta: Það er ekkert að þessu landi.
Eva: Ekkert að því? Það er 20. október og allt á kafi í snjó.
Birta: Jamm, og það er náttúrulega enginn snjór í Danmörku? Ef ég man rétt þá var allt á kafi þar í 6 mánuði samfleytt, síðasta vetur. Halda áfram að lesa
Flyt hingað líklega bráðum
Það er gott að eiga handlaginn mann. Ég er að vísu ekki til í að láta Bjart gera við tennurnar í mér en um daginn smíðaði hann tvíbreitt rúm úr afgangstimbri sem hann fékk að hirða í vinnunni. Það ískrar ekki í því og það stenst öll álagspróf. Rúmið mitt í Bovrup er mjótt og botninn í því svignar við 100 kg álag svo að því leyti er þægilegra fyrir okkur að vera í Voldu en Bovrup en fyrir utan það og náttúruna hér í kring, myndi ég frekar kjósa að búa nálægt Farmville. Halda áfram að lesa
Leira
Ég kastaði peningi og nú er ég hér. Í einhverskonar þorpsnefnu sem heitir Leira, innst í Jörundarfirði, á vesturströnd Noregs. Sit með tölvuna mína við borð í færanlegum gámi, með brennsluklósetti, eldunar-, og svefnaðstöðu fyrir Bjart og pabba hans. Hér halda þeir til á meðan þeir vinna, annars leigja þeir íbúð í Voldu en þangað er 50 mínútna akstur. Þetta er sennilega hundsrass alheimsins, öll verslun og þjónusta er sótt til Voldu og það er ekki einusinni netsamband hérna. Halda áfram að lesa