Góðra vina fundur

Mér finnst þessi mynd svo táknræn. Katrín Jakobsdóttir í snertifæri við bæði Theresu May og Erdoğan. Stendur á milli þeirra, nógu nálægt þeim til að leggja hönd á öxl hvors um sig og segja; „má ég eiga við ykkur orð?“ Hún sagðist ætla að fylgja eftir fyrirspurnum íslenskra stjórnvalda ef tækifæri gæfist til. Hvernig gefast slík tækifæri? Gefast þau ekki einmitt þegar maður stendur við hlið þess sem maður vill tala við? Ætli hún hafi notað þetta tækifæri? Mér hefur þá að minnsta kosti ekki verið skýrt frá því.

Átta vikum fyrir þennan fund sendu foreldrar Hauks Hilmarssonar og Önnu Campbell sameiginlegt bréf til Katrínar Jakobsdóttur og Theresu May, þar sem farið var fram á að þær beittu sér fyrir því að ríkisstjórnir þeirra krefðu Tyrki svara um meðferð líkamsleifa þeirra sem Tyrkir drápu i innrás sinni í Afrín fyrr á árinu. Katrín hefur ekki brugðist við því bréfi á nokkurn hátt. Dirk Campbell fékk svar sem ritað var fyrir hönd Theresu May með vilyrði um að leitað yrði að líki Önnu ef hann gæti gefið upp staðsetningu. Þess má geta að staðsetning á því svæði sem Haukur var á þegar hans var saknað hefur legið fyrir frá 7. mars og var lögreglunni gerð grein fyrir því þann 8. mars þegar systir mín sendi þeim lögreglumanni sem þá stjórnaði rannsókninni allar þær upplýsingar sem fjölskyldan hafði aflað. Það eru varla meira en 3, í allra mesta lagi 4 ferkílómetrar sem koma til greina, nema líkið hafi verið fært.

Nú hittast þau á fundi NATO ríkja, öll þrjú. Katrín og Theresa fengu þar með tækifæri til að tala milliliðalaust við – ekki bara valdamesta mann Tyrklands, heldur einræðisherra. Ef þær teldu örlög ríkisborgara sinna koma sér eitthvað við hefðu þær talað saman fyrir fundinn og reynt að fá sameiginlegan fund með einvaldinum. Þær hefðu getað minnt hann á að samkvæmt alþjóðalögum ber að gefa breskum og íslenskum stjórnvöldum upplýsingar um meðferð tyrkneska ríkisins á líkum ríkisborgara þeirra. Það er ekki útilokað að þær hafi gert það en ekkert er fram komið sem bendir til þess.

Ég verð að játa að þrátt fyrir óánægju mína hef ég ákveðinn skilning á því að Katrín skuli ekki hafa rætt þetta mál við Erdoğan. Íslensk stjórnvöld hafa nefnilega ekki enn spurt Tyrki hvað þeir hafi gert við líkin og það yrði hálf neyðarlegt að biðja bandamann um að reka á eftir svörum við spurningum sem aldrei hafa verið bornar fram.

Share to Facebook

Svar mitt við haturspóstum Tyrkja

Originally published in English

Kæru Erdoğandýrkendur sem hafið sent mér haturspósta

Haldið þið virkilega að ég sé svo grunnhyggin að drulluléleg samklippt mynd af íslenska fánanum með skítahaug geti komið mér í upnám? Sjáið til, það eruð þið vesalingar, sem tilbiðjið stjórnmálamenn og fána, ekki ég. Fyrir nokkrum áratugum var íslenski fáninn tákn sjálfstæðisbaráttunnar. Núorðið er hann aðeins tákn illkynja þjóðernishyggju og þeir sem helst hampa honum eru múslímahatarar, þar á meðal fyrirlitlegir rasistar sem ráðast á Tyrki fyrir það eitt að vera tyrkneskir. Fyrir alla muni drullið yfir íslenska fánann hvenær sem ykkur lystir. Ég mun gera það líka þegar ég verð uppskroppa með myndir af Erdoğan. Halda áfram að lesa

Share to Facebook

My Reply to Turks’ Hatemail

Dear Erdoğan worshippers who have been sending me hate mail

Do you really think that I am shallow enough to get upset about tacky photoshop of the Icelandic flag with a heap of shit on it? Look, you are the suckers who worship flags and politicians, I don’t. A few decades ago the Icelandic flag symbolised the nation’s fight for independence. Today it is just a symbol of toxic nationalism, celebrated mainly by Islamophobes, including those despicable racists who attack Turks for being Turkish. Please shit on the Icelandic flag as often as you like. I will shit on it too, once I run out of pictures of Erdoğan. Halda áfram að lesa

Share to Facebook

Fjórum mánuðum síðar

Í dag er ársfjórðungur síðan fréttist að bandamenn okkar í Nató hefðu drepið Hauk í tilefnislausri innrás Tyrkja í Sýrland. Andlát hans hefur ekki verið staðfest. Þessa fjóra mánuði þykist ríkisstjórn Katrínar Jakobsdóttur hafa verið að leita að honum samtímis því sem hún hefur lagt sig fram um að treysta vináttu og viðskiptasambönd við fasistaríkið Tyrkland. Þau fylgja leiðbeiningum tyrknesku lögreglunnar við leitina. Halda áfram að lesa

Share to Facebook

Eins og við séum að tala um sorphirðu

Benjamin Julian tók myndina

Þrír mánuðir. Þrettán vikur. Síðustu 92 morgna hef ég vaknað við drauma um leitina að Hauki. Mig dreymir engin samskipti við hann lengur, enga tölvupósta frá honum, heldur árangurslaus samtöl við yfirvöld, sundurtætta búka, leitarflokk í sprengjugíg,  fréttir af líkfundi, tölvupóst frá Rauða krossinum, hræætur að éta lík, nýjar yfirlýsingar frá þessari sem heldur því fram að yfirvaldið sé að gera allt sem mögulegt er til að afla upplýsinga en hundsar ábendingar um að líklegast sé að líkið liggi enn á víðavangi. Ef hann er þá látinn … Halda áfram að lesa

Share to Facebook

Annað lík svívirt

Ahmad M. Hanan

Ekki hefur myndskeiðið af limlestingunum á líki Barin Kobani haft þau áhrif að yfirvaldinu finnist ástæða til að spyrja Tyrki hvað þeir hafi gert við líkamsleifar sonar míns. Í dag rakst ég á annað dæmi frá febrúar um meðferð FSA í Afrín á líkum andstæðinga hersveita Tyrkja. Hér er það lík karlmanns úr röðum YPG, Ahmads M. Hanan, sem er svívirt. Hann var Yazidi maður. Sameinuðu þjóðirnar flokka ofsóknir Islamska ríkisins gagnvart Yazidi fólkinu sem þjóðarmorð. Halda áfram að lesa

Share to Facebook

Alþjóðadómstóll telur Erdoğan ábyrgan fyrir stríðsglæpum


Í gær komst alþjóðadómstóll í málefnum Tyrkja og Kúrda að þeirri niðurstöðu að Erdoğan, þjóhöfðingi Tyrkja, bæri beina ábyrgð á stríðsglæpum tyrkneska ríkisins gagnvart Kúrdum á undangengum árum. Dómurinn mælir meðal annars með því „neyðarástandi“ verði aflétt en í skjóli þess hafa Tyrkir áskilið sér rétt til að sniðganga ýmis ákvæði Mannréttindasáttmála Evrópu. Réttarríkið verði endurreist í Tyrklandi, blaðamönnum og fræðimönnum sleppt úr haldi og fjölmiðlafrelsi endurvakið. Ennfremur að Tyrkir kalli herdeildir sínar frá Afrín og að stríðsglæpir verði rannsakaðir í Tyrklandi og sekum refsað fyrir stríðsglæpi. Halda áfram að lesa

Share to Facebook