 |
Sigur kvenna og samkynhneigðra |
Hvaða andskotans máli skiptir það hverjum forsætisráðherra sefur hjá og hvort hann er með typpi eða píku? Af hverju í fjáranum hafa fjölmiðlar meiri áhuga á kynferði og einkalífi stjórnmálamanna en þeim ákvörðunum sem þeir taka fyrir hönd fjöldans?Einhversstaðar las ég að aðilar í ferðaþjónustunni hefðu hug á að makaðssetja landið fyrir samkynhneigða! Halda áfram að lesa
Mér finnst þetta fullkomlega sanngjörn krafa, þ.e.a.s. á meðan ríkið er tilbúið til að styrkja bæði umhverfisspillandi og orkufrekan iðnað og alls kyns kapítalískan hégóma. Ég sé ekki eðlismun á því að styrkja framleiðslu á myndum af konum að glenna á sér dýrðina og framleiðslu á t.d. snobbbílum. Best væri ef ríkið styrkti hvorugt en það er allavega sanngjarnt að allir skíthælar njóti jafnrar virðingar.
Hvað segir geðbólgan yfir þjóðhátíðartexta Baggalúts okkur um afstöðu þessa hóps, sem fordæmir hann, til listarinnar? Halda áfram að lesa
Af hverju er bannað að vera öðrum undirgefinn? Auðvitað á að vera bannað að kúga aðra en ef ég ákveð sjálf að hlýða manninum mínum, og hann er til í að taka að sér að bera ábyrgð á mér, sjá fyrir mér og segja mér fyrir verkum hvar er þá fórnarlambið í þeim glæp? Ef konan hefur ekki valið sér þetta hlutskipti sjálf, væri þá ekki nær að refsa þessum karlmönnum sem undiroka hana?
Börn eru oftast foreldrum sínum undirgefin. Á þá ekki að synja þeim um ríkisborgararétt líka?
Glætan spætan að þetta snúist um lög eða siðferði.
|
Undirgefni samræmist ekki frönskum gildum |
Af og til kemst ég að þeirri niðurstöðu að nefið á mér sé of stórt, brjóstin of lítil, lærin of þykk … Þessar niðurstöður eru ekki bara eitthvað rugl í hausnum á mér, þær eru fengnar með samanburðarrannsóknum. Ég horfi á fagrar konur og ég sé lítil, snotur nef, stór, hvelfd brjóst og grönn, slétt læri. Ég horfi, skoða, dreg ályktun; hlutföll mín önnur en hjá súpermódeli; ergó eitthvað er of. Halda áfram að lesa
Mér finnst það gott mál og virðingarvert að leita uppi kúgað fólk og hjálpa því. Og já, ég er alveg viss um að þrælahald viðgengst hér á landi sem annarsstaðar. Ég hef m.a.s. séð það sjálf. Að vísu ekki í vændisgeiranum heldur á veitingahúsi. Ég gerði tilraun til að klaga það en var sagt að þrælarnir yrðu að kvarta sjálfir til að hægt væri að gera eitthvað. Halda áfram að lesa
-Hvernig myndirðu lýsa nútíma Íslendingnum? spurði túristinn, sem hafði hugmyndir sínar um land og þjóð fyrst og fremst úr fornritunum.
Og konan hans átti aldrei leið niður í kjallara öll þessi ár? Allavega hef ég ekki séð eitt orð um hennar ábyrgð í þessu máli. Ég spái því að hún verði álitin fórnarlamb. Ég veit ekki hvaða mafía það er sem telur hag kvenna best borgið með því að viðhalda því viðhorfi að píkan sé aðsetur ábyrgðarleysis en hún er allavega starfandi á Íslandi.
Enn er spurt hversvegna leikföng séu markaðssett eftir kyni. Ég hef enga trú á því að ástæðan sé sú að leikfangaframleiðendur vilji hindra konur í því að hasla sér völl í karlastörfum. Ég held að það eina sem leikfangaframleiðendur hafa áhuga á sé að selja sem mest og hver sem ástæðan er þá sækja telpur frekar í brúður og drengir í hasarleikföng. Halda áfram að lesa
Það er sko vegna þess að litlar telpur hafa oftar áhuga á brúðum og litlir drengir á bílum. Steríótypísk fullorðin kona vill eiga bíl til að komast á milli staða, steríótýpískur karlmaður vill eiga bíl af því að það gleður hjarta hans. Sú hin sama kona kjáir framan í smábörn og finnst þau yndisleg í eðli sínu. Karlinn álítur sitt eigið barn reyndar fullkomnustu veru í heimi en fær ekkert sérstakt kikk út úr því að þrífa botninn á börnum vina sinna.
Ég veit ekki hversvegna þetta er svona og þegar Haukur fæddist trúði ég því staðfastlega að þetta væri eingöngu uppeldislegt. Ég skipti um skoðun 7 árum síðar. Mínir drengir áttu nefnilega brúður og þeir léku sér heilmikið að þeim. Ekki reyndar með því að klæða þær, mata og bía þeim í svefn, heldur voru þær notaðar sem fangar í indiánaleik.