Jæja, þá er ég flutt milli léna og nú á kerfið loksins að vera komið í það horf að hægt sé að birta nýjar færslur og athugasemdir. Það eru nokkar tjásur sem komu inn á meðan kerfið var í lamasessi en birtust ekki en þær eru komnar inn núna.
Útlitið á síðunni breytist eiithvað á næstu vikum og gamla lénið; nornabudin.is hverfur.
Aðgangsorðið og lykilorðið á Launkofann á að vera í lagi líka en ég hef ekki getað birt neinar færslur þar frekar en hér. Bæti úr því á næstu dögum.
Ingólfur er snillingur. Hann kláraði umbrotið á 2 dögum og síðan erum við búin að púsla, breyta og bæta á methraða. Ég reikna með að handritið verði orðið útgáfuhæft ekki seinna en um mánaðamótin og sennilega miklu fyrr en það er eitt vandamál óleyst sem gæti tafið okkur.
Ég set myndir og annað efni sem tengist bókinni inn á Launkofann og það verður nú opnað fyrir stærri hóp en það eru ekki nema um 20 manns sem hafa haft aðgang að því hingað til. Ég er reyndar búin að skipta um lykilorð á Launkofanum svo þeir sem hafa haft aðgang þurfa að hafa samband til að fá nýjan lykil ef þeir hafa áhuga á að skoða þetta. Ég er búin að loka eldri færslum þar, allavega í bili en ég hef ekki eytt neinu, svo aðdáendum Launkofans er óhætt að anda með nefinu.
Þeir sem hafa áhuga á að fá aðgang geta sent mér póst á eva.evahauksdottir@gmail.com eða haft samband á facebook. Ég er ekki tilbúin til að láta bláókunnuga fá aðgang á þessu stigi en vona að fólk sýni því skilning, það er ekki ætlunin að móðga neinn.
Góðir hlutir gerast hægt.
Frábærir hlutir gerast hinsvegar í hvelli.
https://www.facebook.com/eva.hauksdottir.norn.is/posts/324101690752
Vefsíðan mín (nornabudin.is) er samkvæmt minni reynslu í lamasessi þessa dagana. Ég get ekki sett inn færslur, athugasemdakerfið er búið að vera óvirkt í nokkra daga og sömuleiðis hafa nokkrir kvartað um að sé erfitt að komast inn á Launkofann. Vodafone segir að ástæðan fyrir þessu veseni er sú að það er verið að flytja síðuna á milli léna. Allt í lagi með það svosem, þetta eru rök sem ég skil og er fullkomlega sátt við en mér finnst dálítið athyglisvert að annarsvegar er mér sagt að vandræðin standi í sambandi við flutninginn en ég er líka búin að fá tvo pósta frá þeim þar sem því er haldið fram að hvað sem minni reynslu og annarra líði sé Launkofinn opinn og ritstjórnarsíðan virk. Þar hafið þið það, þið sem kvartið, þetta er bara eitthvert rugl í ykkur og þið getið gert ráð fyrir að vera vitleysingar áfram þar til vodafone léttir af ykkur álögunum.
Nornabúðarsíðan ætti á næstunni að flytja þann sem opnar hana beint yfir á norn.is en það er nýja lénið mitt.
Ég verð víst að biðja aðdáendur launkofans að anda með nefinu. Ástæðan fyrir því að þið komist ekki inn er sú að ég er að flytja á milli léna og einhver hjá vodafone hefur fiktað eitthvað í stillingunum. Ég kemst ekki inn sjálf og í gær og dag lágu bæði athugasemdakerfið og ritstjórnarsíðan fyrir lénið niðri svo ég hef ekkert sett neitt nýtt inn hvort sem er. Halda áfram að lesa
https://www.facebook.com/eva.hauksdottir.norn.is/posts/298319908532
Íbúðin mín í Bovrup er þannig skipulögð að klósettið er inn af forstofunni. Í dag sat ég á postulíninu, og hafði ekki lokað almennilega að mér. Heyrði í póstinum fyrir utan, allt í lagi með það. Nema hvað – hann var með pakka sem komst ekki í póstkassann og í stað þess að hringja bjöllunni opnaði hann bara og setti pakkann inn. Það var ekki svo vel opið að ég gæti horfst í augu við hann á meðan ég skeindi mig en næst loka ég almennilega að mér. Eða læsi útidyrahurðinni.
Enginn er spámaður í eigin föðurlandi.
Ég verð að óska Helga Fel til hamingju með þetta. Halda áfram að lesa
Jæja, þá er samningurinn formlega frágenginn. Skrudda gefur bókina út og hún kemur út um miðjan mars. Nú get ég loksins farið að einbeita mér að næstu bók. Þetta eru góðir dagar.
https://www.youtube.com/watch?v=PKtBolx_Y9c
Þegar við settum fyrsta myndskeiðið í loftið, reiknuðum við alveg með heimskulegum viðbrögðum. Við höfum aðeins fengið örfáar athugasemdir opinberlega en feministar hafa hnýtt í Ingó fyrir að vera klámhundur og mikill sægur fávita hefur sent mér einkaskilaboð á facebook eða með tölvupósti. Halda áfram að lesa
Ingó fann útgefanda sem er því leyti vænlegur kostur að hann sagði bara já. Ekkert svona, ‘höfum samband með vorinu’ kjaftæði. Að vísu er sá útgefandi ekki til í mína hugmynd, sem er sú að hafa þetta rafbókarútgáfu og prenta bara 300 eintök fyrir snobbara, ég er því í töluverðum vafa. Halda áfram að lesa
Ætli kettir hafi gott af því að innbyrða andlitskrem í miklu magni?
Kom heim í gær. Frekar fúlt að missa af réttarhöldunum og ég hef engar fréttir fengið frá þeim enn. Halda áfram að lesa
Og nei, þetta er ekki bók um búsáhaldabyltinguna
Voðalega líður tíminn hratt. Ég flýg út á fimmtudag og hef eki náð að gera nærri allt sem ég hafði hugsað mér í þessari ferð. Sem betur fer eru það þó hlutir sem skipta ekki svo miklu máli. Ég náði að hitta flesta sem mig langaði og við náðum allri vinnu við bókina sem ég á annað borð get unnið. Réttarhöld í flugvallarhlaupsmálinu halda áfram á morgun og það er út af fyrir sig ágætt að ég skuli ná að vera viðstödd.
Sápan heldur sumsé áfram á morgun, ef ég finn þá tíma til að blogga.
Góðir hlutir gerast hægt.
Frábærir hlutir gerast hinsvegar í hvelli. Halda áfram að lesa
Ég skil son minn hinn mannfælnari svosem vel að vilja vera út af fyrir sig. Ég vil fá hann út til Danmerkur en ég skil svosem hans rök fyrir að vilja það ekki. Ég skil hinsvegar ekki í öðrum eins ruslasafnara að vera tilbúinn til að greiða morð og milljón fyrir afnot af húsnæði sem er á stærð við fataskáp. Halda áfram að lesa
