Áttu börn? (FB leikur)

Birt þann af

Ég á tvo yndislega stráka en þeir eru fullorðnir og það er ekki eins.

Mig langar í barnabörn en synir mínir eru ekki sammála mér. Haukur sagði einhverntíma að það vær tilgangslaust að tala um börn á meðan hann ætti ekki einu sinni kærustu. Ég sagði honum að hann gæti bara barnað einhverja lausgyrta dræsu eins og aðrir ungir menn og það væri áreiðanlega fínt að vera helgarpabbi. Hann tók mig ekki alvarlega. Allavega veit ég ekki til að nein dræsa sé ólétt eftir hann enn.

Ég er að vísu ekki eins viss um að það sé tímabært fyrir Darra að verða pabbi, en ég er búin að margbiðja hann að negla einhverja einstæða móður. Hann vill það ekki.

Ef

Birt þann af

Einu sinni var maður sem langaði að kvænast mér. Yfirleitt hefur það verið öfugt, því þrátt fyrir annálað hórirí mitt úti um allar koppagrundir, er ég mikill aðdáandi hjónabandsins og finnst ekkert sérstakt atriði að fólk sem ákveður að búa saman sé heltekið af hrifningu. Halda áfram að lesa →

Hvað er uppáhalds hádegisverðarkjötið þitt? (FB leikur)

Birt þann af

Umhverfisvænn nýstúdent með augnhárin titrandi af feimni, enda er uppáhaldsfrasinn minn ‘lambakjöt í rúmið mitt’.

Ef ég væri karlmaður myndi þessi játning leggja mannorð mitt í rúst en þar sem ég er kona munu sumir kyngja hneykslun sinni, aðrir hnussa stundarhátt, einhver hugsa ‘jahá, ég líka en ég er ekki svo vitlaus að tala um það’ og einhver nýstúdentinn mun hugsa dónalega til mín og kalla mig MILF.

Uppáhalds kvöldverðarkjötið mitt er hinsvegar saltkjöt en það getur maður nú ekki lagt á skrokkinn á sér mjög oft.

Líkar þér við skriftina þína? (FB leikur)

Birt þann af

Rithönd segir eitthvað um persónuleikann. Mín rithönd er ekki snotur. Frekar gróf og flausturleg en læsileg þó -eins og ég. Rithönd mín var mjög hvöss á unglingsárunum en hefur mýkst. Maður meyrnar með aldrinum.

Ég kann alls ekki illa við skriftina mína en ég sit heldur aldrei og dáist að henni á sama hátt og ég get dáðst að minni eigin ritsnilld þegar maður horfir á innihaldið og orðfarið.

Hvenær gréstu síðast? (FB leikur)

Birt þann af

Þessi finnst mörgum óþægileg svo ég spyr bara þá sem hafa klukkað mig.

Ég er ekki viss. Ég bregst við ofþreytu með með tárum og græt oft af tilfinningasemi yfir einhverri væmni í bíómyndum eða bókum, jafnvel í auglýsingum. Græt hinsvegar ekki við jarðarfarir, vinum og vandamönnum til óhugnaðar yfir kaldlyndi mínu. Ég hef ekki grátið af sorg, ótta eða reiði í nokkur ár.

En maður getur nú verið sár þótt maður grenji ekki.

Varst þú nefnd/nefndur í höfuði á einhverjum? (FB leikur)

Birt þann af

Já, ég var nefnd eftir móðurafa mínum, Jóhanni, og langömmu Helgu. Semsagt Jóhún Helga. Það var ágætis nafn en ég kunni samt aldrei vel við það.

Þegar ég var 17 ára varð ég ástfangin af strák sem ég giftist nokkrum mánuðum síðar. Ég færði honum ávaxtakörfu þegar við vorum rétt að byrja að kynnast. Í körfunni voru allskonar suðrænir ávextir og eitt, rautt epli. Ég meinti ekkert sérstakt með þessu epli en minn tók því sem hinti um að ég vildi sofa hjá honum (og má furðu sæta að hann hafi þurft epli til að átta sig á því). Hann tók upp á að kalla mig Evu og það nafn fór mér betur og festist við mig. Í dag heiti ég Eva skv þjóðskrá.

FB leikur 50 spurningar

Birt þann af

Ég svaraði flestum þessara spurninga en ekki öllum. Tók eina í einu enda bjóða sumar upp á löng svör. Hér eru spurningarnar.

1.Varst þú nefnd/nefndur í höfuði á einhverjum?
2.Hvenær gréstu síðast?
3. Líkar þér við skriftina þína?
4. Hvað er uppáhalds hádegisverðarkjötið þitt?
5. Áttu börn?
6. Myndi þú vera vinur þinn?
7. Notast þú við kaldhæðni?
8. Ertu ennþá með hálskirtlana?
9. Teygjustökk?
10. Uppáhaldsmorgunkorn?
11. Leysir þú reimarnar áður en þú ferð úr skónum?

13. Uppáhaldsísinn?
14. Hvað er það fyrsta sem þú tekur eftir í fari fólks?
15. Rauður eða bleikur?
16. Hvað finnst þér vera þinn stærsti galli?
17. Hvaða persónu saknar þú mest?
18. Viltu að allir ljúki við þennan lista?
19. Hvaða litur er á buxunum og skónum sem þú ert í núna?

21. Á hvað ertu að hlusta núna?
22. Ef þú værir vaxlitur, hvaða litur værir þú?
23. Uppáhalds lykt?
24. Hvern talaðir þú síðast við í síma?
25. Líkar þér við manneskjuna sem merkti þér þessa umræðu?
26. Uppáhalds íþrótt til að horfa á?
27. Háralitur?
28. Augnalitur?
29. Notar þú linsur?
30. Uppáhaldsmatur?
31. Hryllingsmynd eða góður endir?
32. Hvaða mynd horfðir þú á síðast?
33. Hver er liturinn á bolnum sem þú ert í?
34. Sumar eða vetur?
35. Faðmlög eða kossar?
36. Uppáhaldseftirréttur?
37. Hver er líklegastur til að svara þessum pósti?
38. Hver er ólíklegastur til að svara?
39. Hvaða bók ertu að lesa núna?
40. Hvaða mynstur er á músamottunni þinni?
41. Hvað horfðir þú á í sjónvarpinu í gær?
42. Uppáhalds ljóð?
43. Róling stónes eða bítlarnir?
44. Hvað er það lengsta sem þú hefur farið að heiman?
45. Hefur þú einhvern sérstakan hæfileika?
46. Hvar fæddist þú?
47. Svör hvers hlakkar þér mest til að lesa?
48. Hvar hittir þú maka þinn?
49. Ef þú myndir endurfæðast sem eitthvað spendýr (annað en maður)?
50. Simpsons eða South Park?

Gælur

Birt þann af

****: Ég var að heyra brandara, datt í hug að deila honum með þér
Eva: Nú varstu að hlusta á kvöldfréttir?
****: 😀 Veistu hvað er það besta við munngælur?
Eva: Ef ég á að svara fyrir sjálfa mig; þær taka enda þegar ég er búin að gera mér upp fullnægingu.
****: LOL, en rétta svarið er 10 mín. þögn.
Eva: Ég get alveg talað þótt maður sé að veita mér munngælur. Væri reyndar líkleg til þess, svona til að dreifa huganum. Halda áfram að lesa →

Eva er komin á séns

Birt þann af

Baggalútur er skotinn í mér.

Sem er út af fyrir sig skemmtilegt.
Ég hef gert nokkrar tilraunir til að máta Braga Valdimar Skúlason inn í erótískar fantasíur af því að ég er skotin í skáldgáfu hans og húmorinn hans gerir mig graða. Samt ganga þessar fantasíur ekki almennilega upp, því hann er alltof vel greiddur fyrir minn smekk. Alltaf þegar ég er þangað komin í fantasíunni að Bragi er kominn í hjúkrunarkonubúninginn og er einmitt að veiða feitan, erótískan saltketsbita upp úr pottinum, þvælist úfin lopapeysa á ryðguðu reiðhjóli inn í drauminn.

Tinna ráðlagði mér að máta Kalla í staðinn.
Það gengur því miður ekki upp. Hann verður bara ekki eins heitur í hjúkrunarkonubúningi.

25 hlutir sem þú vissir líklega ekki um mig (FB leikur)

Birt þann af
  1. Flestir halda að ég sé náttúrubarn og bókaormur, hvorugt er rétt.
  2. Ég hef fáránlega ástríðu gagnvart orðum, spila t.d. scrabble við sjálfa mig og les orðabækur.
  3. Mér finnst ofboðslega leiðinlegt að fara í búðir, sérstaklega fatabúðir.
  4. Ég kann vel við kóngulær.
  5. Ég hef óvenju lítinn húmor fyrir slysum, sjúkdómum, ofbeldi, kynþáttahyggju og kynrembu.
  6. Mér finnst dauðinn ekkert sérstaklega sorglegur.
  7. Ég græt oft af yfirborðskenndri tilfinningavellu en sjaldan af sorg, kvíða eða reiði.
  8. Ég er langrækin og úthluta engum fyrirgefningu nema syndaviðurkenning liggi fyrir en fyrirgef þeim fúslega sem iðrast í alvöru.
  9. Mér finnst ekkert niðurlægjandi við að viðurkenna að maður hafi gert mistök eða haft rangt fyrir sér, ef eitthvað er er það frelsandi.
  10. Ég hef megna andúð á snobbi, einkum snobbi gagnvart menntun og atvinnu.
  11. Ég er haldin fordómum gagnvart AA fólki.
  12. Neyslubrjálæði, sóun á nauðsynjavörum og sóðaleg umgengni um náttúruna hneykslar mig.
  13. Ég hef trúarþörf og yrki sálma en trúi þó ekki á Gvuð.
  14. Ég hef ástarþörf og yrki ástarljóð en trúi þó ekki á rómantíska ást.
  15. Ég trúi á hagkvæmnishjónabönd og myndi funkera vel í slíku.
  16. Mér finnst eitthvað hryllilega ógeðslegt við að sjá fólk setja borðhníf upp í sig eða sleikja hann.
  17. Mér finnst hinsvegar ekkert ógeðslegt að lána öðrum tannburstann minn.
  18. Ég hef mikla þörf fyrir vinsamlega snertingu og vil helst sofa í rúmi með öðrum án þess að sé neitt kynferðislegt við það.
  19. Ég tek óvæntri, kynferðislegri snertingu hinsvegar mjög illa en bráðna frekar fyrir tvíræðu augnaráði, athugasemdum og látbragði.
  20. Ég verð skotin í kornungum strákum sem kunna hvorki á hárgreiðu né klukku en ég gæti ekki hugsað mér að búa með slíku eintaki.
  21. Það sem mér finnst erfiðast við að búa með öðru fólki er draslið sem fylgir manneskjum.
  22. Ég missi fljótt virðinguna fyrir fólki sem skortir hugrekki eða kemur fram af óheilindum.
  23. Andlega sinnað fólk fer í taugarnar á mér.
  24. Ég vinn illa undir álagi og gengur best að halda mig að verki þegar ég hef nægan tíma.
  25. Ég á erfitt með að fara eftir áætlunum annarra, breyti yfirleitt alltaf einhverju, bara til að draga úr þeirri tilfinningu að einhver annar sé að stjórna mér.

    26. Ég hef oft verið frekar neikvæð gagnvart svona leikjum en um daginn þegar ég var að skoða vinalistann minn hér, áttaði ég mig á því að ég veit yfirleitt ekki rassgat um þetta fólk. Ég ákvað að vera með í þetta sinn og þeir sem ég skora á að birta sambærilega lista eru ekki meðal þeirra sem ég er í nánu sambandi við í dag, heldur frekar fólk sem vekur áhuga minn en ég veit lítið eða ekkert um.

Mara

Birt þann af

-Vantar ljós í líf þitt Eva mín?
-Nei en það vantar peninga í líf mitt.
-Peninga já? Og þú svarar þeirri þörf með því að fara að búa með hómópata og hráætu sem gefur fólki ljós. Væri ekki rökréttara að búa með vísindasinnaðri hræætu sem gefur fólki peninga?
-Ég hef búið með vísindasinnaðri hræætu en ég hafði ekki krónu upp úr því. Halda áfram að lesa →

Valkostir

Birt þann af

Það er meira en ár síðan ég hef heimsótt Bankann og það er búið að rífa allar innréttingar út og skipta um gólfefni. Ekki minnist ég þess að hafi séð á þeim innréttingum sem fyrir voru en það er auðvitað ekkert annað en sjálfsagt að borga dálítið hærri vexti til að Bankinn minn geti verið í stælnum. Halda áfram að lesa →

Tilvonandi

Birt þann af

Hráætan, hugsanlegur tilvonandi sambýlingur minn færði mér kraftaverkalyf og eitthvað hollt dulbúið sem sælgæti. Kraftaverkalyfið virkar á alla sjúkdóma. Maður getur tekið mikið í einu og orðið fárveikur, og losnað þannig við óværuna (í mínu tilviki berkjubólgu) með svæsnum niðurgangi og uppköstum á nokkrum dögum, eða maður getur tekið lítið í einu og læknast án aukinna óþæginda á 1-10 vikum. Halda áfram að lesa →

Einn einn FB leikurinn

Birt þann af

Not as easy as you might think. Change the answers to suit you and pass it on. One word answers only. Be sure to send back to the person you received it from.

Where is your cell phone?
Pocket

Your significant other?
Nonexistent

Your hair?
Blond

Your mother?
Irritating

Your father?
Trustworthy

Your favorite thing?
Ideas

Your dream last night?
Erotic

Your favorite drink?
Coffee

Your dream/goal?
Write

What room are you in?
Lounge

Your hobby?
Blogging

Your fear?
Cancer

Where do you want to be in 6 years?
Married

Where were you last night?
Sister’s

Something that you aren’t?
Prejudges

Muffins?
Ok

Wish list item?
Coat

What did you do last night?
Film

What are you wearing?
Slippers

TV?
Useless

Your pets?
None

Friends?
Political

Your life?
Passionate

Your mood?
Impatient

Missing someone?
Intensely

Drinking?
Seldom

Smoking?
Never

Your car?
Dead

Something you’re not wearing?
Jewelry

Your favorite store?
None

Your favorite color?
Red

When is the last time you cried?
Monday

Who will resend this?
Sister

Where do you go to over and over?
aftaka.org

Five people who email me regularly?
Boring

My favorite place to eat?
Kitchen

Favorite place I’d like to be at right now?
Bed

Four people I think will respond
Curious

Here’s what you are supposed to do….make a new note, delete my answers, type in your answers and send it to a bunch of people, including me.

Hvern andskotann á maður eiginlega að gera?

Birt þann af

Ég á eitthvert smotterí í Sunlife og píndi syni mína til þess fyrir nokkrum árum að setja hluta af sínum sparnaði þangað líka. Það var reyndar ekkert smá vesen að setja saman pakka af gróðavænlegum fyrirtækjum sem ekki eru augljóst handbendi djöfulsins. Það sem þeir áttu hér er auðvitað farið fjandans til, eða það sem verra er, ofan í vasa svikahrappa. Halda áfram að lesa →

Spennufall

Birt þann af

Kom heim úr stríðinu þreytt en sæl. Bjóst einhvernveginn við að almenningur áttaði sig á hvað hefði gerst. Reiknaði með sigurvímu og þjóðhátíð fram eftir nóttu. Ekki alveg. Þjóðin virðist hafa litið svo á nú væri ákveðnu verkefni lokið, fremur en að sigur hafi unnist. Fólkið fór bara heim og eldaði kjötfars. Halda áfram að lesa →

Hvað er í dósinni?

Birt þann af

Höndin sem fæðir mig færði mér niðursuðudós í fyrradag. Sem væri svosem ekki í frásögur færandi nema af því að hún vakti hjá mér tilfinningu sem ég hélt að væri dauð.

Þessi ofur sérstaka niðusuðudós er ómerkt. Ekki með neinum miða. Ég veit ekki hvað er í henni. Og merkilegt nokk, ég upplifi forvitni, eftirvæntingu, eins og þegar ég var lítil og fékk innpakkaða afmælisgjöf. Halda áfram að lesa →