Greinasafn fyrir merki: hvunndags

Ástin

Birt þann af

Maðurinn minn gaf mér tölvu með Windows. Við erum að tala um alvöru ástarjátningu. Svona eins og ef KR-ingur hefði gefið konunni sinni 5 ára miða á alla leiki Vals.

Alltaf sama vandamálið

Birt þann af

Eynar varð alt í einu eitthvað svo svangur (gerist daglega). Hann leysti „vandamálið“ með því að fá sér einn súkkulaðimola.

Góður staður

Birt þann af

Í gær gerði Einar dauðaleit að lausum rafmagnstengli fyrir evrópskar klær. Ég fann hann í morgun og rifjaðist þá upp fyrir mér að ég hafði sett hann á „góðan stað“. Ég get ekki útskýrt hversvegna mér fannst blómavasi í stofunni vera góður staður.

Sóun á hæfileikum

Birt þann af

Þegar Eynar var lítill ætlaði hann að verða drykkjumaður.
Þegar hann var unglingur ætlaði hann að verða öreigi.
Sem ungur maður vildi hann verða iðnaðarmaður og gerði eitthvað í því.
Öll þessi frómu plön hans runnu þó út í sandinn og hann endaði sem stærðfræðingur.
Nú er hann að átta sig á því að hann hefði eiginlega átt að verða ballettdansari.
#hvílíksóunáhæfileikum

Veðrið

Birt þann af

https://www.facebook.com/eva.hauksdottir.norn.is/posts/10152740606052963

Afrek ársins

Birt þann af

Helsta afrek mitt árið 2014 er það að hafa gert líkamsrækt að rútínu. Eini árangurinn sem ég sé af því er fullvissa um að allar fullyrðingar um að líkamsrækt sé ávanabindandi, og að maður fari að hafa gaman af henni þegar maður er kominn með sæmilegt úthald, eru helber lygi.

Ég hef alveg farið yfir þröskulda. Ég hef miklu betra úthald en áður og er orðin töluvert sterkari. En ég sé ekki mun á útliti mínu (og ég er eingöngu að þessu fyrir hégómann) og ég hef ekkert nákvæmlega ekkert gaman af þessu. Ég held að þessi mýta um að maður fari að hafa gaman af þessu með tímanum komi hreinlega til af því að það eru þeir sem fíla þetta sem halda áfram.

https://www.facebook.com/eva.hauksdottir.norn.is/posts/10152607608407963

Sörubakstur

Birt þann af

Námskerling (ég er víst orðin of gömul til að flokkast með námsmeyjum) verður að taka aðventuna snemma til að fara ekki yfir um 5 dögum fyrir alræmduna. Ég skellti í sörur af því tilefni.

Í fyrra notaði ég uppskrift Mörthu Stewart. Tók hálfan dag í verkið, fór nánast á límingunum af stressi og eldhúsið var eins og Hulla systir mín hefði verið að verki með þrjú smábörn og hund að þvælast fyrir sér. Núna notaði ég ekki uppskrift og þreif íbúðina á meðan botnarnir voru að bakast og kremið að stífna. Þrír klukkutímar, hreint eldhús og þótt kökurnar séu ekki augnayndi eru þær ekkert ljótari en í fyrra og bragðið er fullkomið.

Niðurstaða:
A Sumt fólk á ekki að reyna að nota uppskrift.
B: Marta Stewart getur troðið uppskriftinni upp í framsóknarflokkinn á sér.

Stundum best að segja ekkert

Birt þann af

Í eldhúsinu mínu eru tveir karlmenn. Þeir eru að elda ofan í mig, blanda handa mér drykki og rífast um stöðu feminisma í hinum vestræna heimi. Ég á mjög erfitt með að halda kjafti.

Vandamál dagsins

Birt þann af

Maðurinn minn kvartar aldrei yfir neinu nema fyrstaheimsvandamálum á borð við það að þurfa að frysta ísmolana sína sjálfur (því hér er er ekki hægt að fá ísmola í hverri matvöruverslun). Vandamál dagsins er það að hann er búinn að kaupa um það bil 40.000 hitaeiningar af súkkulaði en er ekki nógu svangur til að borða það.