Þessar 108 myndir ættu að gefa nokkuð góða hugmynd um árásarhneigð og ofsa meðlima samtakanna Saving Iceland.
Mynd nr. 68 er í uppáhaldi hjá mér enda er þetta grófasta dæmi sem ég hef séð um ögrandi framkomu þessa fólks. Halda áfram að lesa
Greinasafn eftir:
Allir í góðum málum
Eru þetta ekki hvort sem er bara útlendingar?
Það er annars gott til þess að vita að fjölmiðlafulltrúi Impregilo skuli vera svo vel inni í öllu sem er að gerast á þessu stóra svæði að hann geti svona auðveldlega skorið úr um hvað er slúður og hvað raunveruleiki. Mér skilst að í nokkrum tilvikum þurfi verkamenn að ferðast í um 2 klst til að komast á vinnustaðinn (og svo annað eins heim aftur) svo það sér hver maður að það er ekkert smáræði sem Ómar leggur á sig til að fylgjast með því að gangi allt í vil í þessum Kardimommubæ hálendisins. Nema hann sé skyggn en það nú hreint ekki svo ótrúlegt.
Í vor fór einhverjum fréttum af því að „tugir Portúgala“ sem vinna við Kárahnjúka væru sáttir við aðstæður sínar og vísuðu á bug ásökunum um þrælahald. Ekki kom fram hvort það voru 2 tugir eða 9 tugir af þeim 300 Portúgölum sem þá unnu við Kárahnjúkavirkjun á vegum Impregilo.
Grasekkja
Ég gerði mér ekki grein fyrir því hvað ég er háð Orðsifjabókinni, fyrr en ég lánaði Magga hana. Þessar 3 vikur hefur varla liðið dagur án þess að ég finni hjá mér sérstaka þörf fyrir að fletta henni.
Í augnablikinu er það orðið grasekkja sem þvælist fyrir mér. Er hún grasekkja af því að hún nennir ekki að elda þegar karlinn er að heiman og hefur bara salat í matinn? Eða kannski hugsunin sé sú að karlinn sé nú meiri grasasninn að tolla ekki heima hjá sér?
Tjásur:
Matur drepur!
Saltkjöt er bráðdrepandi.
Grillmatur er krabbameinsvaldandi.
Rauðar M&M kúlur líka.
Kleinur valda kransæðastíflu.
Og kokteilsósa.
Kaffi veikir ónæmiskerfið.
Sykur veldur offitu, geðveiki og sykursýki.
Aspartam er gríðarlega hættulegt.
Líka MSG.
Og nú Tófú.
Ég held ég sé að ná þessu. Fólk deyr af völdum fæðu. Hver munnbiti sem þú kyngir, færir þig nær sjúkdómum og dauða.
Hlýðni við yfirvöld er skaðleg
Múgurinn er nánast heiladauður af þeirri gnægð brauðs og leika sem honum er tryggður. Hann myndi vissulega vakna ef öllum pizzastöðum yrði lokað á einu bretti og skrúfað fyrir alla „raunveruleikaþætti“ um leið. Hinn raunverulegi raunveruleiki snertir hann hinsvegar ekki. Ekki á meðan þessum frumþörfum hans er fullnægt.
Það er verið að eyðileggja jörðina okkar. Þeir sem eru ábyrgir fyrir því hafa nöfn og kennitölur og við vitum hvar þeir búa. Það sem okkur vantar er ekki hlýðni við yfirvöld heldur röggsamur meindýraeyðir.
Dugar ekki
Ég er ánægð með Svandísi þótt þetta breyti svosem engu. Það er með öllu óþolandi að eigendur fyrirtækisins séu leyndir upplýsingum um orkuverð. Þetta er klassískt dæmi um pólitíska ákvörðun sem hefur það eina markmið að tryggja völd og hagsmuni ákveðins forréttindahóps.
Krafa Svandísar um að leyndinni verði aflétt og ákvörðun hennar um að ganga út, fremur en að liggja á upplýsingum, mun engu breyta í sjálfu sér en getur kannski orðið til þess að vekja einhverja til umhugsunar. Mótmæli á Austurvelli munu heldur ekki breyta neinu. Til þess að við fáum að sjá tölur þarf beinar aðgerðir.
Fólk ER fífl!
Moggabloggsumræðan sem skapaðist um þessa frétt er eitt lítið dæmi sem staðfestir þá skoðun mína að heimska mannanna sé uppspretta stórra vandamála.
Eru virkilega svona margir sem vita ekki að slysatryggingin nær ekki til réttindalausra ökumanna? Eða er kannski til sérstök hrokatrygging fyrir þá sem telja sig og sína vera undanþegna slysum og óhöppum?