Þessar vísur orti ég árið 1988. Beggi bróðir minn samdi lag við þær 2015 en diskurinn er enn ekki kominn út. Halda áfram að lesa
Greinasafn eftir:
Manstu þá
Að haldast í hendur
og klifra upp í tré
og veltast í grasinu
og hlæjaog mála skrýtnar myndir
af fuglum og fiðrildum
köttum, krossfiskum
sæhestum, síðhærðum blómum
og olíuborpöllum;var ekki gaman
þá?
Minning
Í minningunni
eins og hlý, gömul peysa.
Dálítið trosnuð á ermunum
og löngu úr tísku.
Þó svo hlý, svo mjúk
á köldum vetrarmorgni.
Svo var mér vinátta þín.
Sett í skúffuna í ágúst 1985
Kveðja
Dánir.
Að eilífu.
Runnir í tómið
dagarnir,
þegar allt mitt var þitt
og hugsanir þínar
-titrandi
bak við augnlokin.
Sett í skúffuna í júlí 1985
Elskan litla (þykjustusaga um alvöruleiki)
Þú segir ást þína beislaða, stillta.
Segist elska mig sem góðan vin.
Annað segja vorbjört augu þín.
Sem þú lokar
þegar hjarta þitt tekur að titra.