Á venjulegu kvöldi vill bera við að Þokki leiti inn í eldhús, á hröðum flótta undan girndaraugnaráði vergjarnra kvenna -og þegar verst lætur hreinni og klárri áreitni. Að lokum var hann orðinn svo leiður á þessu að hann ákvað að mæta í nælonsokkum í von um að lostabríminn rénaði dálítið svo hann fengi vinnufrið. En þá tók ekki skárra við. Nú hefur hann ekki undan að bíta af sér káfsækna karla.

-Hann spurði hvort ég vildi ekki allavega prófa að vera með karlmanni áður en ég afskrifaði það alveg en ég get svarið það að ég hef bara ekki minnsta áhuga. Það hefur bara aldrei hvarflað að mér, eitt augnablik.
-Nú, segir Keikó, þú ert búinn að gleyma því sem þú baðst mig um í gærkvöldi.

-Elsku kallinn minn, það var nú bara djók til að fá þig úr fötunum. Þessvegna fór ég um leið og þú varst kominn úr, segir Þokki og strýkur silkimjúkan fótlegg sinn í gegnum nælonið.
-Eitthvað svo bjánalegt þegar hárin stingast í gegn, segir hann.
Já, karlar eru kannski ekki svo ólíkir konum þegar allt kemur til alls, hafa allavega sömu afstöðu til nælonsokka.

Greinilega einhver fiðringur í Bruggaranum sem flettir annarshugar í gegnum símaskrána í gemsanum sínum og reynir að gera upp við sig hverri hann eigi að bjóða heim í kvöld. Kannski svolítið líkur kennara sem reynir að gera upp við sig hvaða krakki í bekknum eigi að fá að „ver´ann“ í leik og þarf bæði að sýna þá sanngirni að velja ekki alltaf þann sama en jafnframt að gæta þess að velja einhvern sem á það skilið.

-Hlýtur að vera áhættusamt þetta riðlirí út um allar trissur segir Vínveitan, þú mátt vonandi færa smokkakaup sem útgjaldalið á skattaskýrsluna þína?
En Bruggarinn afneitar því algerlega að lauslæti sé áhættusamt enda þekkir hann gaur sem negldi 18 stelpur á stuttu tímabili og fékk ekki einu sinni klamma. Jahérna, ég segi nú ekki annað. Samkvæmt þessu reiknilíkani ætti mér að vera borgið um aldur og ævi.

Ég vil líka fá að riðla 18 sinnum! Myndi jafnvel sætta mig við að það yrði alltaf með þeim sama.