Enda held ég að hann trúi bullinu í sér sjálfur.
Ætli maðurinn hafi ekki frétt af því ennþá að hann er athlægi víða um heim?
 |
SÍ naut trausts erlendis |
Greinasafn fyrir flokkinn: Örblogg
Borgarahreyfingin er fyrirlitegt flokkskerfisskrípi og máttlaust í þokkabót
Borgarahreyfingin er ekki nýtt stjórnmálaafl. Borgarahreyfingin er gamalt, þreytt, ónýtt stjórnmálaafl, semsagt hefðbundinn flokkur. Hún er þó sýnu fyrirlitlegri en aðrir flokkar að því leyti að hún hafði ekki einu sinni döngun til að móta sína eigin stefnu.
Borgarahreyfingin varð til á þann hátt, að nokkrar hreyfingar voru búnar að funda, tuða og þrátta, án þess að komast neitt áfram í margar vikur. Lýðveldisbyltingin hafði mótað ágæta stefnu sem hefur lýðræði að leiðarljósi en hugmyndin með Lýðveldisbyltingunni var sú að komast á þing, ná fram markmiðum um stjórnkerfisbreytingar og leggja svo hreyfinguna niður um leið og því væri lokið, til að tryggja að hún yrði ekki að venjulegum flokki.
Fljótt kom í ljós að flestir vildu ekki leggja hreyfinguna niður. Þeir vildu í raun viðhalda flokkakerfinu af því að þeir vildu sjálfir komast á þing og fá völd. Þeir gengu þessvegna úr hreyfingunni og fóru að vinna með fólki sem vill viðhalda flokkakerfinu með öllu sínu valdabrölti og spillingu.
Þegar allar þessar grasrótarhreyfingar sáu fram á að þær hefðu ekki manndóm til að ljúka sinni málefnavinnu í tæka tíð fyrir kosningar, varð lendingin sú að taka stefnu Lýðveldisbyltingarinnar upp nánast óbreytta. Það eina sem breytist er að nú er enn einn, viðbjóðslegur, valdasjúkur stjórnmálaflokkur í boði, en hann hefur ekki einu sinni drullast til að vinna málefnavinnuna sína sjálfur, heldur fengið hana á silfurfati og virkjað í þágu flokkakerfisins, frá fólki sem ætlaði einmitt að rísa gegn flokkakerfinu.
Þetta hlýtur að vera einmitt rétta fólkið til að koma á lýðræði í landinu.
Umræður hér
://www.facebook.com/notes/eva-hauksdottir/borgarahreyfingin-er-fyrirlitegt-flokkskerfisskrípi-og-máttlaust-í-þokkabót/52099983659/
Nú ætti strengjabrúðustjórnin að biðjast lausnar
Þessi ríkisstjórn er gjörsamlega undir hælnum á Framsókn og það er ekkert vinnandi við þær aðstæður. Það skynsamlegasta sem stjórnarflokkarnir gerðu núna, væri að pakka saman og fara heim. Sjálfstæðisflokkurinn og Framsókn tækju þá við, með þeim afleiðingum að skríllinn risi upp og hreinlega tæki völdin af þeim.
Kannski er stjórnarkreppa einmitt það sem við þurfum til þess að almenningi misbjóði nógu hrottalega. Kannski stjórnarkreppa yrði til þess að fólk tæki sig saman um að bera Davíð út úr Seðlabankanum og breyta Alþingi í lýðræðisstofnun.
|
Framsókn skekur ríkisstjórnina |
Svo er eitt sem ég skil ekki
Allir eru rosalega skuldugir. Heimilin, fyrirtækin, bankarnir, landið. Líka öll hin löndin, allir að fara á hausinn, allsstaðar.
Það sem ég skil ekki er, hverjum skulda öll þessi lönd alla þessa peninga? Hver er þessi dularfulli lánardrottinn?
Upplýsingar takk!
Af hverju hafa stjórnvöld enn ekki kynnt almenningi skilyrði sjóðsins og útskýrt hvernig við ætlum að endurgreiða lánið?
Steingrímur sagði á borgarafundi síðasta mánudagskvöld að áætlunin væri öll á netsíðu IMF en ég get ekki ekki sagt að ég sé miklu nær eftir þann lestur.
Ég vil fá þetta skýrt og skorinort, á íslensku. Ég vil fá upplýsingar um skilyrði sjóðsins, greiðsluáætlun og greinargóðar upplýsingar um hvað gerist ef við stöndum ekki í skilum. Ég vil einnig fá ‘glósur’ eða helstu áhersluatriði dregin út í stuttar, aðgengilegar línur sem fljótlegt er að renna yfir.
Er þetta ekki fullkomlega sanngjörn krafa?
|
Sendinefnd IMF kemur í næstu viku |
Froðusnakk Flokksdindilsson í fyrsta sætið
1
Nú eru að spretta upp glás af facebookhópum sem vilja einhverja Siggu í 2.-3. sætið eða einhvern Guðjón í 5.-6- sætið. Eða öfugt.
Ég ætla ekki að styðja neinn í 1. sætið, 18. sætið eða neitt þar á milli. Sá sem styður einhvern í sæti á lista er nefnilega þar með að styðja flokkakerfið, sem er ein af rótum allra okkar vandamála. Að skipta út fólki er jafn raunhæf lausn eins og að setja ferska mjólk í ílát sem hefur súrnað í, án þess að þvo það.
Ef ætlunin er í alvöru að viðhalda sama, rotna stjórnskipulaginu og þar með sama valdapotinu, vinsældaslagnum og lýðskruminu; ef þjóðin ætlar að sætta sig við þá lendingu, þá á hún skilið að fá Sjálfstæðisflokkinn yfir sig eina ferðina enn. Því miður bitnar það þó ekki bara á þeirri spólhugsandi sauðahjörð sem jarmar af þakklæti fyrir þetta aukatækifæri til að setja kross á blað, heldur líka á komandi kynslóðum.
Hvernig komast menn annars að þeirri niðurstöðu að það breyti einhverju að setja siggurnar og guðjónana í einhver ákveðin sæti? Er einhver rökhugsun mér framandi á bak við það, eða er fólk einfaldlega fífl?
Ætti maður bara að koma sér héðan strax?
Ég er hrædd um að grilljón grasrótarhreyfingar fari í framboð, í stað þess að mynda eina breiðfylkingu. Ég er hrædd um að atkvæði sem annars færu til VG og Samfylkingar dreifist á of mörg framboð og að Sjálfstæðismenn og Framsókn komist aftur til valda.
Eins og ég hef annars slæmt álit á flokkakerfinu, held ég nú að það eina sem geti bjargað Íslandi frá því að missa sjálfstæðið (og þar með auðlindirnar) sé að grasrótin sameinist um að kjósa VG. Ég myndi mæla með því að skila auðu ef það væri ekki fyrir hættuna á því að sömu menn taki aftur til við að einkavæða, ljúga, stela og svíkja.