Af hverju taka menn allaf það sem er fullkomið eins og það er og gera það aftur? Er ekki eitthvað stórkostlega athugavert við hugmyndaflug þeirra sem geta ekki bara gert eitthvað nýtt? Ef út í það er farið er svosem ekkert nýtt undir sólinni, við byggjum alltaf á því sem við þekkjum en fjandinn hafi það, hvað er eiginlega að upprunalegu útgáfunni?
 |
Sigurjón gerir mynd með Steve Carell |
Þetta er nefnilega ekki flokkspólitískt mál heldur mannréttindamál.
Nokkrir bloggarar hafa talað um stuðning við þá kröfu að útlendingaeftirlitið virði mannréttindi sem vinstri grænan rétttrúnað eða kommúnisma. Það finnst mér einkennilegt því enginn stjórnmálaflokkur hefur það á stefnuskrá sinni að ganga fram hjá mannréttindum enda hefur fólk úr öllum flokkum og úr öllum geirum samfélagsins fylkt sér um það.
|
Í stjórnarandstöðu nema Ramses komi aftur |
Nú hefur ríkissaksóknari sagt sig frá öllum málum sem tengjast bankahruninu. Hann vill hinsvegar sinna öðrum verkefnum embættisins, sem hlýtur að merkja að hann vilji eltast við sömu bófa og lögreglan.
Ekki hefur farið mikið fyrir handtökum á útrásarvíkingum, bankastjórum og fólki innan stjórnsýslunnar en hinsvegar er löggan dugleg við að uppræta kannabishreiður og lemja aktivista. Það liggur því í augum uppi að verkefni ríkissaksóknara næstu ár og jafnvel áratugi verða fyrst og fremst að útvega hasshausum og friðarsinnum fæði og húsnæði á kostnað ríkisins. Svo er náttúrulega alltaf eitthvað um að þurfi að dæma bjána sem hafa ekki borgað hraðasektirnar sínar og varla eru það vinir Valla sem fremja slíka stórglæpi. Það verður því hægt að finna nóg verkefni fyrir ríkissaksóknara að dunda við.
Nú og ef verður verkefnaþurrð, þá getur hann notað tímann til aukahreingerningar á skrifstofunni, skrúbba gólflista og fleira sem ekki er gert vikulega. Þannig er starfsfólk allavega nýtt á mínum vinnustað ef er lítið að gera. Ég meina varla vilja Íslendingar fara að fjölga fólki á atvinnuleysisskrá.
|
Joly: Hvað á ríkissaksóknari að gera? |
Úr stöðugleikasáttmálanum:
Ríkisstjórnin mun greiða götu þegar ákveðinna stórframkvæmda sbr. þjóðhagsáætlun, s.s. framkvæmda vegna álvera í Helguvík og Straumsvík.
Svo mælti vinstri hreyfingin grænt framboð, sem hélt fram umhverfisstefnu, allt fram að þeim degi sem hún komst í ríkisstjórn. Hversu stórum skammt af lygum, svikum og lýðskrumi þarf ein þjóð að kyngja til að átta sig á því að það sem við köllum því virðulega nafni ‘lýðræði’ er kjaftæði og ekkert annað en kjaftæði?
Ég hélt að ég gæti afskrifað 17. júní enda þjóðin búin að missa sjálfstæði sitt. En þessi maður bjargaði deginum. Hér eftir held ég hann hátíðlegan til að minnast þess að enn eru til karlmenn á Íslandi.
|
Þjóðfundur við Hólmatún |
Þetta er sennilega eina fjölskyldan á Íslandi sem ekki getur séð sér farborða en á samt ekki neinn rétt á bótum úr félagslega kerfinu. Það er engin sanngirni í því að Sigurjón sitji uppi með fjölda ómaga, atvinnulaus maðurinn og þurfi að grafa undan sjálfum sér með því að leysa út lífeyrissparnaðinn sinn.
Allir á Austurvöll, krefjumst mannréttinda fyrir bankastjóra og fjölskyldur þeirra.
|
Líkir láni bankastjóra við almenn lífeyrissjóðslán |
Það er ekkert annað en sjálfsagt að þeir sem eiga að borga brúsann, þ.e. almenningur í landinu, fái að sjá samninginn og vitanlega ætti að vera þjóðaratkvæðagreiðsla um hann.
Einhverjum finnst kannski að mér ætti að vera sama þar sem ég er hætt að taka þátt í íslenska efnahagsruglinu en synir mínir búa enn á Íslandi og mér finnst frekar súrt til þess að vita að börnin mín og hugsanleg barnabörn geti ekki búið á minni fósturjörð án þess að vera neydd til að borga sukk óviðkomandi skíthæla. Það er lágmark að þeir sem eru þvingaðir til að ábyrgjast skuldir annarra eftir á, fái að vita hvað það er sem annað fólk undirritar fyrir þeirra hönd.
|
Ekki ríkisábyrgð á leynisamning |