Þú ert algert rjómabollurassgat (Sjá tjásu frá Grími, neðarlega, feitletruð)
Mér hlýnar alltaf dálítið í hjartanu þegar ég fæ svona mikla athygli frá aðdáendum mínum.
Hvað segirðu annars, bara brjálað að gera í vinnunni? Halda áfram að lesa
Greinasafn fyrir flokkinn: Allt efni
Talandi um Landsbankann
 |
Elín borin út úr bankanum |
Tek upp grímu í dag kl 13
Í dag mun ég í fyrsta sinn bera grímu í mótmælaaðgerð. Ég mun bera slíka grímu hér eftir í aðgerðum, nema andlitið á mér þjóni sérstökum tilgangi.
Á morgun kem ég fram í þætti Sverris Stormskers á útvarpi Sögu og ræði aktivisma og anarkisma. Á fimmtudag kem ég fram á opnum Borgarafundi í Iðnó og tala um borgaralega óhlýðni og ábyrgð mótmælenda. Eftir það mun ég ekki tjá mig um mótmæli aðgerðasinna undir nafni, nema þá með því að vísa í eitthvað sem ég hef þegar sagt. Halda áfram að lesa
Svar til Siggu
Einhver Sigga spyr í þessum svarhala, hvert ég hafi hringt þegar rúður voru brotnar í búðinni minni.
Í báðum tilvikum hringdu nágrannar fyrst í lögregluna og svo í mig. Ég hefði að sjálfsögðu hringt í lögregluna vegna þess að til þess að húseigandinn fái tjónið bætt, þarf lögregluskýrsla að liggja fyrir. Halda áfram að lesa
Bruni
Gaza: Ég á að vera að gera eitthvað í því.
Hælisleitandi sem var búinn að fá vinnu missir hana og útlendingastofnun svarar með því að taka atvinnuleyfið af honum aftur: Kræst, ég á að vera að gera eitthvað í því. Halda áfram að lesa
Meira lýðræði, minna kjaftæði
Ég tel það skref í rétta átt að fordæma þessa fjöldaslátrun en það er bara ekki nóg. Við megum ekkert vera að því að bíða og sjá hvað setur eða standa í tómu kjaftæði öllu lengur, morðbylgjan á sér stað NÚNA.
Við verðum að slíta öll tengsl við Ísrael, viðurkenna þjóðstjórn Palestínumanna og bjóða flóttamenn velkomna. Við erum hvort sem er að missa þústundir Íslendinga úr landi og þurfum á því að halda að fá hingað fólk sem sættir sig við að lifa spart.
Ef væri virkt lýðræði á Íslandi værum við löngu búin að slíta öllu samstarfi við Ísrael. Þrátt fyrir takmarkaðan fréttaflutning og lítinn skilning á því ástandi sem ríkir í Palestínu, tel ég nokkuð öruggt að langflestir Íslendingar séu mótfallnir hernáminu og það þarf ekki meðalgreinda manneskju til að sjá ranglætið í því að þungvopnaður minnihluti geti kúgað, rænt og drepið upprunalega íbúa landsins með stuðningi og blessun alþjóðasamfélagsins.
Svo mætti Dorrit líka alveg láta eitthvað heyra frá sér um framferði frænda sinna á Gaza, hún hlýtur að hafa skoðun á því manneskjan.
|
Fordæmir innrás á Gasa |
Rosalegur þrýstingur
Þjóðir heimsins þrýsta á? My ass! Hvernig þá? Með því að biðja þá kurteislega að hætta að drepa fólk? Ég fullyrði að aktivistarnir sem þrýstu sér inn í anddyrið á Hótel Borg á gamlársdag notuðu til þess meiri þrýsting en allar þjóðir heimsins setja nú á Ísrael.
Þjóðir heims, eða öllu heldur ríkisstjórnir heimsins, vita fullvel að það hefur engin áhrif að fordæma aðgerðir eða krefjast vopnahlés. Þær myndu nefnilega ekki breyta hegðun sinni og afstöðu sjálfar, bara vegna áskorana. Ef árangur á að nást þurfa þjóðir heims að slíta samstarfi við Ísraelsmenn og leggja niður alla aðstoð við þá og öll viðskipti. Getur einhver sagt mér hvað hindrar okkur Íslendinga í því?
|
Æfðu innrásina í átján mánuði |