 |
Ruslatunnur í sparifötum |
Greinasafn fyrir flokkinn: Allt efni
Lýst eftir vitnum
|
Mótmælt á Austurvelli |
Æ Hörður
Mikið tala menn þessa dagana um friðsamleg mótmæli og eiga þá venjulega við fundi þar sem fámennur hópur skipuleggur dagskrá og setur fjölanum reglur um það hvernig hann eigi að hugsa og hegða sér. Þeir sem ganga lengra en að klappa á réttum stöðum og hugsanlega halda ræðu þar sem réttar skoðanir eru settar fram af ákveðni, sem þó er ekki fylgt eftir með gjörðum, eru þar með andstæðingar hinna friðsömu.
Kannski ætti mbl.is að endurskoða stefnu sína?
Ég varð mjög ánægð þegar mbl.is skrúfaði fyrir þann möguleika að beintengja blogg við fréttir af slysum, kynferðsglæpum og öðru mjög viðkvæmu og persónulegu. En getur einhver sagt mér hversvegna er ekki hægt að tengja færslu við þessa frétt? Flokkast það sem viðkvæmt og persónulegt mál ef einhver bullan gengur um og ógnar fólki?
Annað sem mér finnst gagnrýnivert hjá mbl.is. Nú er ekki lengur hægt að blogga nafnlaust. Mér finnst það slæmt af því að í málefnalegri umræðu á persónan á bak við orðin ekki að hafa of mikil áhrif á það hvernig umræðan þróast en ég skil það, vegna þess að of margir nýta sér nafnleysið til að sverta aðra og jafnvel ógna saklaustu fólki. Það skýtur því skökku við að eftir sem áður sé hægt að beintengja hvaða bull sem er við fréttir, með því að senda sníkjubloggfærslur inn á atugasemdakerfi annarra, nafnlaust. Veit einhver hvaða rök eru á bak við það fyrirkomulag?
Hversvegna er annað mál að brjóta rúðu í Nornabúðinni en Fjármálaeftirlitinu?
Ég nenni varla að standa í að svara þeim sem sjá ekki mun á því að brjórta rúðu í Nornabúðinni eða að brjóta rúðu í Fjármálaeftirlitinu eða skemma rafmagskapal í eigu 365 miðla. Ég ætla samt að útskýra þetta einu sinni enn, svona fyrir þá sem eru raunverulega að leita svara:Sko. Annarsvegar er ráðist gegn valdastofnunum og stórfyrirtækjum sem hafa misnotað vald sitt, endalaust logið og svikið og stefnt sjálfstæði þjóðarinnar í hættu með vanrækslu eða öðrum afglapahætti. Valdastofnanir og stórfyrirtæki geta svo beitt fyrir sig lögreglu, en hana skipa einu mennirnir í samfélagi okkar sem hafa lagalegan rétt til að beita ofbeldi, einu mennirnir sem hafa rétt til að beita vopnum og eru heilaþvegnir til þess að vinna hvaða skítverk sem er samkvæmt skipun. Eina leiðin til að draga valdastofnanir, stórfyrirtæki og valdamikla einstaklinga til ábyrgðar, er með öflugum þrýstingi hins almenna borgara og með því að ögra ramma laganna, sem oft eru sett sérstaklega til að vernda vald þeirra.
Hinsvegar er um að ræða einyrkja sem hefur ekki ógnað fjárhagslegu öryggi nokkurs manns, hefur nákvæmlega ekkert vald, engin vopn nema orð sín og hugarorku og ekki einu sinni líkamsburði til að slást við 12 ára barn hvað þá meir. Það er engin ástæða til þess að almennir borgara taki lögin í sínar hendur gagnvart mér, því ef ég geri eitthvað ólöglegt, eða er bara grunuð um það, þá er ekkert mál að fá lögregluna til að rannsaka það og hún mun sannarlega ekki halda hlífiskildi yfir mér ef ég vil fá frið til að ráðstafa fé og eignum annarra án samþykkis þeirra.
Rúðubrotin hjá Fjármálaeftirlitinu voru svar (mjög aggressívt svar) við þeirri valdhrokaaðgerð að loka opinberri stofnun fyrir fólki sem heldur uppi óþægilegum kröfum. Rúðubrotin í Nornabúðinni eru svar við þeim ósköpum að kona sem engu ræður og á enga einkaþotu og engan frænda í valdastöðu, skuli endalaust vera rífandi kjaft. Þar fyrir utan, þá var ekki bankað upp á hjá mér á auglýstum afgreiðslutíma, heldur komið í skjóli nætur, sem gerir samanburðinn ennþá bjánalegri, því ég hef aldrei lokað á fólk þótt það eitthvað út á mig eða minn rekstur að setja. Ég hef ekki einu sinni lokað kommentakerfinu á blogginu mínu fyrir vitleysingum á borð við Björn bónda og Ólaf Hrólfs.
Ég hef séð töluvert marga viðra þá skoðun að mótmæli og kröfur eigi eingöngu að beinast gegn störfum manna en ekki þeim sjálfum persónulega. Ég er þessu ósammála. Á bak við valdastofnanir og stórfyrirtæki eru spilltir og valdamiklir einstaklingar sem oft hafa hag að því að viðhalda óréttlæti. Mér finnst í góðu lagi að angra þá, því fólk hættir ekkert að bera ábyrgð á gjörðum sínum þegar vinnudeginum lýkur. Það krefst hinsvegar meiri vandvirkni að heimsækja fólk en að mæta því í vinnugallanum.
Bílnúmer náðist
|
Ráðist gegn Nornabúðinni |
Ég þakka öllum þeim sem hafa haft samband við mig til að lýsa samstöðu, mér þykir vænt um það. Ég vil biðja þá sem fordæma þennan verknað samt að fara varlega með orð. Þetta var ekki ofbeldisverk, heldur skemmdarverk, sem er allt annað. Halda áfram að lesa
Síðasta aðgerð ársins
Mikið hefur verið bloggað um þessa síðustu aðgerð ársins og fréttaflutningur af stórfelldum skemmdarverkum og líkamsárásum blásinn upp. Sé það rétt að einhver hafi kastað múrsteini í lögreglumann og kinnbeinsbrotið hann, þykir mér það skelfilegt. Ég styð ekki ofbeldi og þekki engan sem ég trúi að myndi réttlæta slíkt. Ég sá ekkert ofbeldi sjálf, nema auðvitað þá ótrúlegu aðgerð lögreglu að beita piparúða innan dyra. Slíkt er forkastanlegt og ég verð ekki hissa þótt þetta verði til þess að aðgerðum verði beint sérstaklega gegn lögreglunni næst. Halda áfram að lesa
Áramótakveðja
Ég held að áramótakveðja send sem fjölpóstur snerti fáa inn að hjartans dýpstu rótum og sjálf kemst ég ekki yfir að lesa öll gleðileg jól eða farsælt nýtt ár blogg. Ég vil þó nota þessi tímamót til að óska öllum sem ég þekki ánægjulegra tíma framundan og þakka fyrir samskipti á liðnu ári. Einnig vil ég lýsa sérstöku þakklæti við þá sem hafa stutt pólitískar aðgerðir aktivista á árinu.