Ég játa; sjúklega og illskiljanlega reiði í garð allra virkra alkóhólista og annarra fíkla. Andúð mín á tegundinni ristir dýpra en hatur mitt á ríkisstjórn Bandaríkjanna og lyktin af rotnandi mangóávexti samanlagt. Mér finnst það í raun ekki slæmt en ég er ósátt við að finna ekki röklegar skýringar á þessum hörðu viðbrögðum mínum við því sem flestir aðrir virðast líta á sem hversdagslegt bögg fremur en hreinræktaða illsku. Halda áfram að lesa
Greinasafn eftir:
Safi
-Má ekki bjóða þér eitthvað vatnslosandi? spurði Maðurinn sem teiknar hugaróra á hafsbotni og rétti mér glas með drykk sem er jafnvel rauðari en varir málfræðikennarans með hljóðvarpablætið.
-Veistu að það sem þú ert að bjóða mér er uppistöðuefni í ástarelexír? sagði ég. Hann þvertók fyrir að hafa vitað það.
Vatnslosandi er kannski ekki það æskilegasta fyrir svefninn. Við sættumst á flóaða mjólk með hunangi.
Ég svaf mjög vel í nótt.
Ef
5 Missed calls, 3 sms.
Samviskubitið grípur mig. Ekki gagnvart þér, heldur gagnvart henni.
-Það bitnar á mér þegar þú svarar ekki símanum, sagði hún. Ég bað hana ekki að skýra það nánar, sá fyrir mér að þú yrðir fjarrænn og eirðarlaus. Fokkitt, hvað er ég að velta mér upp úr því? Eins og ykkar líf bitni ekki líka á mér. Hringi samt í þig því ég er ekki grimm. Ég ætla að smíða eitthvað fram eftir og auðvitað máttu sitja hjá mér á meðan. Halda áfram að lesa
Afarkostir
Birta: Ríðum bara.
Eva: Ertu frá þér, ég gæti orðið skotin í honum.
Birta: Þú verður skotin í öllu sem er með greindarvísitölu yfir frostmarki og kann að skeina sig. Ef þú fengir að ráða þessu ein þá svæfum við eingöngu hjá drykkfelldum framsóknarmönnum með hárbrúska út úr eyrunum. Halda áfram að lesa
Sushi
-Mig langar að kyssa þig, sagði Maðurinn sem teiknar hugaróra á hafsbotni. Ég þurfti að hugsa mig aðeins um til að koma orðum að hugsun minni.
-Mér finnast kossar mjög persónulegir, sagði ég að lokum. Hann hugsaði sig um.
-Sannleikurinn er sá að mig hefur langað það í nokkra daga og þér er óhætt að taka því mjög persónulega.
Halda áfram að lesa
Gremj!
Helvíti að eiga frídag á sólstrandardegi og geta ekki verið úti. Mig svíður í fótleggi, axlir og andlit en tók ekki eftir því fyrr en ég fór inn.
Mig langar í félagsskap en allir sem ég þekki eru:
a) úti í sólinni, af skiljanlegum ástæðum
b) í útlöndum
c) úti á landi
d) ástfangnir
e) þunnir
Gerði tilraun til að opna búðina fyrst ég gat ekki verið úti lengur hvort sem er. Endalaust ráp túrista inn og út sem merkir að ég hef ekki frið til að lesa eða skrifa en salan er of lítil til að ég tími að eyða fríinu mínu svona. Ætla hér með að loka aftur og hanga frekar með bókina mína inni á kaffihúsi.
Sumar
Á hvílíkum dögum reynir maður að sameina vinnu og sumarfrí. Sitja í hlírakjól fyrir utan búðina og pakka rúnasteinum eða lesa bók. Stundum kemur Sjoppmundur hlaupandi yfir götuna með ís handa mér. Það finnst mér fallegt af honum. Ís og hlírakjóll samræmast kannski ekki ímynd nornarinnar en mér er alveg sama því ég hef tekið örlítinn lit síðustu daga og það þykir mér nú skemmtilegt. Halda áfram að lesa