Greinasafn fyrir flokkinn: Allt efni

Óður til Samfylkingarinnar

Birt þann af

Stóriðjulauslátir, gandreiðarstígvélabrögðóttir fyrirtækisfærissinnar
gengu í hring út frá innkomu utan um afkomu.
Veraldarauðkífið leit upp og lyfti hægindastólpípuhattinum;
„frúin er framboðleg“.

Afskiptaráðandinn tilkynnti að almúgnum vandlátnum
yfirtöku á skaflajárntjaldsúlunni úr rökþrotabúinu.
Tvínegldi tágleiður
öfugsnúinn sætabrauðfótabúnað gangsskiptagæðingsins.
Hleypti á skeið og stökk yfir vegtálma
vammlausnarsteingerðarbeiðenda.

Umkomulausholda of- eða van- hugsjónleikstjórastólræðan
stefndi að misgengisfellingu
á vel kýldri vömb afturgönguHrólfs
með afgangi af uppgangi inni í Ráðhúsi.
Dýr eru óráð í góðæri, góð ráð í óráði,
vandræði á vergangi.

Afturfótafiðrildi
flögrandi í áttina að útgangi.

Leitarmýta 2002

Birt þann af

forvitni – forleikur – forlög
örvænting -örlæti – örlög
ávani – álagning – álög
þátíð – nútíð – ætíð

leitið og yður mun neitað
heimtið og yður mun skammtað
efist og yður mun gefast.

Annað módel

Birt þann af

vona – vond – vændi – væntir

………………… – yndi

…………………. – undu

kona – kvon – kvendi – kvæntur

…………………. – kyndi

…………………. – kondu

Lesist í þeirri röð sem hver og einn bara fílar,
með þeim beygingarendingum sem lesandinn tekur viðeigandi hverju sinni.

 Róló

Birt þann af

Þetta er tölvuljóð. Bakgrunnurinn verður blár, hver lína í einhverjum skærum lit og allar á iði, þ.e.a.s. hver lína fyrir sig hreyfist, rennur, skoppar til og tekur dýfur þó ekki svo mikið að það verði of erfitt að lesa textann. Það á ekki að vera hægt að stoppa hreyfinguna.

Halda áfram að lesa →

Gagnvirkt ljóð í varnarhætti

Birt þann af

Þetta ljóð þyrfti eiginlega að setja upp í tölvuforriti svo að það skili sér almennilega. Þetta er gagnvirkt ljóð, þ.e.a.s. lesandinn getur ráðið nokkru um það hvernig ljóðið verður. Ég sé fyrir mér að hægt verði að velja á milli nokkurra orða með því að smella á grænan eða gulan valkost. Ég set hér í sviga það sem er gult en skástrik utan um það sem er grænt. Þetta er samt svindl svona, vegna þess að á réttu formi á lesandinn ekki að geta séð valkostina áður en hann velur, heldur aðeins liti. Halda áfram að lesa →