Enn stendur frekjubíllinn í tveimur stæðum. Um daginn skildi ég eftir á honum svohljóðandi orðsendingu; „Þú hefur dýpkað skilning minn á orðinu frekja.“ Að sjálfsögðu setti ég einnig nafn og staðsetningu á blaðið. Maður sem býr í hverfinu kom í búðina til að þakka mér fyrir framtakið en þetta hefur hinsvegar ekki haft nein áhrif á eigandann.
Ef hann verður ekki farinn í kvöld frem ég eitthvert fordæði.
———————————————
verst að þú getur varla lyklað hann, yrðu fljót að berast að þér böndin…
Posted by: hildigunnur | 18.04.2007 | 9:51:30
———————————————
heldurðu að eigandinn nái sneiðinni, þ.e. að þú sért að setja út á hvernig hann leggur?
sumir eru bara svo vitlausir.
Posted by: baun | 18.04.2007 | 10:46:50
————————————————————–
Áttu ekki prjón til að nota á dekkin?
Posted by: Sveinn | 18.04.2007 | 19:54:17
————————————————————–
Væri ekki athugandi að láta bara draga hann?
Posted by: Vésteinn Valgarðsson | 19.04.2007 | 20:03:53