Kennaraverkfall brostið á aftur. Æææææææææææ! Og hvert leitar hún þá til að fá gæslu fyrir barnið? Að sjálfsögðu til einhvers sem væri vís með að útvega parketnagla í leiðinni. Snjallt að láta gemlinginn gista. Gæti vakið djúpstæðari kenndir en löngun til að skjótast í Húsasmiðjuna eftir parketnöglum.

Hef andskotað sængurverum af rúmunum, flissandi eins og asni. Mér finnst svo rökrétt að finna til afbrýðisemi og reiði að ég er hálfhneyksluð á sjálfri mér. Kannski ég sé bara með sömu unglingaveikina og drengir sem flissa yfir sorglegum bíómyndum. Samt finnst mér það ekki vera það.

Óska þér velfarnaðar af ítrustu kurteisi þótt mér gæti ekki staðið meira á sama um velferð þína. Tek Húsasmiðinn dálítið nærri mér eins og áður en vona í fullri einlægni að hann sé ánægður. Spái því að þetta fari illa, fyrir ykkur bæði, ekki af neinni illgirni, ég bara held það.

[custom-related-posts title=“Tengt efni“ order_by=“title“ order=“ASC“ none_text=“None found“]