Leiðbeiningar

Prentaðu listann hér að neðan út. Merktu við þær staðhæfingar í hverjum flokki sem lýsa þér og þinni afstöðu best. Mættu svo á kaffiteru Perlunnar kl 14:00 mánudaginn 1. nóv. Taktu skjalið með þér ásamt skriflegum meðmælum ef þú hefur þau handbær.

Ath. Nokkur misskilningur virðist ríkja um þetta fyrirhugaða stefnumót. Menn hafa haft samband og lýst áhyggjum sínum af því að þurfa að standa í biðröð og komast svo kannski ekkert að eftir allt saman. Það er auðvitað af og frá að ég ætli umsækjendum að standa í biðröð. Vitanlega fá umsækjendur að taka númer og geta því sest niður og lesið Moggann í rólegheitum á meðan þeir bíða. Engum viðtölum verður þó lofað með tölvupósti eða símleiðis. Hér gildir ekki sú regla trúmannsins að hinir fyrstu verði síðastir og hinir síðustu fyrstir heldur hákapítalískt fyrirkomulag, fyrstir koma, fyrstir fá -þ.e.a.s. viðtal.

Ég tek fram að viðtalstíminn er aðeins milli 14 og 15:40 en þeir sem ekki komast að þennan daginn verða settir á forgangslista á þriðjudag.

Listinn

Sótt er um stöðu
a) kynlífsviðfangs
b) kærasta
c) eiginmanns
d) hmm.. ég kom nú eiginlega bara til að tékka á dömunni, vil ekki leggja inn formlega umsókn allavega ekki strax
e) henta ekki sem „viðfang“ en get rassskellt þig ef til kemur…
f) hvurslags eiginlega karlahatari og kvenremba ert þú eiginlega???
g) hvað eina sem drottningin telur hæfa mér best

Hvaða fullyrðing lýsir drykkjuvenjum þínum best?
a) Ég er hófdrykkjumaður og það er bara helvítis móðursýki og áróður í fjölskyldu minni, vinnufélögum og vinum að ég þurfi að fara í meðferð.
b) Ég er hófdrykkjumaður, drekk eingöngu þegar ekkert hass er til í húsinu
c) Ég er hófdrykkjumaður, drekk eingöngu þegar tilvonandi konan mín leyfir mér það
d) Ég hef ekki alveg skoðun á því, drekk náttúrulega þegar tilvonandi konan mín skipar mér það
e) Ég er lítið fyrir áfengi, nota almennilegt stöff, ég skal bjóða þér til Amsterdam
f) Mér finnst nauðsynlegt að eiga áfengi heima því það geymist svo vel, en mér finnst nú kókómjólk betri…
g) Ég er algerlega á móti áfengi og legg mig fram um að gera öllum mínum vinnufélögum, vinum og þeim sem hringja til að selja mér bækur og happdrættismiða grein fyrir því að brennivín er verkfæri satans og undirrót allrar ógæfu í heiminum og að AA samtökin starfa í………..
Hvenær ferð þú á fætur ef þú ert í fríi?
a) Milli kl 6 og 8 á morgnana
b) Milli kl 8 og 10 á morgnana
c) Ég reyni yfirleitt að fara á fætur á hverjum degi ef ég er í frí
d) Alltaf af og til
e) Á fætur? Til hvers?
f) Hmmm… Ef ég fer í rúmið milli 6 og 8 á morgnana þá náum við allavega að hittast aðeins þar, er það ekki nóg?
g) Það fer nú eftir ýmsu…

Ef þú yrðir að horfa á sömu kvikmyndina 10 sinnum í röð, hverja myndirðu velja?
a) Vetrarundur í Múmíndal með íslensku tali
b) Anal intruder 7
c) Everybody is talking about Mary
d) Psyco -gamla gerðin
e) Terminator
f) Forest Gump
g) Il Postino

Hvað viltu í kvöldmat á venjulegum miðvikudegi?
a) kjötsúpu eða plokkfisk
b) pizzu
c) léttsteikar nautalundir með rjómasósu eða grillaðan humar á salatbeði
d) pasta eða eitthvað annað ódýrt og fljótlegt
e) það sem er í boði hverju sinni
f) hvað eina sem tilvonandi konan mín vill að ég eldi
g) eitthvað austurlenskt, mikið kryddað og með prjónum takk

Hvernig bólfélagi ertu?
a) Veit það ekki alveg, geri það sjaldnast í bólinu EEEN ég hef talsverða reynslu af almenningsklósettum og þyki nokkuð frambærilegur á þeim vettvangi
b) Ég er frábær bólfélagi. Persónuleikinn milli fóta minna er dásamlegur, hann er 19 cm að lengd og 16 cm í ummál (ég á eftir að fá litla bróður minn til að reikna þvermálið, hann kláraði sko 10 bekkinn og kann það þessvegna) og ég veit sko hvað konur vilja, hef endalaust úthald og get gefið konu raðfullnægingu. Einu sinni hitti ég stelpu á bar, hún var tailensk. Hún varð strax hrifin af mér og þegar hún fékk að sjá….
c) Sjá meðfylgjandi meðmæli og/eða símanúmeralista
d) Allt í lagi held ég, erum við annars nokkuð að fara að leika í klámmynd?
e) Hlýðinn, ljúfur og nota smokk án minnsta múðurs
f) Hey babe, take að walk on the wild side
g) Hef ekki pælt í því, held að það skipti mestu að reyna að hafa gaman af þessu

Hvað viltu gera með hjásvæfu þinni eða kærustu á föstudagskvöldi?
a) Hvað eina sem hún ákveður
b) Skúra og þurrka af því allt verður svo rómantísk þegar við gerum það saman
c) Spila scrabble og metast um hvort okkar sé meiri drusla
d) Klæða mig upp eins og klæðskipting og leyfa henni að taka myndir af mér til að setja á bloggið sitt
e) Hrynja rækilega í það með bestu vinum okkar og hafa makaskipti
f) Kúra fyrir framan sjónvarpið og fara snemma að sofa
g) Ertu ekki að djóka? Eyða heilu föstudagskvöldi með kerlingu…