Greinasafn fyrir flokkinn: Örblogg

Aldrei þessu vant er ég sammála Geir

Birt þann af

Líklega er búið að ákveða að álver rísi á Bakka, hvort sem náttúran þolir það eða ekki. Sú ákvörðun verður keyrð í gegn, hvað sem öllu umhverfismati líður. Það er því rökrétt hjá Geir að líta á umhverfismat sem óþarfa.

Aldrei þessu vant er ég sammála honum. Það þjónar ekki tilgangi að leggja í kostnað við mat á umhverfisáhrifum sem allir vita að eru bæði óviðunandi og óafturkræf. Ég virði Þórunni fyrir viðleitni hennar til að tefja málið en það eina sem mun skila árangri er að almenningur rísi upp gegn þessu stóriðjubrjálæði og steypi Geir og ríkisstjórn hans af stóli.

 

mbl.is Úrskurðurinn ónauðsynlegur

Kjeeellingin gerir upp á milli ódáma – væl, væl

Birt þann af

Hnuhh! Af hverju er svona hræðilegt að álver og aðrar stórframkvæmdir þurfi að fara í umhverfismat? Hafa menn kannski áhyggjur af því að þær standist ekki matið? Er svona mikil hætta á að ekki fáist leyfi til framkvæmda sem taldar eru líklegar til að valda óviðunandi skaða á náttúrunni?

Og ojojoj ljóta kerlingin að leyfa ekki Norðlendingum að skemmileggja líka fyrst Suðurnesjamenn komast upp með það. Er virkilega svona erfitt að sjá frekar lógíkina í því að stöðva ósómann í Helguvík? Hvernig gengur það gegn meðalhófi að láta menn taka afleiðingunum af því að byrja á svona svínaríi í leyfisleysi?

mbl.is Undirbúningur skemmra kominn

Hvaða vandamál?

Birt þann af

Kannski það vandamál að Landsvirkjun verði settur stóllinn fyrir dyrnar með að vaða yfir allt og alla án tillits til fólks og náttúru?

Landsvirkjun hefur iðulega vandamál í för með sér. Friðrik Zophusson er eitt þeirra.

mbl.is Kemur á óvart

Ef þú smælar framan í heiminn

Birt þann af

Já, við skulum endilega sýna þeim stjórnvöldum virðingu sem dæma unglinga til langrar fangavistar og draga lítil börn fyrir dóm ef þau lenda í klóm fíkniefnasala.

Og þeim sem fremja þjóðarmorð.

Og þeim sem drepa ungbörn.

Og þeim sem grýta fólk til bana.

Og þeim sem endurskilgreina pyntingar -og beita þeim.

Skömm mín á ríkisstjórn minni og forseta er harmi blandin. Ég skammast mín ekki fyrir að vera Íslendingur en ég skammast mín fyrir að Ingibjörg Sólrún Gísladóttir og Ólafur Ragnar Grímsson skuli vera það.

mbl.is Þrjú börn dæmd í þriggja ára fangelsi

Saving Iceland á Ítalíu og í Sviss

Birt þann af

Merkilegt með hergöng sem eru framleidd hjá fyrirtækjum Alcoa. Þau eru eingöngu notuð til að verja fólk. Ekki til að ráðast á neinn.

http://savingiceland.puscii.nl/?p=2409&language=is

Ég sé að í greinina vantar tengil en ég reikna með að þetta sé tengillinn sem átti að fylgja henni:

Netsíða Alcoa

Og hér er svo smá á íslensku:

Alcoa er að eigin sögn hergagnaframleiðandi

Kort

Birt þann af
Svara

Morðingi sem hefur engan hug á að láta af hátterni sínu býður þér til snobbveislu.

Á boðskortinu er tekið fram að geðsjúkir, eyðnismitaðir og fátækir séu ekki velkomnir.

Sýnir þú morðingjanum þá virðingu að mæta?

Það gerir forseti Íslands.

Ég er sár út í Ólaf Ragnar. Ég hef sjálf kosið hann til að gegna þessu skrautfjaðrarhlutverki og reiknaði allavega ekki með því að hann myndi gera eitthvað alvarlegt af sér, þótt ég hafi nú svosem ekki séð nein sérstök afrek af hans hálfu heldur. Það er alltaf dálítið fúlt að þurfa að viðurkenna að manni hafi skjátlast.

Ólafur Ragnar hefur brugðist sem forseti, sem fulltrúi þjóðarinnar á opinberum vettvangi. Nema þjóðin sé sátt við þá hugmynd að smjaðra fyrir stjórnvöldum sem brjóta samviskulaust gegn mannréttindum á alla hugsanlega vegu. Ekki veit ég hvaðan Ólafur fær þá hugmynd að harðstjórar séu líklegir til að snúa við blaðinu ef þeim er sýnd virðing. Það hefur aldrei gerst í veraldarsögunni en hinsvegar hefur fordæming alþjóðasamfélagsins og viðskiptahöft borið heimlikinn árangur.

Ég skil ekki af hverju almenningur kyngir því bara að hann ætli að mæta. Sjálf hélt ég upp á daginn með því að dreifa 150 kortum með textanum hér að ofan.

Svei attan

Birt þann af

Predikarinn Jón Valur Jensson hefur löngum staðið í heilögu stríði gegn mannréttindum samkynhneigðra. Nú bætir hann um betur og ræðst gegn kynskiptingum. Rök hans eru svo aum og óskynsamleg að ef hann væri tilbúinn til að leggja fordóma sína til hliðar eitt andartak, ætti hvaða kjáni sem er að geta leiðrétt mannfjandsamleg viðhorf hans.

En Jón Valur býður ekki upp á umræðu sem afhjúpar fordóma hans og oflátungshátt gagnvart fólki sem finnst það vera fast í röngum líkama. Hann bara lokar á frekari umræður þegar hann er kominn út í horn.  Ekki þykir mér sæmd að því að ráðast á minnihlutahóp en loka svo á gangrýni. Ekki svo að skilja að ég hafi áhyggjur af þessu, því Jón Valur kemur upp um fordóma sína sjálfur. Mér finnst þetta bara svo hallærislegt.