 |
Ruslatunnur í sparifötum |
Greinasafn fyrir flokkinn: Örblogg
Kannski ætti mbl.is að endurskoða stefnu sína?
Ég varð mjög ánægð þegar mbl.is skrúfaði fyrir þann möguleika að beintengja blogg við fréttir af slysum, kynferðsglæpum og öðru mjög viðkvæmu og persónulegu. En getur einhver sagt mér hversvegna er ekki hægt að tengja færslu við þessa frétt? Flokkast það sem viðkvæmt og persónulegt mál ef einhver bullan gengur um og ógnar fólki?
Annað sem mér finnst gagnrýnivert hjá mbl.is. Nú er ekki lengur hægt að blogga nafnlaust. Mér finnst það slæmt af því að í málefnalegri umræðu á persónan á bak við orðin ekki að hafa of mikil áhrif á það hvernig umræðan þróast en ég skil það, vegna þess að of margir nýta sér nafnleysið til að sverta aðra og jafnvel ógna saklaustu fólki. Það skýtur því skökku við að eftir sem áður sé hægt að beintengja hvaða bull sem er við fréttir, með því að senda sníkjubloggfærslur inn á atugasemdakerfi annarra, nafnlaust. Veit einhver hvaða rök eru á bak við það fyrirkomulag?
Áramótakveðja
Ég held að áramótakveðja send sem fjölpóstur snerti fáa inn að hjartans dýpstu rótum og sjálf kemst ég ekki yfir að lesa öll gleðileg jól eða farsælt nýtt ár blogg. Ég vil þó nota þessi tímamót til að óska öllum sem ég þekki ánægjulegra tíma framundan og þakka fyrir samskipti á liðnu ári. Einnig vil ég lýsa sérstöku þakklæti við þá sem hafa stutt pólitískar aðgerðir aktivista á árinu.
Hvurslags eiginlega vitleysa er þetta?
Er ekki hlutverk íbúðalánasjóðs að sjá til þess að fólk hafi þak yfir höfuðið? Í-búð, þ.e. staður til að búa í?Hvað í fjáranum kemur það markmið mannaflsauði (hvað sem það nú annars merkir) við? Eru virklega engar aðrar stofnanir innan kerfisins sem hafa það hlutverk að bregðast við atvinnuleysi?
|
Íbúðalánasjóður til bjargar |
Námskeið í beinum aðgerðum
Til stendur að halda námskeið í beinum aðgerðum og borgaralegri óhlýðni, bæði fyrir þá sem vilja taka beinan þátt og svo annað fyrir stuðningsmenn. Námskeiðin verða væntanlega haldin um miðjan janúar og reikna má með að 3 kvöld fari í hvort þeirra. Áhugasamir sendi mér póst sem fyrst.
Mikið var
Leiðtogi ójafnaðarmanna, kona sem oft hefur stutt mannréttindabrot heilshugar, t.d. gagnvart Tíbetum og Palistínumönnum á sama tíma og hún vildi ólm komast í öryggisráð Sameinuðu Þjóðanna, hefur nú tussast til þess að fordæma stríðsglæpi Ísraelsmanna. Mikið var.
Ég sé ekki ástæðu til að lýsa yfir sérstakri ánægju með Ingibjörgu Sólrúnu þótt hún sjái eitthvað athugavert við fjöldamorð. Ég hefði haldið að það væri nú bara nokkuð eðlilegt að gera þá kröfu til æðstu ráðamanna þjóðarinnar.
|
„Óverjandi aðgerðir“ |
Efast einhver um heiðarleika bankastarfsmanna?
Ég sé að búið er að stofna hóp til að leggja áherslu á heiðarleik hins almenna bankastarfsmanns.
Ég bara spyr, hefur verið í gangi einhver umræða um að almennir starfsmenn bankanna beri ábyrgð á hruninu eða eigi hlut að spillingunni sem viðgengst í bankakerfinu? Ef svo er þá hefur sú umræða farið algerlega fram hjá mér.
Umræður hér