„Rétt að byrja“

Lögreglan finnur kannabis úti um allt en ekki einn skúrk í fjármálakerfinu. Jafnvel fólk sem hefur megna andúð á hassneyslu er að verða dálítið pirrað á þessum áherslum

Annars vona ég að þeir haldi áfram að uppræta kannabisverksmiðjur. Vísasta leiðin til að ergja fólk nógu mikið til að verði grundvöllur fyrir byltingu er að taka dópið þess frá því.

Nú þarf bara að loka skyndibitastöðum, kippa facebook úr sambandi og skrúfa fyrir afþreyingarefni í sjónvarpinu og þá verður loksins ‘allt vitlaust’. Þegar fólk fær ekki lengur tækifæri til að slökkva á heilanum í sér, þá hættir það að sætta sig við að örfáar manneskjur hafi örlög þess í hendi sér.

Auk þess eykur þessi afskiptasemi andúð þeirra sem nota kannabis á lögreglunni og við skulum bara horfast í augu við að á meðan lögreglan ver kerfið sem kúgar okkur, þá hljótum við að vera í stríði við lögguna eins og allt annað yfirvald. Því fleiri kannabisplöntur sem snatar ríkisvaldsins gera upptækar, því fleiri hatursmenn þeirra verða í ástandi til að standa gegn þeim í stað þess að sitja úti í horni með jónuna sína, glottandi eins og bjánar og vilja bara að allir séu góðir vinir.

Í bókunum um Gvend Jóns og vini hans í Vesturbænum eru leiðtogarnir í strákahónum kallaðir heldri  strákar samanber heldri menn. Þ.e. þeir sem ráða, stjórna og njóta virðingar. Þeir sem eru spurðir álits, þeir sem mark á takandi.

Sennilega hefur blaðamaður ætlað að skrifa ‘helstu iðnríkja heims’ en mistökin afhjúpa sömu hugmynd. Hugmyndina um að sumar þjóðir séu öðrum æðri og hafi náttúrlegan rétt til að taka ákvarðanir fyrir hönd annarra.

Búist er við ofbeldisfullum mótmælum. Af því að hundar ríkisvaldsins munu beita vopnum og valdi til að verja rétt örfárra drullusokkaríkja til að valta yfir restina af heimsbyggðinni.

Hvattir til að leggja jakkafötunum

Skyldi þessi nefnd einnig beina sterkum tilmælum til þeirra sem selja auðlindirnar okkar um að hafa þá samninga uppi á borðinu?http://www.dv.is/frettir/2009/3/26/otto-spork-gerdi-leynisamning-um-vatnsrettindi/

Hvað mun gerast þegar AGS verður kominn með puttana í alla stjórnsýslu hér fyrst Íslendingar eru þegar farnir að selja frá sér vantsréttindin, án aðkomu sjóðsins?

Og hvað ætlar almenningur að gera? Sætta sig við 95 ára leynisamning um mikilvægustu auðlind heimsins?

Ég er hrædd um að þessi endalausa valdníðsla og leynimakk verði til þess að fólk grípi til vopna. Og satt að segja sé ég ekki að verði hjá því komist .

„Sterk tilmæli“ um upplýsingagjöf

Auðvitað sóttist enginn annar flokkur eftir styrk. Ég hefði ekki einu sinni trúað þessu upp á Sjálfstæðisflokkinn.

Ég verð ekki oft orðlaus en…

Enginn sóttist eftir styrk nema Sjálfstæðisflokkurinn

„Eva þarf að fara í pólitíska afvötnun“ skrifaði ég í statuslínuna mína á facebook. Hafði verið að lesa moggablogg og var hreinlega að sökkva niður í kjallara.

Það er til marks um að áhugi sé að þróast í sjúklega þráhyggju, þegar maður ákveður að hugsa ekki meira um pólitík þann daginn en er svo einhvernveginn, án þess að vita hvernig það gerðist, búinn að opna fréttasíðu. Og rekur fyrst augun í þetta.

Að búa á Íslandi í dag er eins og að búa með virkum alkóhólista. Maður veit svona röklega séð að það er ástandið sem maður býr við sem er sjúkt, en efast þó stöðugt um eigin geðheilsu. Og hefur góða ástæðu til.