Ok. Ég skil. Skátarnir voru að fikta með eld. Slökkviliðið skaffaði þeim olíu. Þegar kviknaði í slökkviliðsstöðinni, hringdi slökkviliðið í skátana og varaði við. Skátarnir hringdu hinsvegar í slökkviliðið og létu vita að væri kviknað í slökkviliðsstöðinni en þá var slökkviliðið upptekið við að hringja í lögguna til að láta vita og löggan fór í það að passa að almenningur kæmist ekki að neinu.
 |
Ekki brugðist við varúðarorðum |
Þannig gæti hann lagt sitt af mörkum til þess að rústa Sjálfstæðisflokknum og hugsanlega flokkakerfinu öllu. Það væri mjög viðeigandi af Davíð að vinna þjóð sinni þvílíkt gagn.
|
Davíð í framboð á Suðurlandi? |
Sven er víst ekki tengdur AGS heldur Bergo.
Einhver skynsemisneisti hefur víst kviknað um síðir.
Eru allir orðnir vitlausir? Það er í fyrsta lagi stjórnarskrárbrot að setja útlending í embætti en auk þess vinnur maðurinn hjá fokkans AGS. Og aðstoðarmaður hans vann víst líka hjá AGS í 2 ár. Á semsagt að gefa fólki sem er nátengt þessari glæpastofnun meiri völd á Íslandi en nauðsynlegt er? Er ekki nógu slæmt að við sitjum uppi með landstjóra?Ég hef nú lengi trúað því að vald spilli en nú er ég farin að halda að völd svipti fólk umsvifalaust dómgreind sinni.
|
Norðmaður í Seðlabankann |
Til hvers að líta út fyrir að vera yngri? Langar einhvern að vera unglegur feitur, unglegur með kransæðastíflu, unglegur í fatnaði sem lítur út eins og tjald, unglegur í svitakófi, unglegur með sykursýki, unglegur með exem í fellingunum, unglegur í stöðugri baráttu við fáránlega löngun til að éta allar kökurnar í bakaríinu, unglegur með æðahnúta?
Offita er raunverulegt vandamál sem hefur í för með sér heilsubrest og getur leitt til ótímabærs dauða. Hún stafar í langflestum tilvikum af ofáti og ofát er hegðunarvandamál sem fólk getur tekist á við og upprætt hjá sjálfu sér. Að reyna að sætta fólk við slík vandamál með því að höfða til hégómagirndar er sjúkt, rangt og tilgangslaust.
Fólk yfir fertugu hefur fulla ástæðu til að óttast aukakílóin. Það er bara ósköp einfaldlega þannig að eftir fertugt geta fæstir reiknað með að halda áfram að troða í sig heilum kexpakka yfir sjónvarpinu án þess að hann setjist á maga og mjaðmir. Lausnin á því er einföld, maður hættir bara að kaupa kex þegar maður hefur augljóslega ekkert með það að gera. Og ég bara skil ekki hvað er svona sorglegt við það.
|
Fitan yngir upp |
Þá er nú loksins búið að hreinsa verstu klúðrarana út úr kerfinu. Markmið framtíðarinnar hljóta að vera að taka kerfið sjálft í gegn og koma á lýðræði í landinu. Jafnframt þarf að standa vörð um sjálfstæði okkar, því við höfum lítið með lýðræði að gera þegar sjálfstæðið er farið.
Næstu skref eru, allavega eftir því sem ég fæ best séð:
-Stjórnlagaþing þar sem allir hafa jafna möguleika á þátttöku.
-Nýtt stjórnkerfi sem lýtur lýðræðislegum vinnureglum og tryggir almenningi upplýsingar um hvert það mál og hverja þá ákvörðun sem snertir almannahag.
-Að tekið verði fyrir alla möguleika á einkavæðingu, veðsetningu og öðru braski með auðlindir landins jafnframt því sem þjóðin endurheimti aflaheimildir sem hafa verið framseldar í trássi við mannréttindi.
|
Seðlabankafrumvarpið samþykkt |
‘Grundvallaratriði áætlunar um efnahagslegan stöðugleika eru að mestu leyti framhald af þeirri efnahagsstefnu sem ríkisstjórnin hefur fylgt…’
http://www.forsaetisraduneyti.is/Aaetlun_um_efnahagsstodugleika/Spurt_svarad/nr/3219
Hjúkk! Ég var mest hrædd um að horfið yrði frá efnahagsstefnu síðustu ára!