Sæll Skíthæll
(athugaðu að ég nota þetta ávarp ekki af léttúð)

Ég reikna ekki með að þú hafir lesið fornsögurnar (eða ef út í það er farið nokkuð menningarlegra en Hustler) en kannski þú ættir nú á gamals aldri að gerast svo metnaðarfullur að rýna ögn í þær og reyna að átta þig á því hversu miklum vinsældum svonefndir ójafnaðarmenn áttu að fagna til forna. Það hefur lítið breyst enda nýturðu líklega ca. 50 sinnum minni vinsælda en þú sjálfur heldur og þeir fáu sem tala hlýlega um þig gera það vegna raunverulegra eða ímyndaðra hagsmunatengsla. Það líkar nefnilega engum vel við svona guðsvolaðan drulluháleist nema rétt á meðan þeir telja sig geta grætt eitthvað á því að sleikja á honum rassgatið.

Við erum alin upp í því að skipta okkur sem minnst af því sem kemur okkur ekki við en það er nú alltaf matsatriði hvað kemur manni við og hvað ekki. Það eru satt að segja takmörk fyrir því hversu lengi maður getur horft upp á gott og heiðarlegt fólk rænt, kúgað og misnotað á allan hátt án þess að grípa til aðgerða og nú er bara mælirinn fullur. Meðferð þín á erlendu starfsfólki er nefnilega þrælahald. Þrælahald og ekkert annað, Þú nýtir þér það að þau eru of hrædd til að leita réttar síns. Þú ýtir undir þann ótta og spilar á hann á allan hátt. Það er ógeðslegt.

Ég var ekki lengi að grilla í gegnum skítlegt eðli þitt en það var ekki fyrr en í gær sem sauð nógu hressilega upp úr til þess að ég fyndi mig knúna til að fyrirbyggja að þú ríðir fleiri sakleysingjum í ósmurt rassgatið.

Þú hefur líklega ekki ímyndað þér þegar þú sást mig fyrst að amma þín væri mætt á svæðið en láttu ekki sakleysislegt útlit mitt blekkja þig. Ég hefi andlit barns en gamalmennishendur og ólíkt flestum sem þú þekkir hef ég ekki tileinkað mér skynsamlegt hugleysi. Þú ert ekkert annað en illaþefjandi hundarunkari og ég mun sjá til þess í framtíðinni að þú fróir sjálfselsku þinni og tillitsleysi á einhverjum sem eru færir um að bera hönd fyrir höfuð sér sjálfir.

Þú mátt reikna með afar óþægilegum uppákomum á næstunni.