Þættinum hefur borist bréf

Birt þann af

Spurt er hvort mótmælaaðgerðin núna á eftir verði ekki örugglega friðsamleg.

 Aðgerðin er kynnt sem friðsamleg og ég hef enga sérstaka ástæðu til að ætla að mótmælendur mæti með ofbeldi í huga. Ég vona sannarlega að lögreglan stilli sig líka. Sjálf mæti ég í þeim tilgangi að mótmæla friðsamlega og hygg ég að svo sé um flesta. Ég get þó ekki ábyrgst annað fólk og það er bara staðreynd að ef beinar aðgerðir eru hundsaðar, þá brjótast út óeirðir fyrr eða síðar, án þess að nokkur hafi boðað til þeirra. Það er líka staðreynd að tíðar ástæðulitlar handtökur og yfirgangur lögreglu, kallar á viðbrögð og getur leitt til átaka.

Ég get þessvegna ekki lofað því að allt verði nákvæmlega eins og ég sé það fyrir mér en markmiðið er að meina ráðherrum aðgang, án þess að það hafi í för með sér ofbeldi eða slys.

Fleiri fitulög til afskurðar

Birt þann af

Bændur já, það er auðvitað rétt að láta þá fitugelti bera byrðarnar ásamt örykjum og öldruðum. Um að gera að flæma þá frá búskap og jafnvel úr landi sem hafa þó til að bera kunnáttu til að sjá okkur fyrir mat þegar ‘nýju bankarnir’ verða líka farnir á hausinn og ekki fleiri lán að fá frá útlöndum.

Í alvöru talað elsku þjóð, er ekki að verða tímabært að gera eitthvað róttækara en að halda ræður sem enginn hlustar á og halda kjafti þótt enginn hlusti á þögnina heldur?

mbl.is Hætt við vísitölutengingu í búvörusamningum

Bara ekki rétta leiðin

Birt þann af

Það er svosem rétt að þúsundir manna hafa dáið vegna utanrísisstefnu Georgs en að kasta skó í hann eru náttúrulega bara skrílslæti.

Við verðum að gera greinarmun á forsetanum Bush sem var bara að vinna vinnuna sína þegar hann lét drepa mann og annan, og manninum Bush, sem hefur ekkert af sér gert.

Það er kannski skiljanlegt að maðurinn sé reiður vegna allra þessarra dauðsfalla og hörmunga en hann verður að skilja að þetta er bara ekki rétta leiðin til að mótmæla. Auk þess skemmir svona skrílsháttur málstaðinn fyrir friðsömu mótmælendunum sem eru búnir að halda ræður og bera skilti allt frá upphafi Íraksstríðsins. Nú er öll þeirra vinna unnin fyrir gýg, vegna þessa ofbeldismanns.

mbl.is Skómaðurinn í haldi

Uppstokkun fyrir áramót

Birt þann af

Þótt mér finnist Umhverfisráðherra alltaf þurfa að gera betur, held ég nú samt að Þórunn sé það skársta sem er í boði hjá þessari ríkisstjórn. Ég mun hinsvegar fagna með syngipartýi og ótæpilegu magni lífselexírs þegar BB verður látinn taka pokann sinn.

Það slæma við þessa frétt er þó að þessar ráðstafanir gætu orðið til þess að róa lýðinn og gefa ríkisstjórninni færi á halda áfram á þeirri braut að afselja okkur sjálfstæðinu.

mbl.is Uppstokkun fyrir áramót

Krukkað í mörkögglana

Birt þann af

Jæja, þá eru nú bjarvættirnar teknar til við að ‘skera fitulögin utan af ríkissjóði’ eins og Össur orðaði það síðasta þriðjudag. Og byrjað í þykkustu spiklögunum auðvitað. Ég býst við að niðurskurður á framlagi ríkisins til undirbúnings heimssýningarinnar í Kína, verði fyrst og fremst táknrænn.

Á morgun kl 8:45 ætla aktivistar og stuðningsmenn þeirra að koma saman við Iðnó og freista þess aftur að stöðva þetta skítapakk í því að halda niðurskurðarfund.

mbl.is Fallið frá fjölgun leiguíbúða