Kastljósið um Verne Holdings

Birt þann af

Hvað gerist í hausnum á fólki þegar það kemst í ríkisstjórn? Af hverju hverfur því allt siðferði gagnvart kjósendum sínum? Hvernig voga vg sér að bjóða þjóð sinni upp á leynilega orkusölusamninga eftir allt sem á undan er gengið? Og af hverju sættir þú þig við það?

Sjálfvirk sveiflujöfnun

Birt þann af

Eina útskýringin á efnahagsáætluninni sem almenningi hefur staðið til boða er þessi:

Í raun er gert ráð fyrir að láta sjálfvirka sveiflujöfnun virka
að fullu á næsta ári og við útreikning á bata samkvæmt langtímaaðhaldi í ríkisfjármálum er reiknað út frá hagsveifluleiðréttum frumjöfnuði sem gefur því meiri slaka sem kreppan er dýpri.

Ólík staða

Birt þann af

Lögreglumenn krefjast bóta og fá þær vafalaust en þeir mótmælenda og óvirkra áhorfenda sem meiddust og sættu tilefnislausum handtökum, geta ekki krafist eins eða neins. Enginn lögfræðingur fæst til að taka þau mál að sér, því það er nánast vonlaust að vinna mál gagnvart stofnun sem sjálf sér um að rannsakar ákærur á hendur sér.

Þökkum þeim

Birt þann af

Það er með öðrum orðum lögreglunni að þakka að uppreisnin varð ekki að alvöru byltingu. Við getum þakkað Stefáni og hundum hans fyrir að við sitjum ennþá uppi með ónýtt stjórnkerfi, ónýtt efnahagskerfi, spillta embættismenn og vanhæfa ríkisstjórn fyrir nú utan það að vera komin undir AGS.

Það er fyrir framgöngu lögreglunnar sem við höfum nú verið formlega skuldbundin til að greiða skuldir útrásarinnar. Við getum þakkað lögreglunni fyrir að gera stjórnvöldum fært að skerða þjónustu í heilbrigðis- og menntakerfinu og draga úr þjónustu landhelgisgæslunnar.

Stór spurning hvort þeir sem harðast gengu fram eigi ekki að fá orðu. Fálkaorðu handa þeim sem brutu bein og veittu höfuðáverka með kylfum og svo má taka upp piparúðaorðuna handa hinum.

mbl.is Aðferðafræðin gekk upp

Gvuð og Osama

Birt þann af

Hvað eiga Gvuð og Osama bin Laden sameiginlegt?

Fólk deilir um hvort þeir séu til eða ekki. Hvort þeir séu dauðir eða ekki

Hvort sem þeir eru til eða ekk gegna þeir fyrst og fremst því hlutverki að auka, tryggja og viðhalda fáránlega miklum völdum stofnana sem þrífast á ótta almennings við þá.

Báðir reka heimsvaldastefnu sem áhangendur þeirra telja að sé gott svar við heimsvaldastefnu annarra en hvorugur hefur þó náð sérstökum árangri í viðleitni sinni til að stjórna heiminum.

Kisur og rjómarönd

Birt þann af

Komst að því í dag hversvegna er skynsamlegt að loka kettina frammi í þvottahúsi á meðan maður býr til rjómarönd. Ég hefði sko þurft að gera það áður en ég byrjaði að þeyta rjómann. Um leið og ég náði annarri til að henda henni fram, var hin komin upp á borð. Samvinnuóþekkt semsagt. Halda áfram að lesa →

Hvernig telur maður tvíbura?

Birt þann af

Eru samvaxnir tvíburar eitt stykki eða tveir einstaklingar?

Fernir skór, fimm skópör. Fimm skór jafngilda ekki fimm skópörum.
Hinsvegar talar maður ekki um buxur sem par. Fernar buxur, fimm buxur. Líklega af því að buxur eru eitt stykki.

Eru fimm tvíburar fimm einstaklingar eða fimm ‘sett’ af tvíburum? Er það annað ef þeir eru samvaxnir? Eru samvaxnir tvíburar eitt stykki, líkt og buxur?