Ég held ekki að lykillinn að því að yfirstíga sjúklega höfnunarkennd eða tortryggni sé endilega sá að vita hver kveikjan var en ég held að það geti hjálpað. Ég held að það skipti mestu máli að gera sér grein fyrir því að þær aðferðir sem hrædd börn nota til að biðja um meira öryggi, þær virka ekki í samskiptum fullorðinna. Halda áfram að lesa
Greinasafn fyrir merki: Margbrotin
Og sá ljósið
-Ég hef séð þig ástarsorg. Þú hefur nú áreiðanlega ekkert verið sérstaklega ástfangin af honum fyrst þú tekur þetta ekki nær þér, sagði hún og ég hef heyrt þessa athugasemd nokkuð oft síðustu þrjár vikurnar. Halda áfram að lesa
Ó, óvinur minn og vinur óvinar míns!
Mér skilst að einhleypir menn sem eru búnir að gefast upp á því að reyna að kynnast konum í gegnum einkamál haldi sig hér.
Ég er að leita að eintaki sem er sæmilega ruglfrítt en samt ekki með kústskaft í rassgatinu. Kústsköft henta prýðilega til gandreiða en ég á ágætan kúst. Mig langar hinsvegar í kött til að kela við.
Anna.is tók myndina.
Hvusssslags eiginlega budddl er þetta?
Uhh! Ég ætlaði að kíkja á singels og athuga hvort ég fyndi ekki einhvern rugludall, nema hvað; það er ekki hægt að skoða prófíla nema hjá vinum. Til hvers í fjáranum ætti maður að þurfa að skoða prófílupplýsingar vina sinna og hversvegna ætti maður að stofna til netvináttu við einhvern ókunnugan þegar maður hefur ekki einu sinni séð prófílinn hans? Sérdeilis bjánalegt fyrirkomulag verð ég að segja.
Rugl
Og ég sem hélt að ég gæti auðveldlega lent í einhverju bráðskemmtilegu rugli með því að skrá mig á singels á facebook. Hef ekki fengið nein viðbrögð ennþá. Hinsvegar er fullt af útlendingum á social me sem vilja ólmir daðra við mig. Hef ekki tíma í svoleiðis rugl. Vil eingöngu rugl sem gæti leitt af sér eitthvað blogghæft.
Eplið
Sonur minn Byltingin: Pakksaddur. Það hlýtur að merkja saddur eins og pakk. Tungumálið kemur upp um undirliggjandi andkapítalisma.
Stundum finnst mér Haukur vera líkur mér.
Ekkert stress
Ég sé fram á að facebook geti orðið stórþjófur á tíma minn. Allavega þetta social dæmi. Hálftími farinn í netdaður við einhverja útlendinga. Hvar eru Íslendingarnir?
Aðalmeðferð í stóra vegatálmunarmálinu hefst í fyrramálið. Ég er ekki baun stressuð. Við fengum Ragnar Aðalsteinsson sem verjanda og hann er búinn að vinna heimavinnuna sína, ólíkt þeim sem varði Hauk og félaga á sínum tíma. Ekki það að ég hefði nokkurntíma farið á límingunum yfir jafn ómerkilegu máli en það er ekki verra að hafa hæfan lögmann.
Öryggistilfinning er góð.