Greinasafn fyrir flokkinn: Örblogg

Kannski spurning um afvötnun?

Birt þann af

Krefjumst forréttinda til að leyfa náttúrunauðgurum og mannréttindaníðingum að halda áfram að menga himinn og jörð. Tökum hins vegar á okkur skuldbindingar einhverra auðvaldsdrulluhala sem spurðu okkur aldrei álits.

Að vera Íslendingur í dag, er eins og að vera giftur virkum alkóhólista. Maður getur ekki vænst þess að neitt sé rökrétt, skynsamlegt eða réttlátt. Það eina sem við getum gert er að bíða eftir að botninum verði náð, eða koma okkur í burtu.

Á hverskonar efnum er þessi þjóð eiginlega?

mbl.is Vilja standa vörð um íslenska ákvæðið

Þessvegna hef ég áhyggjur af því að AGS fari illa með okkur

Birt þann af

‘Samstarf’ okkar við AGS merkir í raun að Íslendingar hafa afsalað sér fjárræði sínu

Í flestum ríkjum sem AGS hefur veitt neyðarlán
-hafa ríkisfyrirtæki verið einkavædd
-einokun erlendra fyrirtæka (oftast bandarískra) komið á
-velferðarkerfið skorið niður
-dregið verulega úr starfsemi stéttarfélaga
-vextir af láninu hækkaðir þar til landið stendur ekki undir greiðslum
-og þá eru auðlindir þess teknar upp í skuldina
-og þjóðin svipt sjálfstæði sínu.

Við höfum ekki fengið nein svör um skilyrði AGS fyrir neyðarláni.
Við vitum ekkert hvernig á að borga það lán upp.
Við vitum ekki hversu miklar heimildir AGS hefur til að setja skilyrði eftir á eins og gerst hefur í öðrum löndum.

Við eigum skýlausa heimtingu á að fá þessar upplýsingar STRAX.

Umræður hér: https://www.facebook.com/notes/eva-hauksdottir/þessvegna-hef-ég-áhyggjur-af-því-að-ags-fari-illa-með-okkur/52941033659/

 

 

 

Er eitthvað uppi á borðinu EINHVERSSTAÐAR?

Birt þann af

Áðan kom til mín maður og spurði hvort ég ætlaði á árshátíð Lýðveldisbyltingarinnar.

Ég hef ekkert komið nálægt Lýðveldisbyltingunni sjálf en var hrifin af hugmyndinni en samkvæmt netsíðu hreyfingarinnar er Lýðveldisbyltingin tilraun til þess að móta hugmyndir án leynimakks og valdasýki. (Sjá nánar hér http://www.lydveldisbyltingin.is/index.php/Lydveldisbyltingin:Um)

Þótt ég hafi ekkert komið nálægt þessari hreyfingu sjálf, varð ég samt dálítið hissa á að hafa ekki frétt af árshátíð, þar sem góð vinkona mín sér um vefinn fyrir Lýðveldisbyltinguna og ég hefði nú frekar átt von á því að fá boð frá henni. Nema hvað, hún hafði bara ekkert frétt af þessari árshátíð.

Ef þeir sem kenna sig við gagnsæi og opna umræðu geta ekki einu sinni haft hluti eins og árshátíð uppi á borðinu, er þá nokkur von til þess að stjórnmálaflokkar hafi fjármál sín uppi á borðinu?

Flokkakerfið er fullreynt en svona uppákomur vekja efasemdir um að lýðræði sé raunhæf hugmynd. Hverskonar samfélag vill fólk eiginlega?

Samvinnuklúður

Birt þann af

Ok. Ég skil. Skátarnir voru að fikta með eld. Slökkviliðið skaffaði þeim olíu. Þegar kviknaði í slökkviliðsstöðinni, hringdi slökkviliðið í skátana og varaði við. Skátarnir hringdu hinsvegar í slökkviliðið og létu vita að væri kviknað í slökkviliðsstöðinni en þá var slökkviliðið upptekið við að hringja í lögguna til að láta vita og löggan fór í það að passa að almenningur kæmist ekki að neinu.

mbl.is Ekki brugðist við varúðarorðum