Mannanafnanefnd er tímaskekkja.
Í minni fjölskyldu eru bæði stúlkum og drengjum gefið nafnið Dan. En af því að fólk sem heitir ekki Dan, á ekki börn sem heita Dan og þekkir engan sem heitir Dan, hefur ákveðið að Dan sé karlmannsnafn þarf að fara krókaleið í hvert sinn sem stúlku er gefið þetta nafn.
Maðurinn minn kvartar aldrei yfir neinu nema fyrstaheimsvandamálum á borð við það að þurfa að frysta ísmolana sína sjálfur (því hér er er ekki hægt að fá ísmola í hverri matvöruverslun). Vandamál dagsins er það að hann er búinn að kaupa um það bil 40.000 hitaeiningar af súkkulaði en er ekki nógu svangur til að borða það.
Á ögurstundum í lífi þjóðar getur varla verið forgangsmál að forða börnum frá boðskap um rökhyggju og réttlæti. Þessvegna ættum við að fá Matthías Ásgeirsson til að fara í barnaskóla og segja börnunum frá hugmyndum Richards um Gvuð. Er það ekki Hanna Birna?
Nú, er það annað? Gott og vel Hanna Birna. Semjum. Þú mátt hleypa kirkjunni inn í skólana til að fara með faðirvorið og syngja sálma ef ég má koma og fara með gullkorn úr anarkistunni minni og fá anarkistakórinn til að syngja „kók er kúkur kapítalsins“.
Kannski ætti hinn kristilegi innanríkisráðherra landsins að kenna Útlendingastofnun að gæta sinna minnstu bræðra og koma á kærleika, umburðarlyndi og öðrum „kristilegum gildum“ innan síns eigin valdsviðs fremur en að reka áróður fyrir trúboði í skólum.
Jæja. Hún vissi semsagt að minnisblaðið hafði verið sent á fjölmiðla. Fannst henni ekkert áhugavert að hann væri að biðja um greinargerð um Tony Omos sama dag og fjölmiðlar greina frá upplýsingum sem eiga að hafa komið fram í rannsókn lögreglunnar á Suðurnesjum? Spurði hún virkilega ekki hvaðan blöðin hefðu þær upplýsingar?
Hún sendir Gísla greinargerð, hefur svo fljótlega komist að því, ef hún hefur á annað borð verið stödd á Íslandi og/eða haft aðgang að fjölmiðlum, að rógburði um hælisleitendur hafði verið bætt aftan við skjalið. Datt henni aldrei í hug allan þennan tíma að það væri eitthvert samband á milli fréttanna af minnisblaðinu og þess að Gísli Freyr hefði verið að reyna að ná í hana út af Tony Omos sama morgun?
Ég skil alveg að lögreglumenn séu hræddir um að ljótu kallarnir skjóti þá og vilji þessvegna fá byssur. En það er til lausn á því vandamáli: ef þú treystir þér ekki til að elta bófa nema vera vopnaður hríðskotabyssu, finndu þér þá annað starf.
Þegar ég frétti af því fyrir um tveimur árum að til stæði að kynna efni skýrslu lögreglunnar um Búsáhaldabyltinguna hjá Stjórnmálaskóla Sjálfstæðisflokksins, ákvað ég að gera það sem í mínu valdi stæði til þess að hún yrði gerð opinber.
Það tók tvö ár. Halda áfram að lesa
Síðustu klukkustundir hefur rignt yfir mig pósti frá fólki sem vill fá aðgang að skýrslunni um Búsáhaldabyltinguna. Halda áfram að lesa