Greinasafn fyrir flokkinn: Allt efni

Hræsnarar

Birt þann af
Samkvæmt skoðanakönnun sem var birt í gær held ég frekar en fyrradag telja um 70% þjóðarinnar að mannréttindi séu nokkurra fórna virði.

Hinsvegar sjá 60% þjóðarinnar enga sérstaka ástæðu til þess að við tökum á móti pólitískum flóttamönnum. Þetta fólk (sem sumt þykist þó tilbúið til að færa fórnir í þágu mannréttinda) álítur semsagt að það sé eðlilegt að við vísum fólki sem hefur sætt ofsóknum, bara eitthvert annað.

Líklega telja nokkuð margir að mannréttindi séu þess verð að einhverjir aðrir færi fórnir fyrir þau.

mbl.is Mikill meirihluti hlynntur íslenskunámi

Sííííríusslí?

Birt þann af

Voðalega á ég erfitt með að trúa því að undirbúningur fyrir athafnir á vegum drottningar taki mörg ár. Eða man einhver eftir því að það hafi einhversstaðar í heiminum tekið svo langan tíma að hola einhverjum þjóðarleiðtoga niður eða gifta einhvern prins?

Ætli járnfrúin sé ekki bara eitthvað lasin? Það er allavega hefð fyrir því þegar valdamenn og miklir áhrifamenn veikjast að logið sé til um ástand þeirra fram á hinstu stund.

Aldrei þessu vant er ég sammála Geir

Birt þann af

Líklega er búið að ákveða að álver rísi á Bakka, hvort sem náttúran þolir það eða ekki. Sú ákvörðun verður keyrð í gegn, hvað sem öllu umhverfismati líður. Það er því rökrétt hjá Geir að líta á umhverfismat sem óþarfa.

Aldrei þessu vant er ég sammála honum. Það þjónar ekki tilgangi að leggja í kostnað við mat á umhverfisáhrifum sem allir vita að eru bæði óviðunandi og óafturkræf. Ég virði Þórunni fyrir viðleitni hennar til að tefja málið en það eina sem mun skila árangri er að almenningur rísi upp gegn þessu stóriðjubrjálæði og steypi Geir og ríkisstjórn hans af stóli.

 

mbl.is Úrskurðurinn ónauðsynlegur

Nú af hverju er þá bílstjórum snúið við?

Birt þann af

Það er helbert rugl að þessi mótmæli hafi ekki valdið umferðartöfum. Lögreglan hefur þurft að snúa mörgum bílstjórum frá.

Sennilega á þessi frétt um engar tafir að breiða yfir ráðaleysi lögreglunnar sem er nú loksins að átta sig á því að það er bara mjög hæpið að lögreglan hafi rétt til að grípa inn í mótmælaaðgerðir af þessu tagi.

Hér á eftir fer skýring Saving Iceland á tiltækinu. Halda áfram að lesa →

Kjeeellingin gerir upp á milli ódáma – væl, væl

Birt þann af

Hnuhh! Af hverju er svona hræðilegt að álver og aðrar stórframkvæmdir þurfi að fara í umhverfismat? Hafa menn kannski áhyggjur af því að þær standist ekki matið? Er svona mikil hætta á að ekki fáist leyfi til framkvæmda sem taldar eru líklegar til að valda óviðunandi skaða á náttúrunni?

Og ojojoj ljóta kerlingin að leyfa ekki Norðlendingum að skemmileggja líka fyrst Suðurnesjamenn komast upp með það. Er virkilega svona erfitt að sjá frekar lógíkina í því að stöðva ósómann í Helguvík? Hvernig gengur það gegn meðalhófi að láta menn taka afleiðingunum af því að byrja á svona svínaríi í leyfisleysi?

mbl.is Undirbúningur skemmra kominn

Ég skammast mín fyrir þessa forsetanefnu

Birt þann af

Einu sinni kaus ég Ólaf Ragnar til að gegna forsetaembættinu og ég hef hingað til verið sátt við að hafa hann þótt mér finnist hann orðinn full þaulsetinn.

En nú er ég búin að skipta um skoðun. Ég vil ekki sjá það að maður sem styður mannréttindabrot Kínverja með því að þiggja partýboð og það m.a.s. boð þar sem tekið er fram að ákveðnir samfélagshópar séu ekki þóknanlegir. Hvað varðar bullið í honum um að árangur náist í mannrétindamálum með því að sýna harðstjórum virðingu (fyrir hvern fjandann á að virða þá?) þá auglýsi ég hér með eftir upplýsingum um það hvenær í veraldarsögunni stjórnvöld hafa hætt við útrýmingu þjóða, þjóðarbrota eða samfélagshópa og aflagt dauðarefsingar, pyndingar og önnur mannréttindabrot, fyrir kurteisleg tilmæli frá viðhlæjendum sínum.

Ég fær ekki betur séð en að það sem hingað til hefur skilað árangri séu viðskiptaþvinganir og fordæming alþjóðasamfélagsins. Ekki verður séð að mannréttindi í Kína hafi fengið meira vægi þótt við höfum boðið fjöldamorðingjanum Jiang Zemin til veislu. Það kom mér ekki svo mikið á óvart á sínum tíma þótt Halldór Ásgrímsson teldi það við hæfi að snudda utan í hann en Ólafur veldur mér virkiega vonbrigðum.

Ég skammast mín fyrir að hafa þetta sem forseta.

mbl.is Götum lokað vegna embættistöku

 

Hvaða vandamál?

Birt þann af

Kannski það vandamál að Landsvirkjun verði settur stóllinn fyrir dyrnar með að vaða yfir allt og alla án tillits til fólks og náttúru?

Landsvirkjun hefur iðulega vandamál í för með sér. Friðrik Zophusson er eitt þeirra.

mbl.is Kemur á óvart