Greinasafn eftir:

Sakfelldur fyrir smekkleysu

Birt þann af

Geir

Geir Geir er gríííþarlega reiiiþur

Fyrrum forsætisráðherra, Geir Haarde, kom fyrir Landsdóm í dag. Hann var sýknaður af áburði um að bera aleinn ábyrgð á uppgangi kapítalisma í hinum vestræna heimi en sakfelldur fyrir einstök ósmekklegheit í starfi.

Geir er ekki gerð sérstök refsing fyrir smekkleysuna en þó bannað að gegna framar ráðherraembætti nema að því tilskildu að hann fái sér stílista.
Ari-TraustiDómfelldi sagðist í samtali við Pistilinn vera „gríííþarlega reiiiiþurr yfir dómnum“ Hann hefur þó fallist á að tileinka sér betri tískuvitund og mun hafa ráðið verðandi sameiningartákn þjóðarinnar sér til ráðgjafar.

Útlagi fær sér stílista

Birt þann af

Jesaja spáaðili, sem var rekinn í útlegð á Skeiðarársand fyrir nokkrum vikum eftir þrálátar óspektir á almannafæri ásamt ítrekuðum tilraunum til að klámvæða vinnustaði Reykjavíkurborgar, er snúinn aftur til byggða. Mun hann hafa gert samkomulag við borgaryfirvöld um að fá sér stílista og predika dónaskap sinn einungis í óbyggðum.

Jesaja-1Kynjagleraugun eru ómissandi hluti af nýja lúkkinu

Hagyrðing á Bessastaði

Birt þann af

hagyrðingurJósep Guttormsson hagyrðingur frá Syðra Fjallskarði Eystra hefur ákveðið að gefa kost á sér til forsetakjörs.

Þegar Pistillinn kom að máli við Jósep og spurði hvaða eiginleika hann hefði til brunns að bera sem helst myndu gagnast honum í embætti forseta, kvað Jósep það helstan mannkost sinn að vera ekki Ólafur Ragnar.

 

 

Þegar formann þjóðin kýs
þá skal Jósep velja
því hann er enginn Óli Grís
og ekki ólétt kona.

Látnir þrífa varalit af plastmálum

Birt þann af

varalitamál_jpg_475x310_crop_sharpen_q95Alþingi hefur fest kaup á notuðum plastmálum undir kaffisopa þingmanna.

„Þetta er okkar framlag til umhverfismála, að nýta gamalt dót sem aðrir henda. Auk þess er þetta atvinnuskapandi því við réðum atvinnulausa listamenn til að þrífa málin en sum þeirra eru dálítið klístruð af varalit“ sagði fjármálaráðherra í samtali við Fréttastofu. Tiltækið hefur þó mælst misvel fyrir og lítill vinnufriður verið í þinginu eftir að þessir fyrrum bótaþegar, sem eru óvanir því að þurfa að vinna, fóru að vaða þar uppi með veggjakrot og alls kyns undarlega gjörninga. Munu umræddir auðnuleysingar hafa málað mynd af einhverri Sólveigu á austurhlið þinghússins og krefjast fyrir það yfirvinnulauna, enda sé greinilega kerfisbundin stéttamismunun á úthlutun yfirvinnutíma meðal starfsmanna Alþingishússins.

http://www.dv.is/frettir/2012/4/17/listamenn-oanaegdir-med-kaup-varalitamali-johonnu/
http://www.dv.is/frettir/2012/4/17/malverkid-af-solveigu-kostadi-thingid-850-thusund/
http://ruv.is/frett/minnst-hlutfall-yfirvinnu-hja-skolastarfsmonnum