Uhh! Ég ætlaði að kíkja á singels og athuga hvort ég fyndi ekki einhvern rugludall, nema hvað; það er ekki hægt að skoða prófíla nema hjá vinum. Til hvers í fjáranum ætti maður að þurfa að skoða prófílupplýsingar vina sinna og hversvegna ætti maður að stofna til netvináttu við einhvern ókunnugan þegar maður hefur ekki einu sinni séð prófílinn hans? Sérdeilis bjánalegt fyrirkomulag verð ég að segja.
Sápuópera
Dagbók 2003-2011
—————————-
Af hverju seturðu ekki bara fram auglýsingu hér á blogginu þínu, fyrst nota á bráðina til að skemmta sér yfir hér á sápuóperunni?
Annars á ég erindi við þig, en ég var að gúggla tvær línur og lenti þá á vellíðunarskrifum þínum (og las aðeisn meira!):
„Æ, mér líður alltaf vel“ og „Æ, mér líður aldrei vel“.
Þetta eru upphafslínur tveggja versa eftir einhverja fyllibyttuna sem var uppi á 18. eða 19. öld en ég man ekki hvað heitir – né hvernig ég get fundið vísurnar.
Geturðu hjálpað mér, sjálfur bókmenntafræðingurinn?
Í staðinn lofa ég að skrifa þér aldrei meir!
Posted by: Torfi Stefánsson | 20.05.2008 | 15:51:54
—————————-
Æ Torfi minn, þú ofmetur sjálfan þig eins og venjulega. Heldurðu í alvöru að þú farir nógu mikið í taugarnar á mér til að ég leggist í leit, bara til að losna við suðið í þér?
Skrifaðu bara eins og þig lystir gæskur. Ég bara hendi því ef ég nenni ekki að lesa það.
Posted by: Eva | 20.05.2008 | 16:19:04
—————————-
ef þú skráir þig í Iceland networkið geturðu skoðað prófíl allra annarra sem eru skráðir þar. Stækkar hópinn sem þú getur skoðað umtalsvert (ferð í account-networks-join a network)
Posted by: Guðrún ókunnuga | 20.05.2008 | 18:42:02
—————————-
Getur Anna vinkona þín ekki kynnt þig fyrir sínum facebook vinum?
Posted by: sara | 20.05.2008 | 18:53:23
—————————-
Takk Guðrún ókunnuga, ég hafði ekki hugmynd um þetta account networks dæmi. Þetta gengur miklu betur svona. Ég er m.a.s. búin að finna einn sem ég gæti hugsað mér að hitta.
Sara, það er ekki nóg fyrir mig að vita að einhver sé nógu lítið leiðinlegur til að Anna nenni að tala við hann. Ég vil sjá hvaða upplýsingar fólk gefur um sjálft sig áður en ég ákveð hvort mig langar að kynnast því.
Posted by: Eva | 20.05.2008 | 19:57:46
—————————-
Sæl Eva norn. Selurðu vörur online og sendir overseas? Ég er búsett í USA.Ég fann eina búð hérna þar sem ég bý svipaðri þinni sem kallast The mystic moon en hún er með takmarkað úrval og alls ekki eins heillandi.
Posted by: Huld | 21.05.2008 | 1:48:34
—————————-
Ég er ekki með netverslun en þú getur sent tölvupóst á netfang Nornabúðarinnar, nornabudin@nornabudin.is ef þú vilt láta senda þér eitthvað í póstkröfu.
Posted by: Eva | 21.05.2008 | 7:06:40