Líka afi minn!

blc3a1tt-c3a1fram-mynd-1Prófaðu að segja hópi átta ára barna spennandi sögu af stelpu sem fer með afa sínum á sjóinn. Gefðu svo börnunum tækifæri til að deila reynslu sinni af sjómennsku.

Einhver úr bekknum réttir upp hönd og segir frá því að hún hafi farið með afa sínum á báti út á vatn rétt hjá sumarbústaðnum og þau hafi veitt silung. Annar hefur farið með Herjólfi til Eyja. Þriðja barnið hefur séð geit í Húsdýragarðinum og finnst sú saga eiga vel heima í umræðunum.Í ljós kemur að mörg barnanna hafa reynslu af sjómennsku. Líka þau sem þekkja ekki muninn á herskipi og kajak. Þau sem ekki hafa verið til sjós þekkja allavega einhvern sem hefur verið til sjós. Eða hafa amk komið í fiskbúð. Þegar svo einn gormurinn segir að afi sinn hafi veitt saltfisk, hvarflar svona að kennaranum að frásagnarþörfin virði ekki alltaf mörkin milli skáldskapar og veruleika en áður en hann nær að hugsa þá hugsun til enda grípur sá næsti inn í; já, líka afi minn!

Prófaðu svo að sýna sama hópi brúðusýningu um kynferðisofbeldi. Ætli séu nokkrar líkur á að einhver barnanna rétti upp hönd og segi líka afi minn í hita augnabliksins?

Tíu barnaverndarmál í einum skóla. Ekki eitt eða tvö, heldur tíu. Veit þetta fólk ekki áreiðanlega hvað það er að gera? Eru stjórnvöld ekki alveg handviss um að það sem þau eru að styrkja sé óumdeild fagmennska? Er ekki örugglega búið að ganga úr skugga um að þessi viðhorf séu ekkert annað en hamslaust barnahatur samfélags sem vill helst lögleiða barnanauðganir og reisa styttu af Steingrími Njálssyni á Austurvelli?

Ég spyr bara svona í kæruleysi vegna fjölmargra dæma sem komið hafa upp í nágrannalöndunum um að fólk sé ákært og dæmt fyrir kynferðisbrot gagnvart börnum, sem síðar kom í ljós að það var saklaust af. Já og vegna þess að dæmi eru um það á Íslandi að mál hafi þótt dómtæk, þar sem börn lýstu ítrekuðum samförum en reyndust þó vera með órofið meyjarhaft.

Hvernig er það annars, eiga foreldrar kost á að frábiðja börnum sínum boðskap djöflatrúarhópa eða er bara búið að úthýsa kirkjunni úr skólum?

Hér má sjá baráttusöng samtakanna Darkness 2 Light, sem Blátt áfram byggja á.

Að lokum; þessi ágæti pistill fór fram hjá mér á sínum tíma. Vinsamlegast lesið hann og deilið.

Deildu færslunni

Share to Facebook