Dræsunni ekki boðið til umræðunnar – frekar en venjulega

salin

Í dag standa þrjú ráðuneyti að klámráðstefnu í Reykjavík. Engum sem vinnur í klám og kynlífgeiranum var boðið að tjá sig. Ástæðan mun vera sú að sálir kvenna eru staðsettar í píkunni. Konur sem hafa atvinnu af klámi og kynlífsþjónstu eru þessvegna svo stórskaddaðar á sálinni eftir allt hóriríð, að það er ekkert mark á þeim takandi. Ekki fyrr en þær eru búnar að gangast undir afmellunarmeðferð Stígamóta og tilbúnar til að veita feministahreyfingum ókeypis auglýsingu með fjölmiðlaviðtölum um allan þann hrylling sem þær hafa undirgengist. Hinar sem eru ánægðar í sínu starfi, eru áfram of skemmdar og geðveikar til að eiga nokkurt erindi í umræðuna.  Pye Jacobsson lýsir viðhorfi yfirvalda til kynlífsþjóna ágætlega hér:

Heiðursgestur á þessari ráðstefnu er sjálffræðingurinn og kvenhyggjukonan Gail Dines. Hún telur eins og svo margir aðrir kvenhyggjusinnar að ungir menn hermi eftir öllu sem þeir sjá í klámmyndum og klám sé þessvegna ein helsta orsök ofbeldis gagnvart konum. Að vísu hefur enginn getað bent á eina einustu rannsókn sem stenst vísindalegar kröfur, sem staðfestir orsakasamband milli klámneyslu og ofbeldishneigðar en það þarf ekki neinar rannsóknir til, þetta er bara nokkuð sem dólgafeministar vita í hjarta sínu.

Gail virðist reyndar ekki hafa neinar lausnir á þessu stórkostlega vandamáli þótt starf hennar felist í því að velta sér upp úr ofbeldisklámi og kynna það yfir blessuðu yfirvaldinu, ásamt sínum eigin fabúleringum um áhrif þess. Í myndbandinu hér að neðan stingur hún upp á því að klámframleiðendur verði lögsóttir fyrir þann skaða sem þeir valda en hvernig í ósköpunum á að meta þann skaða, það veit hún auðvitað ekki. Hún segist alls ekki vilja fara þá leið að setja lög sem takmarka tjáningarfrelsið.

 

 

Deildu færslunni

Share to Facebook