Feminísk áhrif á réttarkerfið hafa víða orðið til þess að sönnunarbyrði í kynferðisbrotamálum hefur færst yfir á sakborning.  Þetta hefur verið stórt vandamál í nágrannalöndum okkar, einkum í Svíþjóð. Svíar eru nú loksins að falla frá þessari stefnu og hefur mörgum dómum verið snúið við í hæstarétti á síðustu árum.

Þegar tilhneiging feminista til að sjá klámdjöfluinn í hverju horni og óhófleg áhrif þeirra á réttarkerfið vinna saman, verður útkoman í stíl við galdraofsóknir miðalda. Dæmi eru um að stórir hópar saklauss fólks hafi setið árum saman í fangelsi fyrir meinta kynferðisglæpi og barnadráp í tengslum við Satansdýrkun.

Ef maður spyr feminista hvort þeir vilji taka upp öfuga sönnunarbyrði segja þeir nei. Núna. Fyrir 20 árum var það beinlínis stefnan. Í dag vilja feministar veikja réttaröryggið með því að gera upplifun meints brotaþola og andlegt ástand hans að fullgildum sönnunargögnum. Í reynd er það auðvitað ekkert annað en yfirfærsla á sönnunarbyrði. Þetta er enn eitt dæmið um mótsagnakenndan málflutning.