Alcoa fær ekki krónu. Nananananana!
Ríkið á hinsvegar rétt á bótum vegna óhlýðni sonar míns við verði laganna en honum er slétt sama um það (það er álmafían sem er óvinurinn) og því réttlæti mun hvort sem er aldrei verða fullnægt. Halda áfram að lesa
Greinasafn fyrir merki: umhverfismál
Hólmsteinn mun hugga oss
Við þurfum nú ekki að hafa verulegar áhyggjur af þessu.
Eins og fjölvitinn Hannes Hólmsteinn upplýsti þjóðina um, með skrifum sínum um óskunda umhverfisverndarfólks í Mogganum fyrir nokkrum vikum, þá hafa helstu loftlagssérfræðingar veraldar rangt fyrir sér um loftlagsbreytingar af mannavöldum. Við förum nú fjandinn hafi það ekki að taka meira mark á hysteríunni í sérfræðingum en djúpri visku Hólmsteins.
Svona stór
Skv. fréttum NFS í dag er hvalurinn sem var landað í morgun, allt of stór til að hægt sé að selja hann á heimamarkaði. Er þetta haft beint eftir skipstjóranum.
Í meðförum RÚV hljómar þetta alls ekki neikvætt. Íslendingar munu ekki fá að „njóta“ kjötsins af hvalnum sem „þykir stór“. Ekki er tekið fram að stórir hvalir þyki vondir á bragðið.
Virkjum mannauðinn
Ennþá er það viðhorf ríkjandi að sé sjúkt og rangt að brjóta tennurnar úr fólki og skera í andlitið á því. Það getur þó verið mjög hagkvæmt. T.d. má nota slíkar aðferðir til að fá viðkomandi til að borga manni péning sem aftur fer inn í hagkerfið, þjóðinni allri til hagsbóta og alþjóðasamfélaginu líka. Mannhelgisinnar líta á það sem fólskuverk að virkja mannauðinn á þennan hátt og ofsækja þá sem leggja stund á ofbeldi, þrátt fyrir augljósa þjóðarhagsmuni. Það sem mannhelgisinnum yfirsést er að fólk missir hvort sem er tennurnar og fær rákir í andlitið af náttúrulegum ástæðum.
Það er löngu sannað að náttúran gjörbreytir útliti fólks á nokkrum árum eða áratugum. Það er því ekki við ofbeldismenn að sakast þótt einhver auminginn, sem er sennilega hvort sem er frekar ljótur, fái einhver ör, iðraskaða eða eigi í öndunarerfiðleikum eftir þjóðhagslega ofbeldisframkvæmd. Öll þessi einkenni hefðu getað komið fram án þess að hann hefði látið krónu af hendi.
Við verðum að gera eitthvað
Ég ólst upp við hvalkjöt. Mér finnst það gott. Ég efast um að hrefnan sé í útrýmingarhættu.
EN. Við höfum engan sem ætlar að kaupa hval af okkur, Íslendingar éta hann ekki einu sinni sjálfir og hvalveiðar fara greinilega fyrir brjóstið á mjög mörgum. Við erum sennilega að koma okkur í vandræði með þessu og tilgangurinn virðist ekki vera annar en sá að „gera eitthvað“.
Það er nóg af terrierhundum í heiminum. Þeir eru ekki í neinni útrýmingarhættu. Það er allt eins líklegt að kjötið af þeim sé ágætt. Ættum við þá að ala terrierhunda til slátrunar bara af því við getum það?
Ef við værum að berjast fyrir lífi okkar þætti mér málið horfa öðruvísi við en við eigum ekkert bágt. Íslenska ríkið er smátittur sem veður áfram á viðhorfinu „ég geri það sem mér bara sýnist“. Það getur þjónað tilgangi að fara sínar eigin leiðir og gefa skít í viðhorf annarra en í þessu tilviki er Ísland ekki sjálfstæðishetja sem stendur af sér kreddur og kúgun heldur andfélagslegur unglingur.
Opið bréf til íslenskra rökleysulúða
-Af hverju bara Kárahnjúkavirkjun, af hverju mótmæla þeir ekki öllu hinu líka?
-Af hverju fara þeir svona að? Af hverju ekki einhvernveginn öðruvísi?
-Hvað með álverið á Grundartanga, finnst þeim það allt í lagi?
-Hvar voru lopapeysuhipparnir þegar þeir byrjuðu að grafa sundur Hafnarfjarðarhraun?
-Af hverju mótmæla þeir ekki alveg eins botvörpuveiðum? Halda áfram að lesa
Undanþágu til að ræna menntamálaráðherra takk
Liggi fyrir rökstuddur grunur um að tiltekinn einstaklingur sé öðrum hættulegur, er hægt að fá hluta af mannréttindum hans aflétt, tímabundið. Það er hægt að svipta hann frelsi, dæma hann til að greiða sektir fyrir glæpi sem sannanir finnast fyrir eða taka frá honum það sem fullvissa er fyrir að hann hafi stolið. Halda áfram að lesa