Greinasafn fyrir flokkinn: Allt efni

Peningaskortur ekki vandamálið

Birt þann af

Í marsmánuði og safnaðist hópur fólks saman við kínverska sendiráðið til að mótmæla þjóðarmorðinu sem nú á sér stað í Tíbet. Marga laugardaga í röð hittist fólk þarna í hádeginu, stundum um 40 manns en oftar nær 20, stundum aðeins 4-5 hræður.  Þetta voru fullkomlega friðsöm mótmæli, eitt eða tvö kröfuspjöld og einn tíbeskur fáni, stutt ræðuhöld og í þau skipti sem ég mætti voru alltaf einhverjir sem tóku börnin sín með sér og ekkert sem benti til þess að nokkur hefði mætt þangað með það að markmiði að stofna til óeirða.Á þessum tíma var ekki að sjá að mannekla og fjárskortur stæði í vegi fyrir löggæslu í landinu. Á meðan á þessum stuttu og friðsamlegu fundum stóð, var Víðimelurinn varðaður lögreglubílum á hverju horni og iðulega gerðist það að verðir laganna væru fleiri en mótmælendur.

Vandamál lögreglunnar í dag er ekki fjárskortur. Vandamál lögreglunnar er sá sem ber ábyrgð á henni. Hann heitir Björn Bjarnason og hefur meiri áhuga á að tryggja vald ríkisins, stórfyrirtækja og auðmanna en að vernda íbúa landsins.

mbl.is 14 lögreglumenn á vakt

 

Með lafandi tungu

Birt þann af

Sjálfstæðisflokkurinn er eini stjórnmálaflokkurinn á Íslandi sem hefur völd. Það vald er, eins og allt annað vald, keypt fyrir peninga. Flokkurinn býr í haginn svo þeir sem eiga marga péninga, geti eignast fleiri péninga og þeir borga. Allir glaðir. Nema þeir sem þjást vegna þess hve íslenskir auðmenn græða mikið á ósiðlegum skítafyrirtækjum en þeir eru hvort sem er ekki á kjörskrá. Þeir búa á Indlandi, Mexíkó og í Kína og margir þeirra kunna ekki einu sinni að lesa, hvað þá að þeir hafi áhrifavald til að æsa íslenska hryðjuverkaógnarrunkara upp í það að blogga um glæpastarfsemi þeirra sem mótmæla ódáðum stóriðjufyrirtækja gagnvart fólki og náttúru. Halda áfram að lesa →

Skemmdarverk?

Birt þann af

Sé það rétt tilgáta að slánni hafi verið sparkað upp af miklu afli (þá væntanlega af fullorðnum) er þetta hið óhugnanlegasta mál.

Það er ekki langt síðan framið var skemmdarverk á leiktæki í Fjölskyldugarðinum í Reykjavík og maður hlýtur að fara að velta því fyrir sér hvort það sé einhverskonar tíska að stofna til slysa á þennan hátt. Þegar fréttist af slysinu í adrenalíngarðinum, hvarflaði að mér að einhver tengsl væru á milli þess og skemmdarverksins í Fjölskyldugarðinum  en ekkert hefur enn komið fram sem bendir til þess.

Merkilegt þykir mér að sjá að þegar skemmdarverk sem verður að flokkast sem raunverulegt ódæði er framið, virðist það ekki vekja mikla athygli. Fréttist hinsvegar að því að einhver hafi krotað pólitísk skilaboð á húsvegg, ég tala nú ekki um ef fánalög eru brotin eða vinna hjá skítafyrirtæki stöðvuð í mótmælaskyni, þá fer bloggheimur gjörsamlega á límingunum yfir því að annað eins glæpahyski og skemmdarvargar fyrirfinnist.

Kannski er bloggplebbinn ekkert svo geðbólginn yfir skemmdarverkum sem slíkum, heldur yfir því að þægilegum ranghugmyndum hans um veruleikann sé ögrað.

mbl.is Í lífshættu eftir Tívolí-slys

Glæpur án fórnarlambs

Birt þann af

Af hverju er bannað að vera öðrum undirgefinn? Auðvitað á að vera bannað að kúga aðra en ef ég ákveð sjálf að hlýða manninum mínum, og hann er til í að taka að sér að bera ábyrgð á mér, sjá fyrir mér og segja mér fyrir verkum hvar er þá fórnarlambið í þeim glæp? Ef konan hefur ekki valið sér þetta hlutskipti sjálf, væri þá ekki nær að refsa þessum karlmönnum sem undiroka hana?

Börn eru oftast foreldrum sínum undirgefin. Á þá ekki að synja þeim um ríkisborgararétt líka?

Glætan spætan að þetta snúist um lög eða siðferði.

mbl.is Undirgefni samræmist ekki frönskum gildum

Flóttamaðurinn ljúgandi

Birt þann af

Þessvegna vil ég að fólk sem leitar til okkar og segist vera í lífshættu, sé látið njóta vafans á meðan verið er að skoða mál þess.

Trúir því einhver í alvöru að þetta fólk búi við öryggi í dag?

Ja, fyrst frændi Pauls Ramses segir það… Og Ómar Valdimarsson, hann hefur víst komið til útlanda og allt.

Ég hef aldrei verið ofsótt. Aldrei meiðst að ráði. Ég hef engar forsendur til að setja mig í spor þeirra sem hafa upplifað stríð. En verði ég einhverntíma fyrir áföllum, þá vona ég að einhversstaðar í heiminum verði fólk sem er allavega tilbúið til að hlusta.

mbl.is Ramses gæti stefnt ríkinu

Frequent flyer program

Birt þann af

Við skulum nú gæta þess að kalla hlutina sínum réttu nöfnum. Bandaríkjamenn beita ekki pyndingum. Þeir nota bara frequent flyer program, sem er vitanlega allt annað.

Eftir 6 ára enduruppeldi í þessum ágætu fangabúðum er Omar náttúrulega enginn unglingur lengur, svo það er tímabært að koma honum í eitthvert almennilegt „prógamm“.

mbl.is Fanga í Guantanamo-búðunum meinað um svefn