Greinasafn fyrir flokkinn: Allt efni

Fórnarlambsvæðing Bradleys Manning

Birt þann af

Það á semsagt að fara þá leið að nota kynhneigð mannsins til þess að gera hann óábyrgan gjörða sinna í stað þess að reyna að fá rétt almennings til upplýsinga viðurkenndan. Eflaust vita lögfræðingar hans hvað þeir eru að gera en mikið ofboðslega er skítt ef er útilokað að fá hann sýknaðan á þeirri forsendu að menn megi upplýsa um, reyna að stöðva eða koma í veg fyrir óhæfuverk yfirvalda.

Af afrekum UTL

Birt þann af

Endilega lesið þetta

Og þetta er því miður ekkert einstakt dæmi um skítlega framkomu við hælisleitendur. Mouhamed Lo hefur verið í felum í meira en 5 mánuði. Sú ákvörðun að nýta Dyflinnarreglugerðina til að vísa honum frá var kærð en frestun réttaráhrifa var hafnað. Þetta velkist svo hjá útlendingastofnun mánuðum saman og á meðan er maðurinn í rauninni í stofufangelsi. Innanríkisráðherra svarar einfaldlega ekki tölvupósti og þegar ég reyndi að fá annan lögfræðing í málið var honum bara sagt að þrátt fyrir umboð gæti hann ekki fengið afrit af gögnum þar sem þegar væri búið að skila inn kæru. Hér er hægt að sjá hluta af sögu hans og meira verður birt á næstunni.

Saga strokuþræls – 8. hluti

Birt þann af

 Í athugun …
Hæfileg refsing fyrir að neyðast til að framvísa fölsuðum skilríkjum, er að mati yfirvaldsins  30 daga fangelsi, óskilorðsbundið. Að villa á sér heimildir í því skyni að forða sér frá pyntingum og jafnvel aftöku án undangenginna réttarhalda er þannig talinn sambærilegur glæpur við líkamsárás á sofandi mann. Margir flóttamenn sem fá þennan dóm sitja þó aðeins helminginn af sér og það á við um Mouhamed. Eftir 15 daga refsivist var honum komið fyrir á Fit, flóttamannahælinu á Suðurnesjum og boðin aðstoð til að sækja um hæli. Halda áfram að lesa →

Saga strokuþræls – 7. hluti

Birt þann af

Til Íslands
Hann fór að ráðum félaga sinna. Kærði úrskurðinn en beið ekki eftir niðurstöðu. Afhenti manni sem heimsótti flóttamannabúðirnar alla peningana sína og fékk í staðinn falsað vegabréf og flugmiða til Kanada. Honum var sagt að hann myndi millilenda á Íslandi en það væri ekkert mál því þar væri ekkert vegabréfaeftirlit. Halda áfram að lesa →