Ég er nokkuð sátt við aðgerðina í morgun. Síðast vorum við um 25, í dag vorum við um 200. Ráðherrar laumuðust inn bakdyramegin. Kannski tekst okkur að stöðva þá alveg næst. Enginn handtekinn í þetta sinn. Löggan er að læra. Ósköp hlýtur þeim mörgum að líða illa yfir því að ´þurfa´ að bögga okkur frekar en bófana. Ég spái því að á þorranum muni nokkrir lögreglumenn segja af sér og ganga til liðs við okkur.
Bankaaðgerð fyrirhuguð á morgun. Mæting á Austurvelli kl. 9:00.
Spurt er hvort mótmælaaðgerðin núna á eftir verði ekki örugglega friðsamleg.
Ég get þessvegna ekki lofað því að allt verði nákvæmlega eins og ég sé það fyrir mér en markmiðið er að meina ráðherrum aðgang, án þess að það hafi í för með sér ofbeldi eða slys.
Bændur já, það er auðvitað rétt að láta þá fitugelti bera byrðarnar ásamt örykjum og öldruðum. Um að gera að flæma þá frá búskap og jafnvel úr landi sem hafa þó til að bera kunnáttu til að sjá okkur fyrir mat þegar ‘nýju bankarnir’ verða líka farnir á hausinn og ekki fleiri lán að fá frá útlöndum.
Í alvöru talað elsku þjóð, er ekki að verða tímabært að gera eitthvað róttækara en að halda ræður sem enginn hlustar á og halda kjafti þótt enginn hlusti á þögnina heldur?
 |
Hætt við vísitölutengingu í búvörusamningum |
Það er svosem rétt að þúsundir manna hafa dáið vegna utanrísisstefnu Georgs en að kasta skó í hann eru náttúrulega bara skrílslæti.
Við verðum að gera greinarmun á forsetanum Bush sem var bara að vinna vinnuna sína þegar hann lét drepa mann og annan, og manninum Bush, sem hefur ekkert af sér gert.
Það er kannski skiljanlegt að maðurinn sé reiður vegna allra þessarra dauðsfalla og hörmunga en hann verður að skilja að þetta er bara ekki rétta leiðin til að mótmæla. Auk þess skemmir svona skrílsháttur málstaðinn fyrir friðsömu mótmælendunum sem eru búnir að halda ræður og bera skilti allt frá upphafi Íraksstríðsins. Nú er öll þeirra vinna unnin fyrir gýg, vegna þessa ofbeldismanns.
|
Skómaðurinn í haldi |
Þótt mér finnist Umhverfisráðherra alltaf þurfa að gera betur, held ég nú samt að Þórunn sé það skársta sem er í boði hjá þessari ríkisstjórn. Ég mun hinsvegar fagna með syngipartýi og ótæpilegu magni lífselexírs þegar BB verður látinn taka pokann sinn.
Það slæma við þessa frétt er þó að þessar ráðstafanir gætu orðið til þess að róa lýðinn og gefa ríkisstjórninni færi á halda áfram á þeirri braut að afselja okkur sjálfstæðinu.
|
Uppstokkun fyrir áramót |
Jæja, þá eru nú bjarvættirnar teknar til við að ‘skera fitulögin utan af ríkissjóði’ eins og Össur orðaði það síðasta þriðjudag. Og byrjað í þykkustu spiklögunum auðvitað. Ég býst við að niðurskurður á framlagi ríkisins til undirbúnings heimssýningarinnar í Kína, verði fyrst og fremst táknrænn.
Á morgun kl 8:45 ætla aktivistar og stuðningsmenn þeirra að koma saman við Iðnó og freista þess aftur að stöðva þetta skítapakk í því að halda niðurskurðarfund.
|
Fallið frá fjölgun leiguíbúða |
Glúmur Baldvinssson alþjóðastjórnmálafræðingur skrifar í moggann í dag. Hann setur fram óskalista yfir þá sem mótmælendur ættu að einbeita sér að.
Glúmur, greyið mitt hættu að tuða yfir því sem ekki er gert og skipuleggðu þínar mótmælaaðgerðir sjálfur. Ég er þér sammála um að þær eru allar þarfar og ég skal sannarlega mæta.