Þjóðþekktur maður og ung unnusta hans liggja undir grun um að hafa framið svívirðilegan glæp. Meira en þrír mánuðir eru liðnir síðan stúlkan lagði fram kæru. Á þessum 14 vikum sem liðnar eru frá því að málið komst í fjölmiðla, hefur lögreglan sent málið til ríkissaksóknara, sem aftur henti málinu í lögguna. Löggan hefur væntanlega komist að þeirri niðurstöðu að málið sé dómtækt því nú berast fréttir af því að ríkissaksóknari ætli að taka sér tvo mánuði í að ákveða hvort hún gefur út ákæru eður ei. Halda áfram að lesa
Greinasafn eftir:
Sagði satt fyrir landsdómi
Sá sögulegi atburður hefur átt sér stað að vitni sagði satt fyrir landsdómi.
Var vitnið, Hrútur Hrappsson, feðraveldisfulltrúi, spurt um þátt klámvæðingarinnar í aðdraganda hrunsins. Skýrði Hrútur skilmerkilega frá því að Fjármálaeftirlitið hefði, án útboðs, keypt upp lager af grímubúningum og öðrum dónaskap af klámbúllu í eigu frænda eins manns.
Þegar vitnið var krafið um skýringar á tiltæki sínu, kvað það þessa óvenjulegu sannleiksást vera „sjálfsprottna í einhverju lýðræðisflippi“. Baðst Hrútur þegar í stað afsökunar á framburði sínum.
„Það var ekki ætlunin að særa neinn. Ég var bara í krúttkasti, þú’st, búinn að liggja yfir Pedobear með sleikjó og svona og datt í hug að sannleikurinn yrði dáldið skondið sjónarhorn í umræðuna. Ef það hefur sært eitthvunn þá segi ég bara sorrý,“
Hrútur Hrappsson í krúttkasti
Myndin er sviðssett
Læst: Afglapaskrá lögreglunnar síðasti ársfjórðungur
Réttlætið er fyrir hina ranglátu
Stundum vill það gleymast að mannréttindi voru ekki fundin upp fyrir góða fólkið, þá sem verðskulda réttlæti, heldur fyrir þá sem ofbjóða réttlætishugmyndum stjórnvalda og/eða almennings. Halda áfram að lesa
Að taka afstöðu
Uppskrift að áburði:
Finnum gamlan, botnfallinn skít. Hrærum rækilega upp í honum og dreifum soranum sem víðast svo öruggt sé að drullan lendi í sem flestum hálfgrónum sárum.
Jafnvel þótt útilokað sé að eyða leðjunni og eina leiðin til að hreinsa vatnið sé sú að leyfa henni að setjast, höldum þá áfram að hræra upp í skítnum. Berum svo mykjuna á túnið. Halda áfram að lesa
Að túlka burt vandamál
Síðustu daga hef ég í félagi við Einar Steingrímsson, beint til mannréttindasinnaðra presta og annarra kristinna manna, spurningum um hvort þeir styðji þá hugmynd að Þjóðkirkjan viðurkenni formlega að Biblían og fleiri rit sem mynda kenningargrundvöll kirkjunnar, séu úrelt og byggi starf sitt framvegis á grundvelli nútímahugmynda um mannréttindi og siðferði. Halda áfram að lesa
Kenningagrundvöllur Þjóðkirkjunnar
Þegar börn fermast, fara þau með ákveðna trúarjátningu. Með henni lýsa þau trú á margskonar þvælu sem afskaplega fáir trúa í raun, t.d. meyfæðinguna. Einnig viðurkenningu á heilagleik kirkjunnar, semsagt því að ekki skuli efast um kenningargrundvöll hennar og túlkun yfirmanna hennar á Biblíunni. Reyndar má vel draga í efa að 14 ára börn hafi forsendur til þess að skilja hvað felst í því að lýsa yfir trú á heilagleik stofnunar en ekki er síður gagnrýnivert að þau eru látin lýsa þessu yfir þótt þau hafi sáralitla þekkingu á kenningagrundvelli hennar og hafi ekki einu sinni lesið Ágsborgarjátninguna frá 1530, sem var þó ætlað að rökstyðja það sem á þeim tíma taldist frjálslyndi. Halda áfram að lesa