Eini pólitíski flokkurinn á Íslandi sem hefur eitthvað látið að sér kveða í jafnréttismálum, vill losa sig við vandræðagemling og ef þarf að brjóta prinsipp til þess, þá er það bara í lagi.

Ekki í anda fæðingarorlofslaga, segir Ögmundur en hann er nú líka sjálfur vandræðagemlingur. Smugan þegir þunnu hljóði og ekki hef ég orðið vör við nein viðbrögð frá feministum heldur.

Enda snýst flokkspólitík ekki um kvenréttindi, mannréttindi eða réttlæti yfirhöfuð, heldur um völd og vg eru ekkert undanþegin þeirri reglu. Sá sem hugsar sjálfstætt og þorir að tjá skoðanir sem samræmast ekki þeirri stefnu sem flokkurinn fylgir (enda þótt sú stefna víki stundum nokkuð langt frá þeirri stefnu sem hann var kosinn út á) rekst illa í flokki og því best að reyna að þagga niður í honum. Eða í þessu tilviki henni.

Það er pólitík vg í praxis.