Snilldaraðgerð

———————————————

Reykjavíkurvændishús
verða nú að loka.
Vinstri stjórnin vill nú fús
viðbjóðnum burt moka.

Offari, 18.3.2009 kl. 10:54

———————————————

Aumingja Íslenska þjóðin!
Búin að reka af sér ríkisstjórn braskara og bankaræningja.
Í staðinn fær hún ríkisstjórn „Talibana feminista“ og jafnréttisfasista.
Nú verður bráðum farið að höggva hendur og fætur af fólki sem, ekki getur fylgt kreddum vinstri grænu Talibanapáfanna.
Fram með potta og pönnur.

Jón (IP-tala skráð) 18.3.2009 kl. 11:21

———————————————

Eva, þú getur sjálf verið fáviti, enda sést það á því að þú getur ekki einu sinni rekið fyrirtæki, hvað þá annað.

Þessar konur sem starfa á nektardansstöðunum er að mestum hluta erlendar konur, sem eru nú þegar með umboðsmenn og dólga sem senda þær á milli landa. Hérlendis eru þær svo neyddar í vændi, ef marka má orð íslenskrar konu sem steig fram og tjáði sig undir nafni í fjölmiðlum eftir að hafa starfað á þessum stöðum.

Merkilegt að byltingarforinginn sjálfur beri svona litla umhyggju fyrir kynsystrum sínum, að þér finnist í lagi að þær séu seldar mansali, neyddar í vændi og ofurseldar vinnuveitendum sínum. Ég vona að þú drífir þig úr landi. Eistland ætti t.d. að vera land að þínu skapi, nóg af vændishúsum og nektarbúllum þar.

Anna (IP-tala skráð) 18.3.2009 kl. 14:30

———————————————

Staðhæfingum um að ég geti ekki rekið fyrirtæki vísa ég til föðurhúsa. Það hefur að vísu þótt bera merki um viðskiptavit á Íslandi að rek hvert fyrirtækið á öðru í þrot og pína um leið milljarða á milljarða ofan út úr almenningi en ég kýs frekar að hætta áður en staðan er orðin vonlaus.

Ég hef aldrei réttlætt mansal eða nauðungarvændi. Þegar gilda í landinu lög sem ná yfir þrælahald og ofbeldi enda er tilgangurinn með þessum lögum ekki sá að tryggja mannréttindi, heldur að þjóna tepruskap yfirvalda. Ef flokksssystkinum mínum væri svona annt um mannúð og vernd lítilmagna myndu þau sennilega byrja á því að taka á málum flóttamanna sem í hverjum einasta mánuði er synjað um hæli á Íslandi.

Fyrir 2 vikum fengu t.d. 6 menn sem allir eru í lífshættu í sínum heimalöndum synjun. Þeirra á meðal er Elyas vinur minn sem verður líklega sendur aftur til Afghanistan þar sem Talíbanar munu láta hann hverfa. Ég hef ekki heyrt neinn mannréttindafrömuð æsa sig yfir því.

Það að hættan á því að einhver kall fái að góna á píku valdi meiri taugatitringi en líf og velferð flóttafólks segir allt sem segja þarf um hvatirnar á bak við lagasetningu af þessu tagi.

Eva Hauksdóttir, 18.3.2009 kl. 15:13

———————————————

Eva ég er 100% sammála þér, þetta er gjörsamlega út í hött, og hvað þá á þessum tíma!

Hvað með t.d. bankaleyndina, ofurgreiðslur arðs til fárra meðan meirihluti starfsmanna tekur á sig baggann (hrækt í andlitið á fólki bókstaflega), 15000+ atvinnulausir, fyrirtæki og búðir og framleiðsla að hrynja á hausinn, gunguháttur ráðherra og ráðamanna, enginn andskotast til að mæta í vinnuna á Alþingi, einkavinavæðing heilbrigðiskerfisins….

En nei. Það skal sko ENGINN fá að horfa á stelpur skaka sér á súlunni Á MÍNU HREINA ÍSLANDI. Talandi um tepruskap (úr grein mbl.is):

„Almennt séð séu slíkir staðir gróðrastía vændis og mansals.“
Bíddu var ekki manneskja dæmd til að greiða einhverjar milljónir í skaðabætur til Geira fyrir að segja nákvæmlega þetta? Einnig; hvar eru rökin fyrir þessu? Afhverju er ekki vísað í þessar alvitru kannanir sem alltaf er verið að tala um? Kannski af því að þær eru ómarktækar að mestu leiti og eru í raun frekar samfélagslegur og pólítískur áróður róttækra feminista (sem mega hafa sína skoðun, segi það ekki) heldur en vel studd gögn.

„Guðrún segir að 43 konur og einn karl hafi leitað til Stígamóta vegna klám og vændisiðnaðarins í fyrra.“
Var einhver þessara einstaklinga strippari? Hvers vegna er það ekki tekið betur fram þá? (dettur einungis í hug lög um friðhelgi einkalífsins..?) Klám og vændi geta þrifist ALLSTAÐAR, þetta er ekki einsog einhver localized sýking 😛 Þarna er látið líta út fyrir að allir þessir aðilar hafi komið úr stripp-umhverfinu.

„Einnig á að girða fyrir undanþágumöguleika í lögum um veitingastaði, gististaði og skemmtanahald fyrir nektarstaði þannig að lögin banni alfarið starfsemi nektarstaða.“
Mig langar að vita hvað þau ætla þá að gera við t.d. gjörningalistamenn eða leikara sem eru naktir, á sýningu (og fá greitt fyrir), er það bannað líka? Hvað ef mig langaði að opna nektarnýlendu á jörðinni minni og bjóða fólki gistingu og afþreyingu? Er það bannað líka?

Þó svo að megináherslan í þessari reglugerð sé góð og gild og MJÖG þörf (veita frekari aðstoð til fórnarlamba, opna greiðari leiðar til að komast út, sérfræðiteymið, dvalarleyfið), þá þykir mér bara fáránlegt að ætlast til þess að fólk trúi því tæpitungulaust að það að loka 3-4 íslenskum strippstöðum hafi EINHVER áhrif á mansals og þrælkunar-vændisiðnaðinn, frekar en t.d. efld fræðsla, eftirlit og gegnsæi í rekstri staða. Það er einfaldlega naive og downright móðgandi, ef þú spyrð mig. Þetta kallast lögleiðing á persónulegum smekk a.k.a. forræðishyggja, og hún bragðast alveg jafn illa hvort sem kemur frá hægri eða vinstri.

kiza, 18.3.2009 kl. 21:20

———————————————

P.s. var það strippstöðunum að kenna að það var vændisstarfsemi á Hverfisgötunni nýlega?

Var það strippstöðunum að kenna að það voru konur píndar í vændi í Ármúlanum…?

Ég bara spyr.

kiza, 18.3.2009 kl. 21:22

———————————————

Svo bregðast krosstré sem önnur tré. Hélt þú værir upplýstari en þetta.

Katrín Anna Guðmundsdóttir, 18.3.2009 kl. 23:15

———————————————

Ég er nógu upplýst til að vita nákvæmlega hvernig þær konur sem kjósa að vinna í þessum geira (og þær eru til hér á landi sem annarsstaðar) munu fara að þegar þær missa kúnna sem fara að lögum. Þá munu þær einfaldlega versla við menn sem er alveg sama. Eða heldur þú virkilega að þær hugsi bara ‘ó, nú er búið að banna Sigga að koma til mín, best að fara bara á Féló?’

Eva Hauksdóttir, 18.3.2009 kl. 23:36

———————————————

Ég tek undir með Katrínu Önnu hér.

Er hissa á þessari skoðun þinni Eva.

Jenný Anna Baldursdóttir, 18.3.2009 kl. 23:46
identicon

Já, sér er nú hver fávitinn kæra Eva. Þar sem þú ert svo vel upplýst um klám og vændisiðnaðinn ættirðu að sýna þeim sem seldar eru í kynlífsánauð, þ.e mansali, svilítið meiri mannvirðingu en þetta. Til þess að vinna gegna mansali (nota man hér því meirihlutinn sem hingað hefur verið seldur mansali í gegnum austur-evrópsku klíkurnar í gegnum tíðina eru konur) verðum við að taka á málunum á öllum stigum.

Þínar persónulegu skoðanir eða reynsla af píkuglápi kalra gegn greiðslu er aukaatriði hér þegar þú sýnir kynsystrum þínum svona vanvirðingu, bæði feministum og ekki feministum og þeim sem eru fórnarlömb í klám- og vændisiðnaðinum. Það eru eflaust til konur sem njóta þessarra starfa og geta um frjálst höfuð strokið en þær eru samkvæmt öllum rannsóknum í miklum minnihluta og umræðan snýst bara ekki um hvort að þær fái kikk útúr sínu frjálsa, upplýsta leggerrí, heldur um að slá skjaldborg um þau fórnarlömb sem finnast í meirihluta í þessum geira.

Það þarf svo ekkert að fara tyggja ofaní vel upplýsta konu statistik um bakgrunn og sjálfsmynd vændiskvenna og að um 70% af þeim sem hætt hafa í iðnaðinum þjást af alvarlegri, langvarandi áfallastreituröskun. Hversvegna skoðar þú ekki tillögurnar í heild en þar verður komið upp aðstoð fyrir þá sem hafa verið í þessu.

Þú hefðir gott af því að kíkja uppí Stígamót vinan, svona þegar þú hefur dregið hausinn uppúr sandinum og ert ekki í vörn og ert tilbúin til að horfast í augu við raunveruleikann.

Það er einnig kaldhæðni að manneska sem þú sem hefur viljað gera þig út sem manneskju réttlætis byrjar á að taka hysteríukast á fólki sem hefur unnið að réttlætismálum fyrir konur og fórnarlömb kúgunar í áratugi.

Kona líttu þér nær!

Gústa (IP-tala skráð) 18.3.2009 kl. 23:52
Smámynd: Eva Hauksdóttir

Það er með ólíkindum hve mörgum tekst að lesa þennan stutta pistil minn án þess að ná innihaldinu. Hvar nákvæmlega kemur vanvirðing gegn kynlífsþrælum fram í þessum pistli eða öðru sem ég hef skrifað um þennan iðnað?

Ég get því miður ekki bent þér á neina íslenska upplýsingamiðstöð fólks sem vinnur í klám- og kynlífsgeiranum af frjálsum vilja, enda eru fordómarnir og fórnarlambsvæðingin á því stigi að flestir kjósa að tjá sig bara sem minnst. Hinsvegar gætir þú kynnt þér viðhorf þeirra á þessari netsíðu en þetta eru samtök fólks í kynlífsþjónustu, 600.000 manns sem líta hreint ekki á sig sem nein fórnarlömb.

En þú gerir það áreiðanlega ekki, því þetta snýst náttúrulega ekkert um mannréttindi, heldur nauðsyn þess að viðhalda þeirri villutrú að vændi sé alltaf ánauð, að konur séu alltaf fórnarlömb og að gamlar kreddur um það hvað teljist rétt eða röng kynhegðun séu heilög vé.

Eva Hauksdóttir, 19.3.2009 kl. 00:16
identicon

Auðvitað hef ég lesið um allar hliðar málsins. Hagsmunasamtök klámiðnaðarins er ekkert undarlegt fyrirbæri þegar fjöldinn er svona mikill.

Hinsvegar tek ég meira mark á vísindalegum rannsóknum en þessum samtökun, sér í lagi eftir að hafa séð röð viðtala við einn af þekktustu klámmyndaleikurum Dana árið 1998 þegar ég bjó þar.

Hann ákvað að ræða iðnaðinn og allt sem þar gengur á þegar hann lá banaleguna 1998. Hann og 12 af hann þekktustu meðleikurum, karlar og konur, létust öll úr eyðni á áratug.Á sama tíma og danski klámiðnaður var í PR herferð um að allt væri clean og kosher í þeirra heilbrigðismálum allir testaðir og flottir. Hann sagði að það hefði verið kjaftæði og þau hefðu öll smitast á settinu. Svo skulum við bara ekki minnast á spíttið, dópið og drulluna sem þetta fólk verður upp að mitti. eins og hann sagði. Þessi fyrrum talsmaður danska klámiðnaðarins.

He came clean svo að segja því hann hafði oft áður birst í sem jákvæður talsmaður klámiðnaðarins en þarna sagði hann söguna á bak við tjöldin umbúðalaust og eins og við sem það viljum vita var hún hreint út sagt viðbjóðsleg.

Það hefur ekkert að gera með tepruskap VÆNA. Eins og að klám og vændisiðnaðurinn eigi sér ekki talsmenn eða PR maskínur eins og aðrir hagsmunaaðilar?

Það er bara spurning um hverra hagsmuna er verið að gæta og á hvaða forsendum. Hér þykja mér meiri hagsmunir í því að vernda fólk frá misnotkun og glæpum en að vernda rétt þeirra sem valdið hafa til riðlast á ókunnugum gegn gjaldi.

Sorry,en þó að þér þóknist þessi iðnaður eitthvað sérstaklega vegna gífurlegra tekjumöguleika þá tel ég það siðlausa hræsni af þér að telja það óréttlæti að reyna að uppræta mansal og vændi og takast á við afleiðingar þess þegar sagan segir okkur að afleiðingarnar eru mannskemmandi og hrikalegar og margfeldisáhrifin slæm.

Mannvirðing og réttlæti er ekki einkennisorð vændisiðnaðarins frekar en það einkennisorð valdhafa sem níðast á þegnum sínum þannig að þeir þurfa að flýja land.

Gústa (IP-tala skráð) 19.3.2009 kl. 00:55
identicon

Ég styð Evu. Bannið leysir ekki neitt. Það er alveg rétt. Það er bara eins og að sópa ruslinu undir teppið. Fólk hættir ekkert að selja sig því það er bannað. Væri ekki best að láta ríkið sjá um þetta. Þá er hægt að halda utan um þetta betur líka.

Ég kynntist strákum í Barchelona, þegar ég var í skóla þar. Þeir voru 5 strákar sem bjuggu saman 20 ára gamlir og voru að selja sig bæði körlum og konum. Þetta voru allt mjög eðlilegir drengir. Eina sem þeir gerðu þá öðruvísi en ég, var að þeir seldu sig. Ég ólst upp við þá menningu að það er ógeðslegt. Mér finnst það ennþá. Þeim fannst það ekki.

Er einhver sem segir að það sé eithvað rangara að selja sig? Er einhver sem segir að þú átt að eiga eiginkonu, 2 börn og vinnu með skjalatösku?

Bannið gerir þessa menningu, verri. Þótt þér finnst hún góð eða slæm. Bannið gerir það bara……verra, hversu mikið verra?

..Ég veit ekki, segið mér feministar, hversu mikið verra?

Bannið er vandamálið.

Árni (IP-tala skráð) 19.3.2009 kl. 01:15
identicon

Ég hefði fagnað því ef framlag ríkissjóðs í baráttuni geng mansali eða þrælahaldi væri aukið til muna, jafnvel margfaldað. Flest fólk myndi styðja það heilshugar og fáir sem myndu andmæla slíku með einhverri sannfæringu.

Þessi lög eru ekki trúverðug og munu þar af leiðandi ekki skapa sátt í samfélaginu. Ég held jafnvel að svona aðferðarfræði komi mest niður á þeim sem síst skildi, nefnilega fórnarlömbum mansals.

Fjandinn hafi það vg, þið komuð sterk inn á örlagatímum, trúverðuleikinn geislaði af ykkur, þið hættuð að vera „á móti öllu flokkurinn“ og fólk hreifst með. Og nú á að bregðast manni með þessari heimskulegu þráhyggju ykkar.

Fólk er ekki allt eins og sumir hafa minni mótstöður fyrir því að veita kynlifsþjónustu en aðrir.

Allveg rétt hjá síðuhöfundi, að geta ekki sýnt fólki smá umburðarlyndi þó það bindi ekki sína bagga sína sömu hnútum og þið, er heimska.

Það er ekki vöntun á gagnlausri þröngsýni og heimsku í heiminum í dag.

Grow up, live and let live.

Toni (IP-tala skráð) 19.3.2009 kl. 01:30
Smámynd: Eva Hauksdóttir

Mannvirðing og réttlæti er ekki einkennisorð neins kapítalísks iðnaðar, hvort sem það er vændisgeirinn, stóriðja, vefnaðarvöruframleiðsla, stríðsrekstur eða coca cola. Ég efast ekkert um að hagsmunaklíkur klámiðnaðarins ljúga til að fegra ímynd sína, rétt eins og t.d. Alcoa.

Af einhverjum ástæðum (þ.e. stöðluðum hugmyndum um kynlíf) er kynlífsiðnaðurinn þó eini geirinn þar sem mannréttindabrot viðgangast sem fær einhverja athygli hér á landi, og þá yfirleitt með alhæfingum sem gefa afskaplega brenglaða mynd af veruleikanum. Tvískinnungurinn hefur sennilega náð hámarki þegar klámframleiðendur voru stöðvaðir í því að halda árshátíð, á landi sem hikar aldrei við að bjóða stríðsherra Nató velkomna, sem og ýmsa aðra jakkafataklædda fjöldamorðingja.

Það er merkilegt við umræðuna um klám- og kynlífsgeirann að þeir sem halda henni lifandi hafa sjaldnast neina persónulega reynslu af þessum störfum. Sjónarmið þeirra sem eru slíkri þjónustu á eigin forsendum fá nánast aldrei að heyrast, (þú telur t.d. enga ástæðu til að taka mark á 600.000 manns sem berjast fyrir því að bjargvættir þeirra leyfi þeim að hafa eitthvað um sitt eigið öryggi að segja) heldur eru dregin upp ömurlegustu dæmin um sundurlamda fíkniefnaneytendur og látið að því liggja að þar sé kominn Sannleikurinn með stórum staf. Tilgangurinn er alltaf sá að ‘bjarga’ konum. Jafnvel þótt þær frábiðji sér slíkar aðgerðir og haldi því sjálfar fram að slík hjálpsemi setji þær í hættu, er ekkert á það hlustað. Hjálpinni skal troðið upp á þær, gjarnan á þeirri forsendu að þær hafi orðið fyrir misnotkun sem börn, sem hlýtur náttúrulega að gera þær ófærar um að hugsa sjálfstætt.

Það svo einnig lýsandi fyrir þá sem flokka allan kynlífsiðnað sem þrælahald að tala um ‘vísindalegar rannsóknir’ en geta hins vegar ekki bent á þær. Jújú, það eru auðvitað til fjölmargar rannsóknir á fórnarlömbum kynlífsánauðar og ofbeldis, en bentu mér á rannsókn sem leiðir í ljós:

a) að fólk í kynlífsþjónustu líti almennt á sig sem þræla

b) líkur á að lög gegn vændiskaupum dragi úr kynlífsþrælkun.

Ég hef nefnilega ekki séð neinar sannanir fyrir því enn.

Eva Hauksdóttir, 19.3.2009 kl. 01:42
Smámynd: Benedikt Halldórsson

Tek undir með Evu.

Í frumvarpinu skín í gegn sú viska að konur sem ekki eru til fyrirmyndar í siðum og háttprýði séu veikar á geði eða á valdi vondra karla. Snilldarlausnin er því sú að koma enn fleiri körlum í fangelsi en hjálpa konunum að hefja siðsamara líf.

Karlinn fer á sakaskrá en konan í sjúkraskrá.

Stígamót stigur stórt skref í að setja í lög, að konur séu alltaf fórnarlömb en karlar gerendur, í að sjúkdómsvæða hegðun kvenna en afbrotavæða hegðun karla.

Ekki er t.d. gert ráð fyrir að karlar geti verið kynlífsfíklar sem munu ekki hætta að kaupa þjónustu kvenna sem eru tilbúnar til að veita hana.

Í veruleikanum fyrir utan Disneyland femínismans og Stígamót eru engar steríótýpur. Því miður!

Benedikt Halldórsson, 19.3.2009 kl. 03:55
Smámynd: Sævarinn

Íslendingar eru seldir lægstbjóðanda í dag og það er mannsal eða ánauð og hún fellst í því að ágætlega rekinn fyrirtæki eru að nýta sér kreppuna og láta launafólk taka á sig launaskerðingu og ef það samþykkir hana ekki er það látið fara, það er ánauð. Ég held að stjórnvöld ættu að beita sýnum kröftum í rétta átt og hætta að hugsa með rassgatinu, svo vill ég benda á stórgóð skrif um þettahérna

Sævarinn, 19.3.2009 kl. 08:10
identicon

Hvað með starfsmenn verslana, þjónustufólk o.fl.? Þá minnist ég sérstaklega á starfsfólk stórkeðja eins og Bónus/Krónunnar/Hagkaupa o.s.frv…. Nú hef ég, persónulega, unnið hjá Hagkaupum í heilan mánuð sem unglingur (nota bene vel undir „sjálfræðisaldri“), áður en ég hreinlega gekk út. Þetta var ógeðslegast starfsstaður sem ég hef unnið á. Ef að maður gaf EINNI KRÓNU of mikið til baka (mannleg mistök) fékk maður áminningu. Að sama skapi ef maður gaf 1kr. of lítið til baka.

Andlegi skíturinn sem fólk í viðurkenndum, löglegum þjónustustörfum þarf að gleypa daglega, af hálfur bæði yfirmanna OG FÖKKIN viðskipavina (já, taktu þetta til ÞÍN), jafnast oft algjörlega á við að hafa verið neyddur til að totta eitt skitið typpi yfir daginn, nema að fyrir eitt typpi færðu örugglega a.m.k. heilsdags laun Bónusstarfsmanns.

Í tilfellinu sem Eva ræðir um hér að ofan, þar sem stúlka útvegar sér viðskiptavini sjálf, hefur hún einnig val um hvaða typpi hún tottar, og ef hún vill ekki totta typpið á illa lyktandi fauta, þá bara gerir hún það ekki. Fær þá ekki greiðslu fyrir.

Ef að Bónusstarfsmaður hins vegar neitar að afgreiða einhvern sem raunverulega kallaði hann heimskan hálfvita, þá er hann bara rekinn, ja eða fær allavega „áminningu“ og er settur í sérstakt eftirlit. Viðskiptavinurinn hefur, jú, alltaf rétt fyrir sér? Einnig á sá hinn sami starfsmaður enn minni líkur (sem eru fyrir samasem engar) á því að nokkurntíman fá kaupið sitt hækkað um, tja, 2kr. á tímann? Hann þyrfti allavega að vera sólskinið uppmálað og geta unnið fyrir þjá ef hann ætti að komast eitthvað áfram eftir að hefur verið kvartað undan honum.

Ef að mér þykir ekkert að því að totta typpi, af hverju má ég ekki taka pening fyrir það, eins og hvað annað? Og af hverju má typpiseigandinn ekki borga mér fyrir það? Hvað ef ég vil frekar totta typpi á einhverjum fyrir 10.000 kall en að þrífa klósettið hjá honum fyrir þúsundkall á tímann?

Lóló (IP-tala skráð) 19.3.2009 kl. 12:59
identicon

Hvað veist þú um það hvort að ég hafi eða hafi ekki persónulega reynslu af því að starfa í þessum iðnaði eða einhver af mínum nánustu vinkonum?

Það gæti kannski verið þessvegna sem ég er yfir mig glöð yfir því að hér séu komin lög sem vernda mannréttindi kvenna og setja nú einusinni ábyrgðina á þá sem versla með kvenskrokka.

Ekki það að ég eða einhver af mínum vinkonum hefðum þurt að vaða slorið uppað mitti til að vera tilbúnar til að berjast fyrir góðum málstað.

Ekki frekar en þú hefur upplifað líf í flóttamannabúðum eða verið landlaus á eigin skinni til að berjast fyrir réttindum fólks.

En jú EVA mín, það eru fleiri en þú sem vita lengra en nef þeirra nær um þennan undiheimaiðnað í borg óttans!

Í þessum lögum er stigið skrefið til fulls og vændiskonur og fólk í kynlífsiðnaðinum VERNDAÐ og unnið fyrir það og spjótunum beint að þeim sem mesta ábyrgð bera í mansali og þeim sem kaupa sér tits&ass.

OG ER ÞAÐ LÖNGU TÍMABÆRT, hvað sem líður persónulegu blæti þínu eða annarra í þeirra eigin svefnherbergjum þá snýst þetta ekki um það heldur valdníðslu, arðrán, þrældóm og kúgun sem sporna þarf gegn.

Gústa (IP-tala skráð) 19.3.2009 kl. 14:35
Smámynd: Eva Hauksdóttir

Jájá ef þetta snýst raunverulega um valdníðslu, arðrán, þrældóm og kúgun, þá þurfum við ekki fleiri lög, heldur að framfylgja þeim sem fyrir eru.

Ég sagði ekki að þú hefðir ekki persónulega reynslu af þessum iðnaði (um það veit ég ekkert frekar en þú um mín ‘blæti’) heldur að þeir sem halda þessari umræðu á lofti hafi sjaldnast þá reynslu.

Eva Hauksdóttir, 19.3.2009 kl. 17:49
identicon

Jæja, þar fauk það álit sem ég hafði á þér, Eva.

Sigrún (IP-tala skráð) 19.3.2009 kl. 18:49
Smámynd: Eva Hauksdóttir

Takk fyrir þitt innlegg Lóló, það er einmitt þetta sem ég á við. Ég er ekkert hrifin af því að eigendur fyrirtækja geti í skjóli valds og auðs (sem að stórum hluta er tilkominn vegna arðráns) komist upp með að kúga fólk og niðurlægja. Hinsvegar finnst mér fáránlegt að berjast gegn slíkri valdníðslu í aðeins einum þjónustugeira, með því að fordæma hann allan á sama tíma og t.d. pakkið sem þú vannst hjá er stutt til að halda áfram og verðlaunað fyrir viðskiptasnilld sína.

Að ætla að taka fyrir allan klámiðnað og kynlífsþjónustu vegna þess að margir ljótir kallar misnota vald sitt til að selja konur og börn, er ósköp svipað því og að banna viðskipti með matvæli vegna þess hvernig Bónusssvínin hegða sér.

Vandamálið er ekki vændið sem slíkt, heldur mafíumyndunin og stórfyrirtækjavæðingin. Upprætum klámkónga og Bónusssvín. Látum hverfishóruna og kaupmanninn á horninu í friði.

Eva Hauksdóttir, 19.3.2009 kl. 18:50
Smámynd: Sævarinn

Fyrir utan það að ef þessi ólög verða samþykkt þá kemur neðanjarðarmafían til með að fagna þessu og það er ógnvænleg afturför.

Sævarinn, 19.3.2009 kl. 19:12
identicon

Ein svolítið kjánaleg spurning til þeirra sem eru fylgjandi lögunum …

Ef að mansal væri mikið vandamál á Íslandi, væri þá ekki búið að ákæra og sakfella einhvern fyrir það?

Og ef ekki, væri þá ekki réttast að byrja á því að framfylgja núverandi lögum sem banna þrælahald og nauðung? Ná og refsa glæpamönnunum áður en þeir hverfa á undraverðan hátt við fyrirhugaða lagasetningu?

Eða getur verið að þetta sé ekki vandamál á Íslandi nema í hugarheimi nokkurra femínista í leit að vindmyllum?

Haukur (IP-tala skráð) 20.3.2009 kl. 01:46
Smámynd: Vésteinn Valgarðsson

Það er ekki hægt að uppræta afleiðingar feðraveldis og stéttaskiptingar án þess að uppræta feðraveldi og stéttaskiptingu. Vændi verður ekki upprætt með lagasetningu. Bylting mundi skila okkur meira í áttina að upprætingu þess.

Vésteinn Valgarðsson, 20.3.2009 kl. 02:02
Smámynd: Eva Hauksdóttir

Haukur, þótt þetta sé góð spurning er ég hrædd um að svarið sé nei, það að enginn hafi verið ákærður og sakfelldur er engin sönnun þess að slíkt viðgangist ekki hér. Íslenskur almenningur hefur nýverið gengið í gegnum fjárhagslega hópnauðgun og enginn hefur verið ákærður, hvað þá sakfelldur fyrir það.

Ég efast reyndar um að kynlífsánauð sé umfangsmikið vandamál á Íslandi en eflaust eru einhver dæmi um slík tilfelli. Ekki kæmi mér þó á óvart þótt íslenskir áriðlar stundi hálfþvinguð kynmök oftar en ekki í skjóli hjónabanda sem stofnað er til vegna neyðar konunnar (ok, það getur líka verið öfugt). Það heitir nefnilega ekki mansal eða vændi að giftast til fjár eða til að flýja ömurlegt ástand í heimalandi sínu. Það heitir heldur ekki vændi að drekka sig útúr, fá gistingu hjá ókunnugum og endurgjalda greiðann með kynmökum. Það heitir ekki vændi að þakka fyrir drykk á veitingahúsi með sjortara á almenningsklósetti.

Kynferðislegar athafnir flokkast því aðeins sem vændi að að þeim sé staðið á vitrænan hátt, öryggisreglur viðhafðar og samið fyrirfram um endurgjald sem gerir seljanda þjónustunnar mögulegt að halda virðingu sinni.

Eva Hauksdóttir, 20.3.2009 kl. 08:11
identicon

Þessi fyrirhugaða lagabreyting er slæm og merkilegt hvað sumir (róttækir) feministar hoppa á populismavagninn gagnrýnislaust.

Í Svíþjóð hefur verið stanslaus umræða um um sænsku vændislöggjöfina síðan henni var hrint í framkvæmd og gegnum sneitt eru þeir sem hafa rannsakað málið af alvöru á móti þessum lögum, enda geri þessi lög slæmt ástand verra. Má þar m.a. nefna talsmenn lögreglunnar í Svíþjóð auk bæði Susanne Dodillet ogPetra Östergren sem hafa sjálfar rannsakað kynlífiðnaðinn af fagmennsku, án upphrópana og fordóma.

Hin norska Liv Jessen sem m.a. hefur fengið verðlaun frá Amnestyfyrir starf sitt fyrir réttindum starfsfólks í kynlífsiðaði hefur sömu skoðanir en því miður hefur ekki verið hlustað á hana í Noregi, neitt frekar en Östergren og Dodillet í Svíþjóð. Það er ekki til eftirbreytni.

Þessar konur hafa rannsakað klám- og kynlífsiðnaðinn, ólíkt skrifstofufeministunum sem koma beint úr háskólaumhverfinu og hafa aldrei komist nær klámi og kynlífsiðnaði en með lestri vandlætisbókmennta eftir karlahatara í stíl við Andreu sálugu Dworkin og þess háttar.

Hins vegar er merkilegt hvað margir (feministar) virðast misskilja pistil Evu hér að ofan. Hún er hvergi að hverja til mansals, vændis eða ofbeldis gagnvart konum. Það er hins vegar til önnur rödd, eins og Eva bendir á. Það er rödd þeirra sem starfa í kynlífsiðnaðinum og gera það án þvingunar. Slík sjónarmið má til dæmis lesa hér.

Vegna siðferðisviðhorfa í okkar „opna vestræna þjóðfélagi“ á þessi rödd hins vegar oftar en ekki erfitt uppdráttar. Margir hafa bent á, meðal annars bæði Östergren og Dodillet, að sænsku vændislögin og barátta sumra (róttækra) feminista gegn klámi og kynlífsiðnaðinum almennt auki enn frekar á vandann með kerfisbundinni niðurlægingu þeirra sem þar vinna að fúsum og frjálsum vinna.

Víðir Ragnarsson (IP-tala skráð) 20.3.2009 kl. 10:36
identicon

Smá innlegg frá hórkarli sem á 6 börn. Það verður gaman fyrir þau að frétta að pabbi þeirra sé á Litla Hrauni vegna þess að hann lagðist með konu og borgaði henni fyrir. Auðvitað á ég ekki að gera slíka hluti, halda mig bara við mína dauðu kellu og rúnka mér sjálfur. Fæða mína kellu og klæða „ókeypis“ En heyrði þó fína hugmynd frá Noregi. Þar voru sett svona lög og nú streyma konur og karlar í hópferðum til Afríku, Gabon og riðlast á þarlendum t.d. í 1 – 2 vikur. Ódýrt og gott. Allt auðvitað löglegt og ferðafólkið skilur eftir sig heil mikinn pening í landinu. Eru ekki enn auðar íbúðir á Keflavíkurflugvelli. Auðvitað á að girða þær af og setja þar upp fríríki sem héti t.d. „Sex City“ Big business, if you cant beat them, join them !

Öddi (IP-tala skráð) 22.3.2009 kl. 15:13

One thought on “Snilldaraðgerð”

Tjásur: þann 28. ágúst 2014 kl. 10:14 e.h. sagði:

———————————————

Reykjavíkurvændishús
verða nú að loka.
Vinstri stjórnin vill nú fús
viðbjóðnum burt moka.

Offari, 18.3.2009 kl. 10:54

———————————————

Aumingja Íslenska þjóðin!
Búin að reka af sér ríkisstjórn braskara og bankaræningja.
Í staðinn fær hún ríkisstjórn „Talibana feminista“ og jafnréttisfasista.
Nú verður bráðum farið að höggva hendur og fætur af fólki sem, ekki getur fylgt kreddum vinstri grænu Talibanapáfanna.
Fram með potta og pönnur.

Jón (IP-tala skráð) 18.3.2009 kl. 11:21

———————————————

Eva, þú getur sjálf verið fáviti, enda sést það á því að þú getur ekki einu sinni rekið fyrirtæki, hvað þá annað.

Þessar konur sem starfa á nektardansstöðunum er að mestum hluta erlendar konur, sem eru nú þegar með umboðsmenn og dólga sem senda þær á milli landa. Hérlendis eru þær svo neyddar í vændi, ef marka má orð íslenskrar konu sem steig fram og tjáði sig undir nafni í fjölmiðlum eftir að hafa starfað á þessum stöðum.

Merkilegt að byltingarforinginn sjálfur beri svona litla umhyggju fyrir kynsystrum sínum, að þér finnist í lagi að þær séu seldar mansali, neyddar í vændi og ofurseldar vinnuveitendum sínum. Ég vona að þú drífir þig úr landi. Eistland ætti t.d. að vera land að þínu skapi, nóg af vændishúsum og nektarbúllum þar.

Anna (IP-tala skráð) 18.3.2009 kl. 14:30

———————————————

Staðhæfingum um að ég geti ekki rekið fyrirtæki vísa ég til föðurhúsa. Það hefur að vísu þótt bera merki um viðskiptavit á Íslandi að rek hvert fyrirtækið á öðru í þrot og pína um leið milljarða á milljarða ofan út úr almenningi en ég kýs frekar að hætta áður en staðan er orðin vonlaus.

Ég hef aldrei réttlætt mansal eða nauðungarvændi. Þegar gilda í landinu lög sem ná yfir þrælahald og ofbeldi enda er tilgangurinn með þessum lögum ekki sá að tryggja mannréttindi, heldur að þjóna tepruskap yfirvalda. Ef flokksssystkinum mínum væri svona annt um mannúð og vernd lítilmagna myndu þau sennilega byrja á því að taka á málum flóttamanna sem í hverjum einasta mánuði er synjað um hæli á Íslandi.

Fyrir 2 vikum fengu t.d. 6 menn sem allir eru í lífshættu í sínum heimalöndum synjun. Þeirra á meðal er Elyas vinur minn sem verður líklega sendur aftur til Afghanistan þar sem Talíbanar munu láta hann hverfa. Ég hef ekki heyrt neinn mannréttindafrömuð æsa sig yfir því.

Það að hættan á því að einhver kall fái að góna á píku valdi meiri taugatitringi en líf og velferð flóttafólks segir allt sem segja þarf um hvatirnar á bak við lagasetningu af þessu tagi.

Eva Hauksdóttir, 18.3.2009 kl. 15:13

———————————————

Eva ég er 100% sammála þér, þetta er gjörsamlega út í hött, og hvað þá á þessum tíma!

Hvað með t.d. bankaleyndina, ofurgreiðslur arðs til fárra meðan meirihluti starfsmanna tekur á sig baggann (hrækt í andlitið á fólki bókstaflega), 15000+ atvinnulausir, fyrirtæki og búðir og framleiðsla að hrynja á hausinn, gunguháttur ráðherra og ráðamanna, enginn andskotast til að mæta í vinnuna á Alþingi, einkavinavæðing heilbrigðiskerfisins….

En nei. Það skal sko ENGINN fá að horfa á stelpur skaka sér á súlunni Á MÍNU HREINA ÍSLANDI. Talandi um tepruskap (úr grein mbl.is):

„Almennt séð séu slíkir staðir gróðrastía vændis og mansals.“
Bíddu var ekki manneskja dæmd til að greiða einhverjar milljónir í skaðabætur til Geira fyrir að segja nákvæmlega þetta? Einnig; hvar eru rökin fyrir þessu? Afhverju er ekki vísað í þessar alvitru kannanir sem alltaf er verið að tala um? Kannski af því að þær eru ómarktækar að mestu leiti og eru í raun frekar samfélagslegur og pólítískur áróður róttækra feminista (sem mega hafa sína skoðun, segi það ekki) heldur en vel studd gögn.

„Guðrún segir að 43 konur og einn karl hafi leitað til Stígamóta vegna klám og vændisiðnaðarins í fyrra.“
Var einhver þessara einstaklinga strippari? Hvers vegna er það ekki tekið betur fram þá? (dettur einungis í hug lög um friðhelgi einkalífsins..?) Klám og vændi geta þrifist ALLSTAÐAR, þetta er ekki einsog einhver localized sýking 😛 Þarna er látið líta út fyrir að allir þessir aðilar hafi komið úr stripp-umhverfinu.

„Einnig á að girða fyrir undanþágumöguleika í lögum um veitingastaði, gististaði og skemmtanahald fyrir nektarstaði þannig að lögin banni alfarið starfsemi nektarstaða.“
Mig langar að vita hvað þau ætla þá að gera við t.d. gjörningalistamenn eða leikara sem eru naktir, á sýningu (og fá greitt fyrir), er það bannað líka? Hvað ef mig langaði að opna nektarnýlendu á jörðinni minni og bjóða fólki gistingu og afþreyingu? Er það bannað líka?

Þó svo að megináherslan í þessari reglugerð sé góð og gild og MJÖG þörf (veita frekari aðstoð til fórnarlamba, opna greiðari leiðar til að komast út, sérfræðiteymið, dvalarleyfið), þá þykir mér bara fáránlegt að ætlast til þess að fólk trúi því tæpitungulaust að það að loka 3-4 íslenskum strippstöðum hafi EINHVER áhrif á mansals og þrælkunar-vændisiðnaðinn, frekar en t.d. efld fræðsla, eftirlit og gegnsæi í rekstri staða. Það er einfaldlega naive og downright móðgandi, ef þú spyrð mig. Þetta kallast lögleiðing á persónulegum smekk a.k.a. forræðishyggja, og hún bragðast alveg jafn illa hvort sem kemur frá hægri eða vinstri.

kiza, 18.3.2009 kl. 21:20

———————————————

P.s. var það strippstöðunum að kenna að það var vændisstarfsemi á Hverfisgötunni nýlega?

Var það strippstöðunum að kenna að það voru konur píndar í vændi í Ármúlanum…?

Ég bara spyr.

kiza, 18.3.2009 kl. 21:22

———————————————

Svo bregðast krosstré sem önnur tré. Hélt þú værir upplýstari en þetta.

Katrín Anna Guðmundsdóttir, 18.3.2009 kl. 23:15

———————————————

Ég er nógu upplýst til að vita nákvæmlega hvernig þær konur sem kjósa að vinna í þessum geira (og þær eru til hér á landi sem annarsstaðar) munu fara að þegar þær missa kúnna sem fara að lögum. Þá munu þær einfaldlega versla við menn sem er alveg sama. Eða heldur þú virkilega að þær hugsi bara ‘ó, nú er búið að banna Sigga að koma til mín, best að fara bara á Féló?’

Eva Hauksdóttir, 18.3.2009 kl. 23:36

———————————————

Ég tek undir með Katrínu Önnu hér.

Er hissa á þessari skoðun þinni Eva.

Jenný Anna Baldursdóttir, 18.3.2009 kl. 23:46
identicon

Já, sér er nú hver fávitinn kæra Eva. Þar sem þú ert svo vel upplýst um klám og vændisiðnaðinn ættirðu að sýna þeim sem seldar eru í kynlífsánauð, þ.e mansali, svilítið meiri mannvirðingu en þetta. Til þess að vinna gegna mansali (nota man hér því meirihlutinn sem hingað hefur verið seldur mansali í gegnum austur-evrópsku klíkurnar í gegnum tíðina eru konur) verðum við að taka á málunum á öllum stigum.

Þínar persónulegu skoðanir eða reynsla af píkuglápi kalra gegn greiðslu er aukaatriði hér þegar þú sýnir kynsystrum þínum svona vanvirðingu, bæði feministum og ekki feministum og þeim sem eru fórnarlömb í klám- og vændisiðnaðinum. Það eru eflaust til konur sem njóta þessarra starfa og geta um frjálst höfuð strokið en þær eru samkvæmt öllum rannsóknum í miklum minnihluta og umræðan snýst bara ekki um hvort að þær fái kikk útúr sínu frjálsa, upplýsta leggerrí, heldur um að slá skjaldborg um þau fórnarlömb sem finnast í meirihluta í þessum geira.

Það þarf svo ekkert að fara tyggja ofaní vel upplýsta konu statistik um bakgrunn og sjálfsmynd vændiskvenna og að um 70% af þeim sem hætt hafa í iðnaðinum þjást af alvarlegri, langvarandi áfallastreituröskun. Hversvegna skoðar þú ekki tillögurnar í heild en þar verður komið upp aðstoð fyrir þá sem hafa verið í þessu.

Þú hefðir gott af því að kíkja uppí Stígamót vinan, svona þegar þú hefur dregið hausinn uppúr sandinum og ert ekki í vörn og ert tilbúin til að horfast í augu við raunveruleikann.

Það er einnig kaldhæðni að manneska sem þú sem hefur viljað gera þig út sem manneskju réttlætis byrjar á að taka hysteríukast á fólki sem hefur unnið að réttlætismálum fyrir konur og fórnarlömb kúgunar í áratugi.

Kona líttu þér nær!

Gústa (IP-tala skráð) 18.3.2009 kl. 23:52
Smámynd: Eva Hauksdóttir

Það er með ólíkindum hve mörgum tekst að lesa þennan stutta pistil minn án þess að ná innihaldinu. Hvar nákvæmlega kemur vanvirðing gegn kynlífsþrælum fram í þessum pistli eða öðru sem ég hef skrifað um þennan iðnað?

Ég get því miður ekki bent þér á neina íslenska upplýsingamiðstöð fólks sem vinnur í klám- og kynlífsgeiranum af frjálsum vilja, enda eru fordómarnir og fórnarlambsvæðingin á því stigi að flestir kjósa að tjá sig bara sem minnst. Hinsvegar gætir þú kynnt þér viðhorf þeirra á þessari netsíðu en þetta eru samtök fólks í kynlífsþjónustu, 600.000 manns sem líta hreint ekki á sig sem nein fórnarlömb.

En þú gerir það áreiðanlega ekki, því þetta snýst náttúrulega ekkert um mannréttindi, heldur nauðsyn þess að viðhalda þeirri villutrú að vændi sé alltaf ánauð, að konur séu alltaf fórnarlömb og að gamlar kreddur um það hvað teljist rétt eða röng kynhegðun séu heilög vé.

Eva Hauksdóttir, 19.3.2009 kl. 00:16
identicon

Auðvitað hef ég lesið um allar hliðar málsins. Hagsmunasamtök klámiðnaðarins er ekkert undarlegt fyrirbæri þegar fjöldinn er svona mikill.

Hinsvegar tek ég meira mark á vísindalegum rannsóknum en þessum samtökun, sér í lagi eftir að hafa séð röð viðtala við einn af þekktustu klámmyndaleikurum Dana árið 1998 þegar ég bjó þar.

Hann ákvað að ræða iðnaðinn og allt sem þar gengur á þegar hann lá banaleguna 1998. Hann og 12 af hann þekktustu meðleikurum, karlar og konur, létust öll úr eyðni á áratug.Á sama tíma og danski klámiðnaður var í PR herferð um að allt væri clean og kosher í þeirra heilbrigðismálum allir testaðir og flottir. Hann sagði að það hefði verið kjaftæði og þau hefðu öll smitast á settinu. Svo skulum við bara ekki minnast á spíttið, dópið og drulluna sem þetta fólk verður upp að mitti. eins og hann sagði. Þessi fyrrum talsmaður danska klámiðnaðarins.

He came clean svo að segja því hann hafði oft áður birst í sem jákvæður talsmaður klámiðnaðarins en þarna sagði hann söguna á bak við tjöldin umbúðalaust og eins og við sem það viljum vita var hún hreint út sagt viðbjóðsleg.

Það hefur ekkert að gera með tepruskap VÆNA. Eins og að klám og vændisiðnaðurinn eigi sér ekki talsmenn eða PR maskínur eins og aðrir hagsmunaaðilar?

Það er bara spurning um hverra hagsmuna er verið að gæta og á hvaða forsendum. Hér þykja mér meiri hagsmunir í því að vernda fólk frá misnotkun og glæpum en að vernda rétt þeirra sem valdið hafa til riðlast á ókunnugum gegn gjaldi.

Sorry,en þó að þér þóknist þessi iðnaður eitthvað sérstaklega vegna gífurlegra tekjumöguleika þá tel ég það siðlausa hræsni af þér að telja það óréttlæti að reyna að uppræta mansal og vændi og takast á við afleiðingar þess þegar sagan segir okkur að afleiðingarnar eru mannskemmandi og hrikalegar og margfeldisáhrifin slæm.

Mannvirðing og réttlæti er ekki einkennisorð vændisiðnaðarins frekar en það einkennisorð valdhafa sem níðast á þegnum sínum þannig að þeir þurfa að flýja land.

Gústa (IP-tala skráð) 19.3.2009 kl. 00:55
identicon

Ég styð Evu. Bannið leysir ekki neitt. Það er alveg rétt. Það er bara eins og að sópa ruslinu undir teppið. Fólk hættir ekkert að selja sig því það er bannað. Væri ekki best að láta ríkið sjá um þetta. Þá er hægt að halda utan um þetta betur líka.

Ég kynntist strákum í Barchelona, þegar ég var í skóla þar. Þeir voru 5 strákar sem bjuggu saman 20 ára gamlir og voru að selja sig bæði körlum og konum. Þetta voru allt mjög eðlilegir drengir. Eina sem þeir gerðu þá öðruvísi en ég, var að þeir seldu sig. Ég ólst upp við þá menningu að það er ógeðslegt. Mér finnst það ennþá. Þeim fannst það ekki.

Er einhver sem segir að það sé eithvað rangara að selja sig? Er einhver sem segir að þú átt að eiga eiginkonu, 2 börn og vinnu með skjalatösku?

Bannið gerir þessa menningu, verri. Þótt þér finnst hún góð eða slæm. Bannið gerir það bara……verra, hversu mikið verra?

..Ég veit ekki, segið mér feministar, hversu mikið verra?

Bannið er vandamálið.

Árni (IP-tala skráð) 19.3.2009 kl. 01:15
identicon

Ég hefði fagnað því ef framlag ríkissjóðs í baráttuni geng mansali eða þrælahaldi væri aukið til muna, jafnvel margfaldað. Flest fólk myndi styðja það heilshugar og fáir sem myndu andmæla slíku með einhverri sannfæringu.

Þessi lög eru ekki trúverðug og munu þar af leiðandi ekki skapa sátt í samfélaginu. Ég held jafnvel að svona aðferðarfræði komi mest niður á þeim sem síst skildi, nefnilega fórnarlömbum mansals.

Fjandinn hafi það vg, þið komuð sterk inn á örlagatímum, trúverðuleikinn geislaði af ykkur, þið hættuð að vera „á móti öllu flokkurinn“ og fólk hreifst með. Og nú á að bregðast manni með þessari heimskulegu þráhyggju ykkar.

Fólk er ekki allt eins og sumir hafa minni mótstöður fyrir því að veita kynlifsþjónustu en aðrir.

Allveg rétt hjá síðuhöfundi, að geta ekki sýnt fólki smá umburðarlyndi þó það bindi ekki sína bagga sína sömu hnútum og þið, er heimska.

Það er ekki vöntun á gagnlausri þröngsýni og heimsku í heiminum í dag.

Grow up, live and let live.

Toni (IP-tala skráð) 19.3.2009 kl. 01:30
Smámynd: Eva Hauksdóttir

Mannvirðing og réttlæti er ekki einkennisorð neins kapítalísks iðnaðar, hvort sem það er vændisgeirinn, stóriðja, vefnaðarvöruframleiðsla, stríðsrekstur eða coca cola. Ég efast ekkert um að hagsmunaklíkur klámiðnaðarins ljúga til að fegra ímynd sína, rétt eins og t.d. Alcoa.

Af einhverjum ástæðum (þ.e. stöðluðum hugmyndum um kynlíf) er kynlífsiðnaðurinn þó eini geirinn þar sem mannréttindabrot viðgangast sem fær einhverja athygli hér á landi, og þá yfirleitt með alhæfingum sem gefa afskaplega brenglaða mynd af veruleikanum. Tvískinnungurinn hefur sennilega náð hámarki þegar klámframleiðendur voru stöðvaðir í því að halda árshátíð, á landi sem hikar aldrei við að bjóða stríðsherra Nató velkomna, sem og ýmsa aðra jakkafataklædda fjöldamorðingja.

Það er merkilegt við umræðuna um klám- og kynlífsgeirann að þeir sem halda henni lifandi hafa sjaldnast neina persónulega reynslu af þessum störfum. Sjónarmið þeirra sem eru slíkri þjónustu á eigin forsendum fá nánast aldrei að heyrast, (þú telur t.d. enga ástæðu til að taka mark á 600.000 manns sem berjast fyrir því að bjargvættir þeirra leyfi þeim að hafa eitthvað um sitt eigið öryggi að segja) heldur eru dregin upp ömurlegustu dæmin um sundurlamda fíkniefnaneytendur og látið að því liggja að þar sé kominn Sannleikurinn með stórum staf. Tilgangurinn er alltaf sá að ‘bjarga’ konum. Jafnvel þótt þær frábiðji sér slíkar aðgerðir og haldi því sjálfar fram að slík hjálpsemi setji þær í hættu, er ekkert á það hlustað. Hjálpinni skal troðið upp á þær, gjarnan á þeirri forsendu að þær hafi orðið fyrir misnotkun sem börn, sem hlýtur náttúrulega að gera þær ófærar um að hugsa sjálfstætt.

Það svo einnig lýsandi fyrir þá sem flokka allan kynlífsiðnað sem þrælahald að tala um ‘vísindalegar rannsóknir’ en geta hins vegar ekki bent á þær. Jújú, það eru auðvitað til fjölmargar rannsóknir á fórnarlömbum kynlífsánauðar og ofbeldis, en bentu mér á rannsókn sem leiðir í ljós:

a) að fólk í kynlífsþjónustu líti almennt á sig sem þræla

b) líkur á að lög gegn vændiskaupum dragi úr kynlífsþrælkun.

Ég hef nefnilega ekki séð neinar sannanir fyrir því enn.

Eva Hauksdóttir, 19.3.2009 kl. 01:42
Smámynd: Benedikt Halldórsson

Tek undir með Evu.

Í frumvarpinu skín í gegn sú viska að konur sem ekki eru til fyrirmyndar í siðum og háttprýði séu veikar á geði eða á valdi vondra karla. Snilldarlausnin er því sú að koma enn fleiri körlum í fangelsi en hjálpa konunum að hefja siðsamara líf.

Karlinn fer á sakaskrá en konan í sjúkraskrá.

Stígamót stigur stórt skref í að setja í lög, að konur séu alltaf fórnarlömb en karlar gerendur, í að sjúkdómsvæða hegðun kvenna en afbrotavæða hegðun karla.

Ekki er t.d. gert ráð fyrir að karlar geti verið kynlífsfíklar sem munu ekki hætta að kaupa þjónustu kvenna sem eru tilbúnar til að veita hana.

Í veruleikanum fyrir utan Disneyland femínismans og Stígamót eru engar steríótýpur. Því miður!

Benedikt Halldórsson, 19.3.2009 kl. 03:55
Smámynd: Sævarinn

Íslendingar eru seldir lægstbjóðanda í dag og það er mannsal eða ánauð og hún fellst í því að ágætlega rekinn fyrirtæki eru að nýta sér kreppuna og láta launafólk taka á sig launaskerðingu og ef það samþykkir hana ekki er það látið fara, það er ánauð. Ég held að stjórnvöld ættu að beita sýnum kröftum í rétta átt og hætta að hugsa með rassgatinu, svo vill ég benda á stórgóð skrif um þettahérna

Sævarinn, 19.3.2009 kl. 08:10
identicon

Hvað með starfsmenn verslana, þjónustufólk o.fl.? Þá minnist ég sérstaklega á starfsfólk stórkeðja eins og Bónus/Krónunnar/Hagkaupa o.s.frv…. Nú hef ég, persónulega, unnið hjá Hagkaupum í heilan mánuð sem unglingur (nota bene vel undir „sjálfræðisaldri“), áður en ég hreinlega gekk út. Þetta var ógeðslegast starfsstaður sem ég hef unnið á. Ef að maður gaf EINNI KRÓNU of mikið til baka (mannleg mistök) fékk maður áminningu. Að sama skapi ef maður gaf 1kr. of lítið til baka.

Andlegi skíturinn sem fólk í viðurkenndum, löglegum þjónustustörfum þarf að gleypa daglega, af hálfur bæði yfirmanna OG FÖKKIN viðskipavina (já, taktu þetta til ÞÍN), jafnast oft algjörlega á við að hafa verið neyddur til að totta eitt skitið typpi yfir daginn, nema að fyrir eitt typpi færðu örugglega a.m.k. heilsdags laun Bónusstarfsmanns.

Í tilfellinu sem Eva ræðir um hér að ofan, þar sem stúlka útvegar sér viðskiptavini sjálf, hefur hún einnig val um hvaða typpi hún tottar, og ef hún vill ekki totta typpið á illa lyktandi fauta, þá bara gerir hún það ekki. Fær þá ekki greiðslu fyrir.

Ef að Bónusstarfsmaður hins vegar neitar að afgreiða einhvern sem raunverulega kallaði hann heimskan hálfvita, þá er hann bara rekinn, ja eða fær allavega „áminningu“ og er settur í sérstakt eftirlit. Viðskiptavinurinn hefur, jú, alltaf rétt fyrir sér? Einnig á sá hinn sami starfsmaður enn minni líkur (sem eru fyrir samasem engar) á því að nokkurntíman fá kaupið sitt hækkað um, tja, 2kr. á tímann? Hann þyrfti allavega að vera sólskinið uppmálað og geta unnið fyrir þjá ef hann ætti að komast eitthvað áfram eftir að hefur verið kvartað undan honum.

Ef að mér þykir ekkert að því að totta typpi, af hverju má ég ekki taka pening fyrir það, eins og hvað annað? Og af hverju má typpiseigandinn ekki borga mér fyrir það? Hvað ef ég vil frekar totta typpi á einhverjum fyrir 10.000 kall en að þrífa klósettið hjá honum fyrir þúsundkall á tímann?

Lóló (IP-tala skráð) 19.3.2009 kl. 12:59
identicon

Hvað veist þú um það hvort að ég hafi eða hafi ekki persónulega reynslu af því að starfa í þessum iðnaði eða einhver af mínum nánustu vinkonum?

Það gæti kannski verið þessvegna sem ég er yfir mig glöð yfir því að hér séu komin lög sem vernda mannréttindi kvenna og setja nú einusinni ábyrgðina á þá sem versla með kvenskrokka.

Ekki það að ég eða einhver af mínum vinkonum hefðum þurt að vaða slorið uppað mitti til að vera tilbúnar til að berjast fyrir góðum málstað.

Ekki frekar en þú hefur upplifað líf í flóttamannabúðum eða verið landlaus á eigin skinni til að berjast fyrir réttindum fólks.

En jú EVA mín, það eru fleiri en þú sem vita lengra en nef þeirra nær um þennan undiheimaiðnað í borg óttans!

Í þessum lögum er stigið skrefið til fulls og vændiskonur og fólk í kynlífsiðnaðinum VERNDAÐ og unnið fyrir það og spjótunum beint að þeim sem mesta ábyrgð bera í mansali og þeim sem kaupa sér tits&ass.

OG ER ÞAÐ LÖNGU TÍMABÆRT, hvað sem líður persónulegu blæti þínu eða annarra í þeirra eigin svefnherbergjum þá snýst þetta ekki um það heldur valdníðslu, arðrán, þrældóm og kúgun sem sporna þarf gegn.

Gústa (IP-tala skráð) 19.3.2009 kl. 14:35
Smámynd: Eva Hauksdóttir

Jájá ef þetta snýst raunverulega um valdníðslu, arðrán, þrældóm og kúgun, þá þurfum við ekki fleiri lög, heldur að framfylgja þeim sem fyrir eru.

Ég sagði ekki að þú hefðir ekki persónulega reynslu af þessum iðnaði (um það veit ég ekkert frekar en þú um mín ‘blæti’) heldur að þeir sem halda þessari umræðu á lofti hafi sjaldnast þá reynslu.

Eva Hauksdóttir, 19.3.2009 kl. 17:49
identicon

Jæja, þar fauk það álit sem ég hafði á þér, Eva.

Sigrún (IP-tala skráð) 19.3.2009 kl. 18:49
Smámynd: Eva Hauksdóttir

Takk fyrir þitt innlegg Lóló, það er einmitt þetta sem ég á við. Ég er ekkert hrifin af því að eigendur fyrirtækja geti í skjóli valds og auðs (sem að stórum hluta er tilkominn vegna arðráns) komist upp með að kúga fólk og niðurlægja. Hinsvegar finnst mér fáránlegt að berjast gegn slíkri valdníðslu í aðeins einum þjónustugeira, með því að fordæma hann allan á sama tíma og t.d. pakkið sem þú vannst hjá er stutt til að halda áfram og verðlaunað fyrir viðskiptasnilld sína.

Að ætla að taka fyrir allan klámiðnað og kynlífsþjónustu vegna þess að margir ljótir kallar misnota vald sitt til að selja konur og börn, er ósköp svipað því og að banna viðskipti með matvæli vegna þess hvernig Bónusssvínin hegða sér.

Vandamálið er ekki vændið sem slíkt, heldur mafíumyndunin og stórfyrirtækjavæðingin. Upprætum klámkónga og Bónusssvín. Látum hverfishóruna og kaupmanninn á horninu í friði.

Eva Hauksdóttir, 19.3.2009 kl. 18:50
Smámynd: Sævarinn

Fyrir utan það að ef þessi ólög verða samþykkt þá kemur neðanjarðarmafían til með að fagna þessu og það er ógnvænleg afturför.

Sævarinn, 19.3.2009 kl. 19:12
identicon

Ein svolítið kjánaleg spurning til þeirra sem eru fylgjandi lögunum …

Ef að mansal væri mikið vandamál á Íslandi, væri þá ekki búið að ákæra og sakfella einhvern fyrir það?

Og ef ekki, væri þá ekki réttast að byrja á því að framfylgja núverandi lögum sem banna þrælahald og nauðung? Ná og refsa glæpamönnunum áður en þeir hverfa á undraverðan hátt við fyrirhugaða lagasetningu?

Eða getur verið að þetta sé ekki vandamál á Íslandi nema í hugarheimi nokkurra femínista í leit að vindmyllum?

Haukur (IP-tala skráð) 20.3.2009 kl. 01:46
Smámynd: Vésteinn Valgarðsson

Það er ekki hægt að uppræta afleiðingar feðraveldis og stéttaskiptingar án þess að uppræta feðraveldi og stéttaskiptingu. Vændi verður ekki upprætt með lagasetningu. Bylting mundi skila okkur meira í áttina að upprætingu þess.

Vésteinn Valgarðsson, 20.3.2009 kl. 02:02
Smámynd: Eva Hauksdóttir

Haukur, þótt þetta sé góð spurning er ég hrædd um að svarið sé nei, það að enginn hafi verið ákærður og sakfelldur er engin sönnun þess að slíkt viðgangist ekki hér. Íslenskur almenningur hefur nýverið gengið í gegnum fjárhagslega hópnauðgun og enginn hefur verið ákærður, hvað þá sakfelldur fyrir það.

Ég efast reyndar um að kynlífsánauð sé umfangsmikið vandamál á Íslandi en eflaust eru einhver dæmi um slík tilfelli. Ekki kæmi mér þó á óvart þótt íslenskir áriðlar stundi hálfþvinguð kynmök oftar en ekki í skjóli hjónabanda sem stofnað er til vegna neyðar konunnar (ok, það getur líka verið öfugt). Það heitir nefnilega ekki mansal eða vændi að giftast til fjár eða til að flýja ömurlegt ástand í heimalandi sínu. Það heitir heldur ekki vændi að drekka sig útúr, fá gistingu hjá ókunnugum og endurgjalda greiðann með kynmökum. Það heitir ekki vændi að þakka fyrir drykk á veitingahúsi með sjortara á almenningsklósetti.

Kynferðislegar athafnir flokkast því aðeins sem vændi að að þeim sé staðið á vitrænan hátt, öryggisreglur viðhafðar og samið fyrirfram um endurgjald sem gerir seljanda þjónustunnar mögulegt að halda virðingu sinni.

Eva Hauksdóttir, 20.3.2009 kl. 08:11
identicon

Þessi fyrirhugaða lagabreyting er slæm og merkilegt hvað sumir (róttækir) feministar hoppa á populismavagninn gagnrýnislaust.

Í Svíþjóð hefur verið stanslaus umræða um um sænsku vændislöggjöfina síðan henni var hrint í framkvæmd og gegnum sneitt eru þeir sem hafa rannsakað málið af alvöru á móti þessum lögum, enda geri þessi lög slæmt ástand verra. Má þar m.a. nefna talsmenn lögreglunnar í Svíþjóð auk bæði Susanne Dodillet ogPetra Östergren sem hafa sjálfar rannsakað kynlífiðnaðinn af fagmennsku, án upphrópana og fordóma.

Hin norska Liv Jessen sem m.a. hefur fengið verðlaun frá Amnestyfyrir starf sitt fyrir réttindum starfsfólks í kynlífsiðaði hefur sömu skoðanir en því miður hefur ekki verið hlustað á hana í Noregi, neitt frekar en Östergren og Dodillet í Svíþjóð. Það er ekki til eftirbreytni.

Þessar konur hafa rannsakað klám- og kynlífsiðnaðinn, ólíkt skrifstofufeministunum sem koma beint úr háskólaumhverfinu og hafa aldrei komist nær klámi og kynlífsiðnaði en með lestri vandlætisbókmennta eftir karlahatara í stíl við Andreu sálugu Dworkin og þess háttar.

Hins vegar er merkilegt hvað margir (feministar) virðast misskilja pistil Evu hér að ofan. Hún er hvergi að hverja til mansals, vændis eða ofbeldis gagnvart konum. Það er hins vegar til önnur rödd, eins og Eva bendir á. Það er rödd þeirra sem starfa í kynlífsiðnaðinum og gera það án þvingunar. Slík sjónarmið má til dæmis lesa hér.

Vegna siðferðisviðhorfa í okkar „opna vestræna þjóðfélagi“ á þessi rödd hins vegar oftar en ekki erfitt uppdráttar. Margir hafa bent á, meðal annars bæði Östergren og Dodillet, að sænsku vændislögin og barátta sumra (róttækra) feminista gegn klámi og kynlífsiðnaðinum almennt auki enn frekar á vandann með kerfisbundinni niðurlægingu þeirra sem þar vinna að fúsum og frjálsum vinna.

Víðir Ragnarsson (IP-tala skráð) 20.3.2009 kl. 10:36
identicon

Smá innlegg frá hórkarli sem á 6 börn. Það verður gaman fyrir þau að frétta að pabbi þeirra sé á Litla Hrauni vegna þess að hann lagðist með konu og borgaði henni fyrir. Auðvitað á ég ekki að gera slíka hluti, halda mig bara við mína dauðu kellu og rúnka mér sjálfur. Fæða mína kellu og klæða „ókeypis“ En heyrði þó fína hugmynd frá Noregi. Þar voru sett svona lög og nú streyma konur og karlar í hópferðum til Afríku, Gabon og riðlast á þarlendum t.d. í 1 – 2 vikur. Ódýrt og gott. Allt auðvitað löglegt og ferðafólkið skilur eftir sig heil mikinn pening í landinu. Eru ekki enn auðar íbúðir á Keflavíkurflugvelli. Auðvitað á að girða þær af og setja þar upp fríríki sem héti t.d. „Sex City“ Big business, if you cant beat them, join them !

Öddi (IP-tala skráð) 22.3.2009 kl. 15:13

Lokað er á athugasemdir.

Kyndillinn

Eva um kyn og klám

Deildu færslunni

One thought on “Snilldaraðgerð”