Ég held að kynjakvótar séu almennt afleit aðferð til þess að jafna kynjahlutföll, einkum í stjórnmálum og sú hugmynd að taka upp kynjakvóta á Alþingi stríðir beinlínis gegn lýðræðinu. Halda áfram að lesa
Greinasafn fyrir merki: Stjórnlagaþing
Rasisti býður sig fram til Stjórnlagaþings
Þessi segist hreint út vera á móti fjölmenningu. Ég kýs ekki fólk til stjórnlagaþings en ef yrði boðið upp á þann möguleika að kjósa fólk sem EKKI fengi inngöngu, þá tæki ég þátt. Það eru takmörk fyrir því hversu mannfjandssamleg viðhorf er hægt að láta vaða uppi í samfélagi sem maður hefur sagt skilið við.
Samkvæmt þessum málflutningi hlýtur að vera rökrétt að svipta þá ríkisborgararétti sem brjóta lög og semja sig ekki að siðvenjum þjóðarinnar, hvað sem það nú þýðir. Svo maður tali nú um íslenskukunnáttuna. Pant taka að mér meta það hvaða fjölmiðlamenn verði fyrst sviptir ríkisborgararétti.
Stjórnlagaþingsframbjóðandi um aðskilnað ríkis og kirkju
Jóhanna Heiðdal Sigurðardóttir, frambjóðandi til Stjórnlagaþings, vill hafa hina evangelísk- lúthersku kirkju sem Þjóðkirkju. Hún vill ekki aðskilja ríki og kirkju, því hún vill geta haldið jól og páska og að fólk eigi þess kost að láta skíra börn og ferma.
Þetta er skarplega athugað hjá Jóhönnu. Í öðrum löndum þar sem ríki og kirkja eru aðskilin eru engin jól eða páskar og ekki eru börn skírð og fermd. Við þetta má bæta að jarðarfarir voru lagðar niður um leið og skírnir og fermingjar, páska og jól, í þeim ríkjum sem hafa aðskilið ríki og kirkju.
Í Þýskalandi er ástandið svo slæmt að þar hefur enginn verið jarðaður síðan 1918. Enda er lyktin orðin svakaleg.
Uppfært:
Tengillinn hér að ofan tengir ekki lengur á stefnu Jóhönnu en hér má lesa fulla tilvitnun.