 |
Rúður brotnar |
Ég hef verið viðstödd mótmælaaðgerð þar sem reiðin magnaðist og að því kom að einhver missti stjórn á sér.
Þetta var ekkert í þá veru.
Við höfðum ákveðið að fara inn í Fjármálaeftirlitið en komum að læstum dyrum. Eggjum var kastað í húsið, og án þess að nokkur væri neitt nálægt því að að fara á límingunum, var húsið opnað. Eftir það gengum við rólega burt.
Skilaboðin eru skýr: Ef við ætlum okkur inn, þá förum við inn. Þeir sem settu okkur á hausinn með afglöpum sínum geta ekki falið sig bak við læstar dyr. Það eina sem þeir geta gert til að forðast að vera bornir út, er að fara sjálir. Það gerði Tryggvi Jónsson og nú mæli ég með því að Jón Sigurðsson verði næstur.
———————————————————-
Jón Sigurðsson verður að fara og hann skal fara. Handónýtur.
Mótmælin eru að skila árangri. Tryggvi er að fara.
Eggert. (IP-tala skráð) 18.12.2008 kl. 12:13
———————————————————-
Þú og hin „ungmennin“ eigið heiður skilið!Ævar Rafn Kjartansson, 18.12.2008 kl. 12:21
———————————————————-
Tryggvi er (illa) farinn!
Þó fyrr hefði verið. Ég óttast þó mest að þessar ráðherra tilfærslur sem framundan eru, séu til þess eins gerðar að slá ryki í augu hins almenna borgara.
Slíkt má ekki gerast!
Verð í Rvk.föstud. 19.12.
Þráinn Jökull Elísson, 18.12.2008 kl. 12:27
———————————————————-
Sæl Eva
Frábært alveg hreint og stórkostlegt að fylgjast með ykkur, Tryggvi er farinn og ætti það að vera vakning fyrir þjóðina að þetta er hægt….
Persónulega langar mig að hitta þetta unga fólk og ver með, sérstaklega þarsem lögreglan einfaldlega sannar það þessa dagana að það gilda ekki sömu lög um alla…..ofbeldismenn ganga lausir mánuðum saman eftir að afplánun skal hefjast en sonur þinbn handtekinn nokkrum dögum eftir að sekt fellur, ekkert samræmi og trúverðugleiki(ógeðslegt orð) enginn….
Takk og Kveðja Gústi
Ágúst Már Garðarsson (IP-tala skráð) 18.12.2008 kl. 12:39
———————————————————-
Ég er ánægð með ykkur!! Vildi bara að ég hefði komist með ykkurHeiða B. Heiðars, 18.12.2008 kl. 13:49
———————————————————-
Ágúst Már, ég er í símaskránni og get komið þér í samband við aðgerðahópa. Þeir sem geta ekki tekið beinan þátt geta samt sem áður sýnt stuðning með ýmsu móti.Eva Hauksdóttir, 18.12.2008 kl. 15:13
———————————————————-
Ég er loksins byrjaður að trúa því að hægt að sé að breyta þessu moldbúa samfélagi hér og koma á siðmenntuðu kerfi sem byggir á pólitískri ábyrgð. Það mun ekki gerast á einni nóttu en það mun takast.
Ég styð aðgerðarsinna 100%
FLÓTTAMAÐURINN, 18.12.2008 kl. 18:08
———————————————————-
Fullur.
Þú getur sýnt stuðning á margvíslegan hátt. Ef þú ert á facebook geturðu gengið í hóp sem heitir ‘stuðningsmenn aðgerðasinna’. Sá hópur fær að vita um allar aðgerðir sem ég fæ vitneskju um og eru þess eðlis að það getur verið gott að hafa stuðningsmenn viðstadda. Einnig mun ég láta þann hóp vita af fundum þar sem verður kynnt hvers konar aðstoð þessir hópar þurfa.
Fólk sem ekki getur tekið beinan þátt getur t.d. verið bílstjórar, málað borða, sent út fréttatilkynningar, haldið utan um símanúmera- og netfangaskrá… Það er líka alltaf fínt ef fólk getur mætt á staðinn og staðið þá bara álengdar ef það vill ekki eða getur ekki tekið beinan þátt í einhverju sem gæti flokkast sem borgaraleg óhlýðni. Það er þá hægt að hrópa slagorð, syngja eða bara standa og horfa á. Ekki væri verra ef fullir kallar kæmu og röfluðu dálítið í löggunni, svona til að dreifa athyglinni.
Eva Hauksdóttir, 18.12.2008 kl. 18:11