Á Þorláksmessu stendur aðgerðahópurinn ‘Sveltum svínið’ fyrir aðgerð sem allir geta tekið þátt í, hvar sem þeir eru á landinu, óháð aldri, líkamsstyrk, hugrekki, samfélagsstöðu eða efnahag. Enginn lendir í hættu á að verða fyrir ónæði af hálfu lögreglu því við erum ekki að fara að gera neitt sem nálgast það að ögra ramma laganna. Við þurfum ekki einu sinni að láta aðra vita af því að við séum með í þessu ef við óttumst að verða fyrir tuði út af því. Meira að segja Jón Kjartan hlýtur að leggja forpokun sína gagnvart mótmælaaðgerðum til hliðar fyrir þessa aðgerð.
Við förum í Bónus á Þorláksmessu. Hvaða Bónussverslun sem er. Ekki með neina grímu og við getum farið eitt og eitt eða í hópum. Við semsagt fyllum búðirnar á annasamasta degi ársins, af fólki sem ætlar bara að skoða. Við getum stoppað í 20 mínútur eða allan daginn, eftir því hve mikinn tíma við höfum aflögu.
-Við röltum um í rólegheitum og tökum okkur góðan tíma til að skoða og mikið pláss.
-Við getum raðað í körfur, öllu sem við vildum kaupa ef eigendur verslunarinnar hefðu sómatilfinningu, og skilið þær svo eftir í gangveginum.
-Eða farið með fulla körfu að kassanum, hætt við að kaupa sumt eftir að búið er að slá það inn, hugsa sig svo um og hætta við að hætta við og þegar er búið að slá allt draslið inn, uppgötva þá að peningaveskið gleymdist úti í bíl.
-Þeir sem vilja geta óskað eftir að fá að ræða við verslunarstjóra til að kvarta yfir verðlaginu, verðmerkingum, því hvernig raðað er í hillurnar, því hve leiðinlegt sé að versla í mannþröng, eða bara því hve lógó fyrirtækisins sé ljótt. -Ef einhverjum finnst vara sem hann vill kaupa vera illa staðsett getur hann tekið að sér að laga uppröðuninai. T.d. að stafla vörum í miðju gangvegarins svo verði þægilegra að komast að þeim.
-Þeir sem eiga snarvitlaus börn geta tekið þau með sér og misst stjórn á þeim.
-Þeir sem þora ekki gera neitt sem gæti vakið óþægilegar spurningar hjá viðskiptavinum drullusokkafjölskyldunnar geta bara skoðað í hillurnar.
Ég veit að einhver mun tuða um að þetta bitni á viðskiptavinum. Það er allt í lagi. Fólkið sem er enn að versla við þetta drullusokkafyrirtæki þarf bara að lifa við það að þeir sem taka þátt í að halda því á lífi, mega eiga von á minniháttar truflun. Þessvegna er kannski þægilegra fyrir það fólk að versla bara annarsstaðar á Þorláksmessu.
Einhverjir munu líka tuða um að þetta bitni á starfsfólki, sem verði fram á nótt að tína upp úr körfum og þurfi að ganga í gegnum ergelsið við að stimpla inn vörur, bara til að ganga frá þeim aftur. Það er leitt að þurfa að ergja saklausa og ég mæli með því að allir sýni almennu starfsfólki almennilegheit, brosi og þakki fyrir sig og hrósi því fyrir þolinmæðina. Fólkið á kassanum og lagernum í Bónus fær áreiðanlega sjaldan þá viðurkenningu sem það á skiilð og því væri tilvalið að nýta Þorláksmessu til að staldra lengi við á kassanum og segja afgreiðslufólkinu í fullri einlægni hvað það sé leitt hve vanmetin störf þess séu og hvað við kunnum vel að meta þjónustu þess og þolinmæði. Það er þó bara einfaldlega þannig að réttlætiskröfur koma alltaf að einhverju leyti niður á saklausum. Verkföll eru skýrt dæmi um það og samt notum við það vopn. Það skaðar starfsfólk Bónuss ekkert þótt verði truflun á vinnu. Það er bögg, en þetta fólk þarf ekki að taka aukavinnu frekar en það vill og það missir ekki laun þótt sala verði undir væntingum. Reyndar væri best ef starfsfólkið vildi vera með í þessu. Það gæti t.d. unnið hægar en venulega, gleymt að slá inn nokkur núll og neitað að taka á sig aukavinnu.
Dreifið þessari hugmynd sem víðast, því eina leiðin til þess að auðmennirnir sem við héldum að væru að bæta hag heimilanna með lágu vöruverði, á meðan þeir voru í raun að undirbúa fjöldagjaldþrot meðal láglaunafólks, skilji að við erum ekki hrifin af því að láta hafa okkur að fíflum og hneppa okkur í fjötra fátæktar, er sú að skaða möguleika þeirra á gróða.
————————————————————–
Eva. Drullusokkafyrirtækið er ennþá ódýrasta verslunin í bænum…..hvernig tæklar maður það? Ég hef ekki efni á að versla annarsstaðar.
En þetta er fín hugmynd og spennandi að sjá hvernig hún virkar í framkvæmd. En er ein dagverslun feðganna ekki bara dropi í hafið?
Posted by: lindablinda | 19.12.2008 | 11:35:38
————————————————————–
Dropinn holar steininn.
Posted by: Steini | 19.12.2008 | 14:26:08
————————————————————–
Skemmtileg hugmynd!
Segðu mér samt hvar ég ætti að versla án þess að „drullusokksfjölskyldan“eða aðrir útræsar hagnist á því.
Ég biðst afsökunar einhverra hluta vegna er mér vel við Jóhannes í Bónus.
kjh
Posted by: kjh | 19.12.2008 | 17:05:39
————————————————————–
Við getum ekki komist algerlega hjá því að verla við drullusokka en við getum dregið verulega úr þeim viðskiptum.
Best er að draga úr neyslu, versla eins lítið og mögulegt er.
Versla við kaupmanninn á horninu. Það er dýrara en hann er þó allavega ekki búinn að ræna þig með einbeittum brotavilja. Ef ég neyðist til að fara í stórmarkað fer ég í Fjarðarkaup, ég veit allavega ekki til þess að eigendur þess fyrirtækis séu jafn óforskammaðir og Bónussfjölskyldan, þótt maður geti kannski ekki verið viss um neitt lengur.
Ég skil ekki það viðhorf að vilja versla við þessa þjófa bara af því að það er ódýrara. Mér finnst það svona álíka sniðugt og að búa með einhverjum sem er vondur við mann, bara til að vera ekki einn. Frekar vil ég lifa á hrísgrjónum eingöngu en að sjá eftir tíkalli í vasa Jóns Ásgeirs.
Posted by: Eva | 19.12.2008 | 18:07:15
————————————————————–
„Skilðig!, Eva“
Fjarðarkaup er góð verslun, mjög góð.
Hér fyrir norðan ættum við e.t.v. að gera innkaup okkar í Nettó. En hvaða mafía er þar að baki? Veit það ekki.
Ég ætla að viðurkenna að ég hrífst af mótmælum þeim, sem þú og félagar þínir iðkið í Rvk. Þið eruð að dansa á hárfínni línu án þess að til átaka komi. Meðan svo er eruð þið að ná árangri. Flott!
Viðhorf mín eru sem sagt að breytast. Spurning með viðhorf JKI. Gaman væri að heyra frá þeim snjalla pilti, húmorista, tónlistarmanni og hugsuði.
kjh
Posted by: kjh | 19.12.2008 | 21:50:17
————————————————————–
hér eru aldrei nein stórkaup gerð – svo það er ekki vandamálið.
Þarfað skoða þetta – því ég treysti ENGUM núorðið.
En ég verð fjarri góðu gamni, en ég verð farin til Danmerkur- gangi ykkur vel! Ég er ánægð með ykkur.
Posted by: lindablinda | 19.12.2008 | 23:10:33
————————————————————–
hér eru aldrei nein stórkaup gerð – svo það er ekki vandamálið.
Þarfað skoða þetta – því ég treysti ENGUM núorðið.
En ég verð fjarri góðu gamni, en ég verð farin til Danmerkur- gangi ykkur vel! Ég er ánægð með ykkur.
Posted by: lindablinda | 19.12.2008 | 23:10:55
————————————————————–
Þú ert nú meira hörkutólið Eva. Kannski maður skelli sér bara í Bónus. Ráðsett frúin ég. Kvur veit!
Posted by: Ragnhildur Karlsdóttir | 19.12.2008 | 23:13:56
————————————————————–
Hehe – ég er orðinn táknmynd fyrir fúla kallinn á móti mótmælunum og svo er ég stimplaður snjall, húmoristi og hugsuður – og þetta fæ ég á mig sama daginn! Bjútifúl!
En varðandi það hvar meður skyldi eiga að versla nýlenduvörur, þá hef ég aldrei heyrt nema gott eitt af Fjarðarkaupum – það er mitt fyrsta val. Nettó er partur af Samkaup, sem er að mér sýnist byggt á leifum af kaupfélögum (http://samkaup.is/Um_fyrirtaekid/Saga/) – og ég hef fátt útá þau að setja í samanburði við fjárgæframennina alla.
Krónan er partur af Norvik – Byko, Nóatún, Elko osfrv. Þekki ekki mikið til þar – Hannes Smára var giftur inní fjölskylduna bak við það, en að öðru leyti bara veit ég ekki hvort eitthvað fishy var í kringum það – en Hannes Smára tengingin dugar til að þessi keðja er fjarri því fyrsta val.
Eva – ég hef ekkert útá þessi plön að setja (svo fremi að það verði komið vel fram við starfsfólkið) en mun ekki taka þátt – verð í vinnunni. En þú? Er Nornabúðin ekki í gangi?Er ekki Þorláksmessu- og almenn jólatraffík? Ég vona að svo sé – og að mammon verði góður við þig og búðina þina.
Allavega – gangi ykkur vel með þetta brölt.
KJH – ég er nú bara svolítið forvitinn. Er almennt ekki kátur með að fólk sé að tjá sig nafnlaust, en það er erfiðara að vera foj útí einhvern sem talar svona fallega um mann 🙂 Held að mig langi samt ekkert til að vita hver þú ert – færi bara hjá mér ef ég rækist á þig 😉
Posted by: Jón Kjartan Ingólfsson | 19.12.2008 | 23:15:11
————————————————————–
Stórkostleg áætlun og mjög vel ígrunduð að trufla þá lægst launuðu við jólainnkaupin. Útrásarvíkingarnair og ríkisbubbarnir munu chilla í Nóatúni, Fjarðarkaupi og Haugkaupum á meðan láglaunalúðarnir munu hanga lon og don við kassana í Bónus. Auk þess mun þetta bitna á börnunum þeirra sem munu þurfa að bíða enn lengur en ella eftir foreldrum sínum sem vilja bara gera vel við börnin sín og gefa þeim eitthvað að borða á jólunum. Það er geinilega „góðir“ spekúlantar sem stýra ykkar aðgerðum eins og venjulega!!
Posted by: Guðrún | 20.12.2008 | 0:02:15
————————————————————–
JKI, veistu virkilega ekki hver kjh er? Við þekkjum hann bæði og hittumst öll á ákveðinni samkomu fyrir rúmu ári.
Posted by: Eva | 20.12.2008 | 0:07:48
————————————————————–
Já Guðrún. Álíka ‘spekúlantar’ eru líka á fullu í andspyrnustarfi á Indlandi. Þar hafa menn upprætt hverjar barnaþrælabúðirnar á fætur öðrum. Umhyggjusamt fólk eins og þú hefur hljóðað og veinað yfir þeim aðgerðum, því það eru nú þessir þrælahaldarar sem fæða blessuð börnin.
Posted by: Eva | 20.12.2008 | 0:21:49
————————————————————–
JKI!
E.t.v. er ekki rétt að við séum að nota vef nornarinnar „grimmúðlegu“ til að spjalla okkar á milli en hint vil ég gefa:
Ég hef búið bæði fyrir neðan þig og ofan og tíkin hvíta hét Donna.
Ekki orð um það meir.
kjh
Posted by: kjh | 20.12.2008 | 0:22:16
————————————————————–
Bíddu góða, ertu að líkja mér við barnaþrælahaldara??? Held það séu nú allt aðrar forsendur á Indlandi þó þær séu ekki góðar hér. Þú ert að skemma fyrir fólki sem vill mótmæla á heiðarlegan og friðsamlegan hátt og ferð kolrangar leiðir, þú hlýtur að hafa séð viðbrögðin við „aðgerðum þínum“ við stjórnarráðið um daginn. Vil benda þér á Friðarlogann!!
Jóla og friðarkveðja, Guðrún
Posted by: Guðrún | 20.12.2008 | 1:01:20
————————————————————–
Má ég?
Viðbrögð Evu gagnvart orðum Guðrúnar eru ósanngjörn að mínu viti. Samanburður við Indland, á þennan hátt, er óviðeigandi. Ég stið því málstað Guðrúnar í þessu.
Hins vegar er ég ósammála Guðrúnu varðandi gjörninginn við STjr. um daginn. Hann var snilld.
kjh
Posted by: kjh | 20.12.2008 | 1:17:23
————————————————————–
Hvað er næst ?
Fylla nornabúðina af mótmælendum sem ekki kaupa neitt ?
Heimskuleg hugmynd !
Posted by: … | 20.12.2008 | 1:19:47
————————————————————–
Frábær hugmynd!
Kemst því miður ekki sjálfur en sendi ættingja mína í stað mín.
Þetta er húmor, ekki satt, Eva? Þetta er húmor.
kjh
Posted by: kjh | 20.12.2008 | 1:29:28
————————————————————–
eva og kjh – kveikti á endanum. Stundum tekur það svolítinn tíma 🙂
Posted by: jón Kjartan Ingólfsson | 20.12.2008 | 2:32:46
————————————————————–
Ef ég má aðeins benda á hið augljósa..
Þeir sem ætla sér að versla í Bónus fyrir jólinn hafa til þess laugardag, sunnudag og mánudag.
Og þá er hægt að mótmæla á Þorláksmessu án þess að nokkur deyji úr hungri í langri röð mótmælenda.
Það er ekki eins og þetta séu skærumótmæli.
Posted by: Rakel | 20.12.2008 | 2:40:37
————————————————————–
OK
KRON
kaupfélag Rvk og nágrennis.
það var einusinni. man það einhver? ég man það.
eitt fer og annað kemur.
góð mótmæli hjá ykkur og ykkur fer fram í skipulagi. halda mönnum viö efnið. verst að allir tapa í stríði.
mér finnst þið ekki fá nógu mikla umfjöllun.
einn hvítur silki jöklafáni með hvítri álft fjöður kemur með vorinu.
ég veit um marga sem hefðu viljað koma en fá engar upplýsingar um hvert á að mæta ég hef bent á þessa síðu.. eða er einhver önnursíða?
Posted by: gard | 20.12.2008 | 3:29:51
————————————————————–
Nei Guðrún ég er ekki að líkja þér við barnaþrælahaldara. Ég er að líkja þér við það þröngsýna fólk sem heldur að þeir ógeðsleppir séu velgjörðamenn fátækra barna.
Posted by: Eva | 20.12.2008 | 9:14:25
————————————————————–
Já nafnlausi maður, það væri mjög heimskulegt að halda uppi mótmælum gagnvart smáfyrirtæki sem hefur ekki brotið á neinum og vill fyrir alla muni leiðrétta mistök hafi þau orðið.
Færi hinsvegar svo að Nornabúðarveldið stæli milljörðum af saklausu fólki, þá yrði jafn heimskulegt að láta mig komast upp með það.
Posted by: Eva | 20.12.2008 | 9:20:17
————————————————————–
Nei kjh, þetta er enginn húmor. Ég hef satt að segja engan húmor fyrir því að láta ræna mig svo nú vil ég bara losna við þessa þjófa úr íslensku viðskiptalífi.
Það er hinsvegar alveg sjálfsagt mál að hafa gaman af aðgerðinni og gæða hana húmor. Það mætti t.d. efna til innanbúðaríþróttamóts í einhverri af verslunum Bónuss. Keppa í innkaupakörfuakstri, stökki yfir vörubretti, innanhússeggjakasti…
Posted by: Eva | 20.12.2008 | 9:28:07
————————————————————–
Góð hugmynd Eva. Og hér eru rök fyrir því að taka þátt.
Sindri SIndrason, fréttamaður á Stöð 2 tók viðtal við eiganda sinn, Jóhannes Jónsson kenndur við Bónus, á föstudagskvöldið 19. des. en þann dag voru Hagar (eigendur Bónus) sektaðir um 315 milljónir af Samkeppniseftirlitinu vegna markaðsmisnotkunar. Tónn fréttarinnar var “sektaður fyrir lágt verð”. Húsbóndahollur fréttamaður með afbrigðum. Ég hélt í einfeldni minni að íslenskir fréttamenn hefðu lært eitthvað af bankahruni, þjóðargjaldþroti, hlutabréfasvikum og ritskoðun auðmanna á fjölmiðlum sbr. afhjúpun Reynis Traustasonar. Nei, hreint ekki. Rýnum í fréttina:
Inngangur fréttarinnar hjá Sindra er svona og segir hann orðrétt: “Rannsóknin beindist í upphafi að of hárri álagningu á matvörumarkaði að kröfu ýmissa aðila. Niðurstaðan er ákvörðun um samkeppnislagabrot vegna þess að verðið er of lágt í bónus.”
Það er með ólíkindum rangfærslurnar í þessum tveimur setningum. Ef Sindri hefði farið á vefinn hjá Samkeppniseftirlitinu, http://www.samkeppni.is, (hefði tekið 5 mínútur) þá hefði hann getað lesið að verið er að sakfella fyrir brot á 11. gr. samkeppnislaga sem fjallar um undirverðlagningu. Hefur ekkert með of háa álagningu að gera og þetta má lesa strax í upphafi á vefnum. Það er samt svo merkilegt, kaldhæðnir myndu kalla það tilviljun, að vörn Haga byggir einmitt á því að reyna að spyrða saman annað mál sem Samkeppniseftirlitið er að skoða sem hefst þó ekki fyrr en árið 2007 þar sem rannsakað er hvort Hagar og fleiri hafi haft með sér ólögmætt verðsamráð (enn í gangi). Það er því líklegt að Sindri hafi fengið þessar upplýsingar beint frá viðmælanda sínum en gerir þau að sínum í fréttinni. Alvarleg afglöp fréttamanns og sérstaklega í ljósi þess að mjög einfallt var að afla réttra upplýsinga.
Síðan segir Sindri í seinni setningunni að ákvörðunin sé „vegna samkeppnislagabrots vegna þess að verðið er of lágt í Bónus“. Er maðurinn að djóka? Það er alveg ljóst skv. vef Samkeppniseftirlitsins að verið er að sekta fyrir undirboð árið 2005 í verðstríðinu fræga en ekki fyrir það að verð sé of lágt. Ég spyr hverra hagsmuna er Sindri að gæta. Baugsfeðga eða almennings?
Síðar í fréttinni hefur SIndri síðan eftir Jóhannesi að þeir séu ekki markaðsráðandi og kemur síðan með algera þvælu um skilgreiningu á markaði þeim sem Hagar keppa á. Ef Sindri hefði unnið fréttina með heill almennings í huga þá hefði hann átt að lesa á fyrrgreindum vef Samkeppniseftirlitsins skilgreiningu á markaðnum sem Hagar starfa á og tengist þessu máli. En hann nennti þvi ekki eða hvað? Þar er þetta mjög vel skilgreint og fer ekkert á milli mála að Hagar eru með markaðsráðandi stöðu. 50% á landinu öllu og 60% á höfuðborgarsvæðinu.
Það er búið að beita svona fréttamennsku á okkur Íslendinga núna í næstum áratug með skelfilegum afleiðingum. Og við höldum enn áfram að kokgleypa. Auðvitað voru Hagar ekki sektaðir fyrir að bjóða lágt verð eins og Stöð 2 reyndi lymskulega að lauma að okkur áhorfendum. Það er alkunna í lögum flestra siðaðra landa að markaðsráðandi fyrirtækjum er óheimilt að bjóða verð undir kostnaðarverði. Þetta er í lögum á Íslandi og víðar. Og eftir þeim lögum voru þeir sektaðir. Ástæðan er einföld. Markaðsráðandi fyrirtæki mega ekki hindra að nýir aðilar komist inn á markaðinn eða reyna að bola keppinautum af markaði í skjóli markaðsráðandi stöðu.
Það er síðan alveg frábært þegar Íslendingar mæra Jóhannes og Jón Ásgeir fyrir að hafa lækkað vöruverð. Jú, þeir gerðu það á sínum tíma (fyrir 20 árum) en verja nú stöðu sína með undirverðlagningu svo aðrir geri ekki það sama. Og hafa tekið allan sparnaðinn til baka og og rúmlega það. Núna síðast með því að taka þátt í svikamillum sem skuldsettu Íslendinga um þúsundir milljarða en arðurinn sat eftir í vasa þeirra. Hversu einfaldir geta Íslendingar verið?
Og alltaf dubba þeir Jóhannes upp í píslarvottahlutverkið þegar slæmar fréttir berast. Þar grenjar hann yfir því hvað allir eru vondir við fjölskylduna. Síðan kastar hann einhverjum milljónum til hjartveikra barna sem hann fær úr pokasjóði sem btw fær sína peninga frá kaupum okkar allra á pokum úr hinum ýmsu verslunum (ekki bara Baugsbúðum). Og alltaf kaupir landinn þvæluna og heldur áfram að styrkja hyskið. Íslendingum er ekki viðbjargandi.
Ég hætti endanlega að versla við Bónus þegar framkvæmdastjóri félagsins, Guðmundur Marteinsson, kom fram í fréttum fljótlega eftir bankahrunið og lýsti því yfir að fólk ætti að hamstra vörur því vöruskortur væri yfirvofandi. Þetta var á föstudegi í október síðastliðnum. Á laugardeginum, daginn eftir, voru sömu skilaboð í auglýsingum frá Bónus. Þetta var því úthugsað trikk til að plata almenning. Búðirnar fylltust af örvæntingarfullu fólki og tæmdust af vörum. Á sama tíma hækkuðu þeir verð og tóku af tilboð eins og þeir gera alltaf á föstudögum. Siðlaust.
Enn hefur ekki orðið vart við vöruskort enda voru þeir fljótir að fylla búðirnar aftur af vörum. Nei, þetta var viðbjóðslegt og siðlaust trikk og markmiðið var að fá ódýra auglýsingu í ljósi ástandsins og seilast dýpra í vasa almennings og skapa óöryggi og ótta. Þetta siðlausa markaðstrikk gerði útslagið fyrir mig og síðan hef ég ekið marga kílómetra til að fara í aðra lágvöruverslun og lagt hart að stórfjölskyldunni að gera það sama með góðum árangri. Ég viðurkenni þó að hafa gleymt að kaupa gúrku um daginn og stalst til að kaupa hana í Bónus. Ég er enn með í maganum yfir því. Gott á mig.
Posted by: sulan | 20.12.2008 | 10:19:16
————————————————————–
Sæl/l Sulan.
Já, e.t.v. er það gott á þig að kaupa gúrku í Bónus því trúlega hefur þú sparað nokkrar krónur um leið. Gúrkan er nefnilega ódýrust einmitt þar.
Jóhannes í Bónus hefur gert meira fyrir launþega landsins en nokkur annar varðandi lækkun vöruverðs. Hann er minn maður þótt ég skrifi ekki upp á bröltið á syninum.
Grein þin er annars góð. Full löng en … góð.
kjh
Posted by: kjh | 20.12.2008 | 22:11:32
————————————————————–
Mér finnst þessi hugmynd ekki til þessa fallin að gera neitt annað en að ergja þá fjölmörgu sem flykkjast í Bónus til að versla óýrt núna þegar fara verður vel með hverja krónu.
Viðskiptavinir Bónus hafa ekkert til saka unnið svo ég viti, nema það helst að vilja versla ódýrt.
Það er margt sem fólk reynir að gera til að vekja á sér athygli þessa dagana.
Posted by: Hólmfríður Bjarnadóttir | 20.12.2008 | 23:27:47
————————————————————–
Ég hætti að versla í Bónus um leið og öll þessi mál komu upp og þegar Bónus kom því á kreik að búast mætti við vöruþurrð fljótlega og vissara væri að hamstra, þá fannst mér vera einhver skítalykt (fyrirgefið orðbragðið ) af því og hef verslað í Krónunni síðan. Kannski er Krónan líka gjörspillt- ekki veit ég það svo gjörla. En, það er sko ekki auðvelt að vera til á Íslandi í dag þar sem spillingin felur sig glottandi í öllum hornum.
Ég sendi þér góðar kveðjur,
Posted by: Ragna | 21.12.2008 | 0:31:05
————————————————————–
Nú ætlar Sollenberger að opna lágvöruverslun á Íslandi. Hvaða lykt er af því?
Ég segi „verði honum að góðu og mér líka“.
Ef hann fer niður fyrir Bónus í verði þá mun ég versla við hann. Þá er ég ekki að tala um 1-kr. mun eins og Krónan stundar.
Bónus er mín verlsun og verður meðan verðið er hagstæðast þar. Skítt með spillingu. Ég hef ekki efni á hugsjónafórnarkostnaði.
kjh
Posted by: kjh | 21.12.2008 | 0:42:01
————————————————————–
Skamm bara kjh. Það ber ekki vott um mikinn sjálfsaga að geta ekki skorið niður í heimilisrekstrinum sem svarar þeim hundraðkallamuni sem er á innkaupakerrunni í Krónunni og hjá svínabúðinni.
Ég er reyndar löngu hætt að fóðra svínið sjálf en ég hef líka þá hugsjón að svelta ríkissjóð og kaupi þessvegna eins lítið og ég kemst upp með. Ég er búin að missa 2,5 kg á 6 vikum, bara vegna þess að ég hef ekki borðað meira en ég þarf og ekki keypt smjör, kex og annan óþarfa. Það er lítil fórn að sýna ponkulitla staðfestu gegn þeim sem eru að níðast á manni og ég get vel fórnað nokkrum kílóum af spiki til að forðast að rétta ríkisstjórninni fé til að valsa með.
Ég mæli ekki með því að fólk svelti sig til óbóta en ef þú mátt við að missa 2-3 kg, verslaðu þá við einhvern sem hefur ekki rænt niðja þína í marga ættliði möguleikum á fjárhagslegu sjálfstæði. Og ef þú hefur ekki efni á því að borga 200 kalli meira fyrir körfuna í Krónunni, éttu þá bara minna. Þér er í alvöru talað engin vorkunn þótt þú fáir ekki sósu með kjötfarsinu og grjónagrautur er miklu ódýrari en bónussgrísalundir.
Posted by: Eva | 21.12.2008 | 1:23:33
————————————————————–
Eva.
Hvernig á maður að svara svona nagla eins og þér? Er það hægt?
Ef þú hefur misst 2,5kg þá ætti ég að missa a.m.k. 10kg af mínum skrokki til að standast þér snúning. það er öll bumban og heil rasskinn að auki!
Ég ætla áfram að versla í Bónus og jólamatinn ætla ég að kaupa í Hagkaup (andabringur).
Vertu dugleg að borða því við höfum ekki efni á að missa meira af þér.
kjh
Posted by: kjh | 21.12.2008 | 1:45:38
————————————————————–
Ertu bara ekki svona reið út í þá Baugsfeðga af því að þeir vildu ekki hafa þig í vinnu?
Posted by: j.a. | 21.12.2008 | 4:47:23
————————————————————–
Ég hef reyndar aldrei sótt um vinnu hjá Baugi en ef ég ynni þar núna myndi ég nýta þá aðstöðu mína til að ná fram ofurlitlu brotabroti af réttlæti.
Posted by: Eva | 21.12.2008 | 10:04:21
————————————————————–
Ég vona að öndin bragðist vel kjh allt til síðasta bita.
En nú legg ég svo á og mæli um að þegar þú kyngir þeim síðasta, læðist að þér sú hugsun að líklega muni peningarnir sem þú greiddir fyrir öndina, verða notaðir til þess að borga ráðgjöfum útrásarvíkinganna, þessum sem fundu út að það væri góður bissniss að láta viðskiptavini bera skaðann af stærsta gjaldþroti Íslandssögunnar.
Posted by: Eva | 21.12.2008 | 11:24:14
————————————————————–
Svona mótmæli eru bara til þess fallin að skapa gremju og reiði meðal almennings. Heldurðu virkilega Eva að svona mótmæli fái hljómgrunn meðal fólksins í landinu?
Svona mótmæli bitna fyrst og fremst á almenningi, almenningnum sem hefur það frjálsa val um hvar það verslar og starfsfólki verslunarinnar sem hefur ekkert sér til sakar unnið nema vinna fyrir sér og fjölskyldum sínum.
Ég er viss um það Eva að þú værir ekki sátt ef hópur fólks kæmi inn í litlu Nornabúðina þína og legði hana í rúst.
Posted by: Halldóra Hermannsdóttir | 21.12.2008 | 22:42:00
————————————————————–
Auðvitað yrði ég ekki sátt við það. Ég á það ekkert skilið. Það á Bónusgrísinn hinsvegar.
Það er með ólíkindum að til skuli vera fólk sem sér ekki muninn á einyrkja sem rekur smáfyrirtæki og mafíuveldi sem fyrir utan það að eiga meira en 50% markaðshlutdeild á matvörumarkaðnum og vald til að stjórna pólitíkusum, embættismönnum og fjölmiðlum, hikar ekki við að falsa verðgildi fyrirtækja með þeim afleiðingum að viðskiptavinir þeirra sitja uppi með skuldabagga sem mun taka marga ættliði að greiða upp.
Ætlar íslenskur almenningur bara að sætta sig við framferði þessara manna?
Posted by: Eva | 22.12.2008 | 0:04:55
————————————————————–
Hörmung að sjá komment eins og frá henni Halldóru. Maður er kjaftstopp. Það ætti að vera öllu normal fólki augljóst að verið er að mótmæla mönnum sem skuldsettu þjóðina með svikamillu þar sem verðgildi fyrirtækja var blásið upp í viðskiptum tengdra aðila.
Loftbólueignin var síðan skuldsett til að halda keðjunni áfram þangað til bólan sprakk. Og almenningur og venjuleg fyrirtæki í landinu blæða.
Og síðan koma svona komment eins og frá henni Halldóru. Því miður er þessu fólki ekki viðbjargandi og því miður eru þúsundir svona meðvirkra einstaklinga á stjái hér í þessu þjóðfélagi. Þess vegna lagast ástandið ekkert. Sama liðið valsar um rústirnar og týnir upp bestu bitana og lætur afskrifa af sér skuldirnar.
Valdaöflin í landinu, hvort sem um er að ræða stjórnmálamenn eða auðmenn, þakka guði á hverjum degi fyrir fólk eins og Hólmfríði, kjh, j.a og Halldóru.
Posted by: sulan | 22.12.2008 | 0:16:13
————————————————————–
Ég gæti ekki verið meira sammála síðasta ræðumanni.
Posted by: anna | 22.12.2008 | 2:58:13
————————————————————–
Er svínið, baugurinn eða baukurinn að setja hér met í tjásulegum færslum.
bónusfánin er semsagt ennþá flags-andi í hugum, hang-andi fyrir augum á húsi alþingis.
–hálf draugs-legur andi í alþingi.
Posted by: gard | 22.12.2008 | 15:26:09
————————————————————–
Sulan, Anna og aðrir adsvíningar!
Merkilegt að lesa svör ykkar við eðlilegri gagnrýni okkar, sem gleypum ekki við öllum misgóðum hugmyndum ykkar (jafnvel bulli).
Þið leggist strax í vörn, líkt og þið trúið ekki als kostar á málstaðinn. Og reynið síðan að gera lítið úr þeim, sem eru ykkur ekki sammála.
Standið frekar keik og stolt og svarið með rökum.
Hver er sannfæringin á bak við eldmóðinn? Ef hún er ekki til staðar þá má flokka aðgerir ykkar sem fíflaskap.
Þakkið fyrir að ég, Hólmfríður, Halldóra o.fl. nennum að skiptast á skoðunum við ykkur á jafnréttis grundvelli.
Kveðja,
kjh
Posted by: kjh | 22.12.2008 | 17:01:28
————————————————————–
Það er reyndar erfitt að ímynda sér að maður sé að tala við jafningja þegar um er að ræða manneskju sem sér ekki muninn á Nornabúðinni og Bónus.
Leiðin sem Eva stingur uppá er í senn friðsamleg, frumleg og framkvæmanleg. Það mun engin slasast, það verður ekkert brotið. Þar að auki eru þessi mótmæli einungis tímavél nokkra mánuði fram í tímann. Það styttist óðum í að margir munu einfaldlega fá synjun á kortin og neyðast til að skilja matinn eftir – í pokum – sem er helmingi leiðinlegra að tína uppúr fyrir starfsfólk.
Þetta eru ekki skærumótmæli, þau eru auglýst með góðum fyrirvara svo fólk sem vill kaupa jólamatinn í Bónus hefur haft nægan tíma til að klára málið.
Hvað almenning varðar. Ef almenningur vill ekki taka þátt í þessum mótmælum, þá gerir hann það ekki. Ef einn og einn gerir þetta, þá mun það engu breyta fyrir starfsfólk eða viðskiptavini. Ef almenningur vill hinsvegar taka þátt, þá verður sennilega ekki verandi í Bónus búð á Þorláksmessu, eitthvað sem við þurfum einfaldlega ekki að óttast ef meirihluti fólks er á móti þessu svo málið er dautt og ekki orðum í það eyðandi.
Fyrir þá sem ekki vita það, þá eru actually til aðrar verslanir en Bónus á þessu landi og það sem meira er.. þær verða allar opnar á Þorláksmessu.
Ég sé einfaldlega ekki vandamálið.
Sjálf er ég búin að versla matinn fyrir jólin og gerði það í dag með bros á vör.. í Fjarðarkaup.
Posted by: anna | 22.12.2008 | 22:05:25
————————————————————–
Takk Anna.
Þetta er gott svar.
Ég styð mótmælin og dáist að þeim, sem taka þátt í þeim af heillyndum. Ég er enda tilbúinn að skrifa upp á flest sem gert hefur verið, hingað til.
Eva er frumleg og virðist friðsöm en ég óttast „húllarana“ sem fylgja með í hópnum. Hættan er að þeir skemmi aðgerðir með því að beini athyglinni að hegðun sinni fremur en málefninu.
Nornabúðin er miklu merkilegri en Bónus, svo það sé á hreinu. Hún er ein sinnar tegundar.
Kveðja,
kjh
Posted by: kjh | 22.12.2008 | 22:35:07
————————————————————–
Þið mæðginin þjáist greinilega af athyglissýki á hæsta stigi. Engin lifandi Íslendingur hefur gert meira fyrir láglaunafólk en Jóhannes í Bónus. hann á minn stuðning.
Kveðja,
Posted by: Hrafnkell | 23.12.2008 | 13:56:43
————————————————————–
Það eru einkennilegar velgjörðir við láglaunafólk að klína á það skuldum sem það hefur aldrei samþykkt að taka á sig.
Síðustu daga hef ég öðlast nýjan skilning á hugtakinu meðvirkni.
Posted by: Eva | 24.12.2008 | 1:14:10
————————————————————–
Tjásur af moggabloggi
já, sérlega sniðugt, sérstaklega í ljósi þess að það fólk sem verslar í Bónus er yfirleitt það fólk sem hefur hvað minnst á milli handanna. Um að gera að níðast á einstæðu foreldrunum og öryrkjunum sem fara í búðina á Þorlák. Hvernig vogar þetta fólk sér að versla í búðum þar sem verðið er lægst?
Liberal, 19.12.2008 kl. 10:28
————————————————————–
Versla ekki lengur í Bónus en hvar fæ ég Sverðfisk fyrir kvöldið?
askrilar@gmail.com
Ásgeir Kristinn Lárusson, 19.12.2008 kl. 10:33
————————————————————–
Þið eruð verri en leikskólakrakkar! Láta einhvern svona barnaskap bitna á almennum borgara? Hvað hafa þeir gert ykkur?
Hvernig væri að hugsa málið til enda? Þetta bitnar ekkert á þeim sem eiga verslunina að einhverjir sem eru ekki komnir upp úr leikskólaþroskanum séu að fíflast í vesluninni, það bitnar á þeim sem eru að versla þarna og engum öðrum!!!
Þið eruð svo sannarlega að sýna „rétta“ jólaandann.
Þið ættuð að skammast ykkar og finna ykkur eitthvað betra að gera, lesa einhverjar þroskandi bækur til dæmis.
Hneiksluð! (IP-tala skráð) 19.12.2008 kl. 12:06
————————————————————–
Þú gerir þér grein fyrir því að allar þessar Bónus aðgerðir kæmu niður á saklausu starfsfólki sem er ræður engu.Tinna (IP-tala skráð) 19.12.2008 kl. 12:58————————————————————–
Þið ætlið semsagt að gera eins og vörubílstjórarnir.. Fyrst voru allir með þeim svo allir á móti, því þeir létu sín mótmæli bitna á saklausum borgurum.
P.s. Hættið að brjóta og skemma þær aumu eigur okkar sem en eru til !!!
Frank (IP-tala skráð) 19.12.2008 kl. 13:07
————————————————————–
Púff.. mikið er nú ekki í lagi með ykkur.
Fáránlegasta tillaga af mótmælum sem ég hef heyrt. Endilega níðast á hinum almenna borgara …. skellið ykkur í lið með stjórnvöldum í því.
Skammist YKKAR
Sigríður (IP-tala skráð) 19.12.2008 kl. 13:22
————————————————————–
Ég var einmitt að velta því fyrir mér í gær hvort það væri einhver hætta á því að mótmælendur væru það skarpir að þeir myndu fara alveg á brúnina hvað varðar „samúð“ almennings. Þessi boðaða uppákoma svaraði þeirri spurningu minni alveg fullkomlega – mótmælendaskríllinn er við það að stúta sjálfum sér. Hjúkkit.Liberal, 19.12.2008 kl. 13:34————————————————————–
Eva Hauksdóttir þú ert flott.
Atvinnuleysið er að ná 10.000 manna markinu. Hrikalegt.
Hitti fólk í gær sem reiknar með því að það komi til með að svelta yfir jólin.
Eggert (IP-tala skráð) 19.12.2008 kl. 14:30
————————————————————–
Sigríður fyrst þér blösrka svona þessar hugmyndir, hvað hefur þú þá fram að færa sjálf? Er þér kannski sama um ástandið?Sylvía , 19.12.2008 kl. 15:00————————————————————–
Lengi tilheyrði ég hópi þeirra sem höfðu hvað minnst á milli handanna. Ég verslaði í Bónus og leit á Jóhannes sem sérlegan velgjörðamann minn.
Ég vissi ekki þá að þeir hinir sömu og gerðu mér fært að eiga afgang sem dugði fyrir nýjum nærbuxum, væru með annað plan á bak við tjöldin. Ég vissi ekki að þeir stæðu í skítabraski úti um allar jarðir og að launin mín til margra áratuga, hefðu verið veðsett fyrir tapinu.
Ef fólkið sem hefur minnst á milli handanna vill endilega halda áfram að kyssa vöndinn, þá kemur þessi aðgerð ekkert í veg fyrir það. Hún bara tefur dálítið fyrir og verður kannski til þess að þeir sem ætla að halda hollustu við Svínið, sinni jólainnkaupum daginn áður.
Eva Hauksdóttir, 19.12.2008 kl. 17:13
————————————————————–
wow núna er ég hneyksluð
að ráðast á saklaust fólk núna sem verslar í Bónus núna,?
er hætt að styðja ykkur
getið átt ykkur og þessi ömurlegu mótmæli ykkar, brjótandi rúður og getið ekki einu sinni tekið til eftir ykkur.
kristín (IP-tala skráð) 19.12.2008 kl. 17:55
————————————————————–
Það hefur enginn talað um að ráðast á fólk. Það er engin árás í því fólgin að fylla búðir af fólki sem mun ekki skilja eftir pening í kassanum.Eva Hauksdóttir, 19.12.2008 kl. 18:39————————————————————–
Þetta er nú meiri heimskan í ykkur! Þetta bitnar mest á saklausu fólki… eins og einhver nefndi, einstæðum mæðrum sem og öðrum sem ekki hafa mikið á milli handana og einfaldlega þurfa að versla í Bónus til að eiga fyrir því sem það þarf og svo starfsfólkinu…
Ég gef skít í svona vitleysinga eins og ykkur!! Það er nú bara komið svo að maður er bara orðin reiðari út í svona lið en þá sem komu okkur í þessa kreppu!
Sigrún (IP-tala skráð) 19.12.2008 kl. 19:12
————————————————————–
og til hvers?
hvað tilgangur er í því að vera að tefja hinn almenna borgara í því að undirbúa jólin? tefja saklaust starfsfólk bónuss í því að komast heim til sín? eins og þau þurfi ekki að þola nóg í þessari jólaverslunnar geðveiki sem er oftast svona „korter“ í jól?
en svona í alvöru? hafiði ekki hugsað þetta til enda? haldiði virkilega að það verði jón ásgeir og jóhannes sem verða þarna að tína uppúr körfunum eftir ykkur? think again! það verða þau sem eru þarna að vinna vinnuna sína.
hættiði þessum barnaskap og fariði bara heim til jón ásgeirs og jóhannesar ef þið eigið eitthvað vantalað við þá, látið almennan borgara og starfsfólk bónus í friði
Hólmfríður (IP-tala skráð) 19.12.2008 kl. 19:17
————————————————————–
Já, höldum endilega áfram að styrkja auðveldi Jóns Ásgeirs og fjölskyldu hans. Svörum ekki fyrir okkur, af því að þá verður einhver afgreiðslustúlkan beðin að vinna yfirvinnu og einhver mamman þarf að standa lengur í röð til að kaupa hangiket.
Ég tek til baka öll mín stóru orð um að hinn almenni launamaður eigi ekki skilið að missa eignir sínar og atvinnu vegna sýndarútrásar einhverra drulluhala. Sauðahjörðin fékk það sem hún átti skilið. Hún fékk þá stjórnmálamenn sem hún átti skilið að fá, þá embættismenn sem hún átti skilið að fá og þá viðskiptajöfra sem hún átti skilið að fá. Nú þegar sauðirnir sjá fram á að naga þurra mosaþúfu næstu hundrað árin eða svo, eru þeir greinilega tilbúnir til að kalla yfir sig meira af hinu góða.
Íslenska þjóð, ég hef skömm á þér. Þú átt skilið að svelta.
Eva Hauksdóttir, 19.12.2008 kl. 20:32
————————————————————–
Það er aldrei hægt að gera öllum til geðs mundu það þegar þú lest skammirnar hjá sumum þeim er hér skrifa, landar þínir sem fordæma þig fyrir skoðanir þínar.
Lifi málfrelsið! sama hvaða skoðun sem þú hefur!
28/318
Sigríður Bryndís Baldvinsdóttir (IP-tala skráð) 19.12.2008 kl. 21:34
————————————————————–
Hæ Eva. Þessir tuttugu sem eru á móti þessari aðgerð eru ekkert endilega þverskurðurinn af Íslensku þjóðinni. Það er til fullt af einstaklingum með snert af svokölluðu stokkhólmsheilkenni og þótt furðulegt megi teljast þá er fullt af öryrkjum, öldruðum og sjúkum sem kjósa alltaf Sjálfstæðisflokkinn, flokkinn sem traðkar yfir þetta fólk á skítugum skóm og hreykir sér af því. Haldið bara ykkar striki þó það séu einhverjir að belgja sig út hérna. Ég vil endilega að fólki sé bent á þær verslanir sem eru ekki í eigu umræddra aðila og man ég þá fyrst eftir Fjarðarkaupum. Ég verslaði mikið í versluninni Þingholt en þau ágætu hjón sem áttu þá búð lokuðu því miður daginn sem Bónus opnaði við hliðina á þeim. Man ekki einhver eftir fleiri verslunum sem tengjast ekkert efnahagshruninu?
Kveðja, Björgvin.
Skúmur , 19.12.2008 kl. 21:37
————————————————————–
Ég mótmæli þessari hugmynd ykkar. Ég er með spurningu til ykkar. Er í lagi að brjóta rúður eða aðrar eigur sem þið eigið? Ykkur virðist finnast það í lagi að brjóta hjá öðrum en má þá brjóta hjá ykkur? Má kannski bara brjóta rúður hjá fyrirtækjum, stofnunum eða fólki sem bendlað er við hrunið? Þarf viðkomandi að hafa ákveðnar tekjur svo hann eða þau finni sem minnst fyrir því? Ég bara spyr. Ég hef ekki séð neinn dæmdan fyrir þetta ástand sem nú er á Íslandi né hef ég fengið góðar sannanir fyrir því hverjum þetta er að kenna. Kannski er ég bara svona vitlaus en ég vil ekki dæma einhvern á þess að vera með sannanir fyrir því. Núna á einhver eftir að segja að ég sé á bandi ríkisstjórnarinnar vegna þess að ég er ekki sammála þeim en ég hef mínar skoðanir og á rétt á þeim. Ég hef líka rétt á að mótmæla en ég hef ekki rétt á að vera með skemmdarverk. Það má enginn brjóta upp hurðina mína, reyna ryðjast inn á mitt heimili eða brjóta mínar rúður og ég má það ekki heldur. Þetta er smá skot í sambandi við lögreglustöðina á Hverfisgötu. Af hverju takið þið ekki upp aðferðir Mahatma Gandhi?
Takk fyrir og vinsamlegast ekki framkvæma þessa aðgerð, gangið frekar í hús og safnið fyrir mæðrastyrksnefnd og kynnið ykkar mótmæli. Gleðileg jól.
Árni Pétur (IP-tala skráð) 19.12.2008 kl. 22:29
————————————————————–
flyttu þa bara eitthver til útlanda fyrst þér líður svona illa hérna, farið hefur fé betra, get ekki meira sagtHólmfríður (IP-tala skráð) 19.12.2008 kl. 22:32————————————————————–
Ef þið viljið ekki versla í Bónus, sleppið því þá. Ef aðrir vilja versla þar, leyfið þeim það. Djöfuls frekja að ætla að stjórna því hvar fólk gerir innkaup sín. Þú ert engu skárri en þeir pólitíkusar sem eru að ráðskast með þjóðina og peningana okkar!Edda (IP-tala skráð) 19.12.2008 kl. 22:47————————————————————–
Þið sem enn verslið í Bónus og haldið að þeir feðgar séu bara gúddí gæjar sem vilja öllum vel, VAKNIÐ og finnið skítalyktina.
ÞEIR ERU AÐ REYNA AÐ VEÐSETJA LANDIÐ OKKAR AFTUR!!!!!!!!!!!!!!!!!!!!!!!!!!!!!!!!!!
Það sem við höfum séð undanfarna 2 mánuði er rétt byrjunin á hörmungunum sem munu ríða yfir okku. Eftir áramót verður farið á fullum krafti í að sauma enn meira að okkur. Þið skuluð, og þið munið borga sukkveislurnar fyrir þessa drullusokka.
Við fáum að borga snekkjuna, þotuna, brúðkaupið, bílana og húsin sem þeir standa uppi með þó að við hin missum allar okkur eigur og vinnuna líka.
Eva, þetta er snilldarhugmynd og ég tók mér það bessaleyfi að copy/paste inná mitt blogg.
Haltu áfram að fá svona góðar hugmyndir, það fjölgar í mótmælendahópnum eftir áramót þegar fólk fer að sjá ljósið. Mundu að sannleikurinn er alltaf sannleikurinn, þó að maður sé sá eini sem sér hann.
Torfi Magnússon, 20.12.2008 kl. 00:06
————————————————————–
Þetta mun fyrst og fremst bitna á starfsfólki.
Ég hunsa frekar Bónus og verlsa í Krónunni.
Pálína (IP-tala skráð) 20.12.2008 kl. 00:18
————————————————————–
Mikið eigið þið bátt blessaða fólk hvað á þetta á þýða,mér finnst það ekki sniðugt ef maður fer að versla loka innkaup fyrir jólin að einhver tefur fyrir með asnagangi þrengslin eru næg í búðunum. Hvað myndir þú seiga Eva ef við kæmum inn í nornabúðina þín og færum að róta til íöllu opna kirnur og spilastokka og vera með yfirgang.Ég hugsa nú að þú værir farin að setja upp nornasvip.Þakka þér fyrir kveðjuna til þjóðarinnar ertu ekki ein að okkur Guð blessi þig og þína vonandi færðu ró og frið í jólagjöf að handan.Birna (IP-tala skráð) 20.12.2008 kl. 00:50————————————————————–
Starfsfólk gæti hæglega gert sér þetta auðvelt með því að spila með. Og helst að harðneita að vinna yfirvinnu. Þetta bitnar ekkert á starfsfólki nema það kjósi sjálft að taka þessu persónulega eða sýna þá þrælslund að vinna lengur en það ætlaði.
Og Hólmfríður, mér líður ekkert illa hér. Ég hef aldrei viljað búa annarrstaðar og það hvarflar ekki að mér að láta kreppukarlana gera mig landflótta. Hitt er svo annað mál að það getur vel verið að ég fari héðan ef þrælslund meirihlutans reynist á svo alvarlegu stigi að það verði engin leið fyrir okkur að halda í sjálfstæðið. Geldfé af þínu tagi getur þá jarmað upp í nýjan forystusauð, hver sem hann nú verður og beðið stillt á meðan verið er að rýja ykkur. Ég er ekki til í að láta rýja mig. Þess vegna spyrni ég á móti.
Eva Hauksdóttir, 20.12.2008 kl. 00:54
————————————————————–
Birna, ætli ég myndi ekki spyrja um ástæður og það get ég sagt þér að ef ástæðan væri sú að þið væruð gjaldþrota og atvinnulaus af því að ég hefði staðið í fjársvikastarfsemi, þá hefði ég vit á því að skammast mín og loka sjoppunni af sjálfsdáðum. Við erum hinsvegar að tala um menn sem hafa ekki sómakennd.Eva Hauksdóttir, 20.12.2008 kl. 01:25————————————————————–
En það er miklu meira fútt í mótmælum bæði í Frakklandi og Grikklandi það væri nú gaman fyrir ykkur að vera þar. Nú og ef þið mynduð öll flytjast út þá mynduð þið bæta ástandið hér heima því þá myndi atvinnuleysi minka og öryrkjum fækka.Þorvaldur Guðmundsson, 20.12.2008 kl. 02:28————————————————————–
Þú heldur ekki í sjálfstæði með barnaskap, opnaðu augun kona og sjáðu hvað þú ert að segja!
að fara inn í verslanir bónus á þorláksmessu og vera með sandkassaleik!?!?!
ertu í alvörunni svona þröngsýn að þú sérð ekki hvað þú ert að skrifa einu sinni?
þú gerir ekkert með því að koma fólki upp á móti „mótmælendum“, ég var fylgjandi mótmælunum, þangað til þetta fór að snúast upp í sandkassaleiki, skemmdarverk og rugl.
en, ég óska þér gleðilegra jóla og vona að þú látir þetta bitna á réttum aðilum… ekki almenningi
Hólmfríður (IP-tala skráð) 20.12.2008 kl. 03:42
————————————————————–
Hvernig höldum við í sjálfstæði okkar Hólmfríður? Með því að halda áfram að mylja undir glæpamenn, eða með því að losa okkur við þá?Eva Hauksdóttir, 20.12.2008 kl. 09:02————————————————————–
Rosalega eru hörð viðbrögð við þessari hugmynd. Hvað þarf til að fólk vakni og skilji að það þarf að gera eitthvað öðruvísi og meira en að sitja heima og bölva til að eitthvað gerist í þessu þjóðfélagi.
Þetta er ágætis hugmynd en vantar að benda á hvar fólk gæti verslað í staðinn fyrir bónus, er Nettó svo heilagt?
jón einars (IP-tala skráð) 20.12.2008 kl. 09:07
————————————————————–
Væri ekki nær lagi að hvetja fólk til að hætta að versla við Bónus og snúa sínum viðskiptum annað í stað þess að neyða fólk til þess. Þú segir að þið séuð ekki að ráðst á fólk, hvað kallar þú aktivisma sem neyðir fólk til að gera eða gera ekki eithvað annað en árás – klárlega verður fólk að snúa sér annað, og í dýrari verslanir, til að klára sín innkaup ef það verður ekki aðgengi til þess í Bónus?
Þessi aðgerð bitnar já á Bónus og Högum, en hverjum fleiri? Það eru rúmlega 9.000 manns atvinnulaus á Íslandi í dag, og t.a.m. þrjú hundruð fjölskyldur fengu úthlutun hjá fjölskylduhjálp í gær. Finnst þér það réttlátt aðgerð að þinni hálfu að stuðla að aukningu þess fjölda?
„Íslenska þjóð, ég hef skömm á þér. Þú átt skilið að svelta.“ – Bjóddu fram þína aðstöð hjá fjölskylduhjálp eða mæðrastyrksnefd (mæðrastyrksnefnd er með úthlutun á mánudaginn), statt þú þar fyrir framan einstæða tveggja barna móðir sem er að missa húsnæðið sitt og getur ekki fætt börnin sín og segði þetta við hana!!! Lærðu að skammast þín kona!
„…og loka sjoppunni af sjálfsdáðum“ – Já auðvitað Eva, gerum fleiri þegna þessa lands atvinnulausa, þarna komstu með lausnina. Nú er ég brjálæður, afhverju í andskotanum er engin búin að ráða þig í ríksstjórn þessa lands? Það bókstaflega flæða lausnir út úr þér!
Eva, hvernig væri að menn séru sér að því að setja niður vegvísa að frammtíð oguppbyggingu þessa lands í stað niðurrifs, mörkuðu trúverðuga framtíðarstefnu til að sína umheiminum og vekja upp traust. Snéru sér svo að því að kanna óhlutdrægt lögmæti og ólögmæti aðkomu fyrirtækja og einstaklinga að bankahruninu. Drægju í framhaldi alla, bæði úr atvinnulífinu og stjórmálum – ekki bara táknræn peð – sem til sektar hafa unnið til saka? Hvernig væri að þú og aðrir sem hafa drifkraft í að ganga til aðgerða beitu þeim til að hvetja þá sem hér fara með völd til að sýna dugg og þor til að vinna að okkar þjóðarheill, í stað þess að nýðast á samborgurum ykkar!
„Sauðahjörðin fékk það sem hún átti skilið. Hún fékk þá stjórnmálamenn sem hún átti skilið að fá, þá embættismenn sem hún átti skilið að fá og þá viðskiptajöfra sem hún átti skilið að fá.“ – Ég held að þetta segi allt um að hvaða heillindum þú vinnur vinan, ég bið þig bara vel að lifa og að þú fáir einhvertímann í einhverju formi þína uppreisn æru, vona bara að það verði ekki á kostnað velferð annara.
Kristján Már (IP-tala skráð) 20.12.2008 kl. 09:35
————————————————————–
Hvernig má það vera Eva að starfsfólk í Bónus sé að sýna einhverja þrælslund með því að vinna vinnuna sína. Þetta er fólk sem að er í láglaunastörfum og hlýtur að taka alla yfirvinnu fegins hendi, sérstaklega í ljósi aðstæðna í dag. Þetta fólk hefur vinnu og er efalaust fegið því að geta mætt í sína vinnu og fengið sín laun. Hvernig væri að þú settir nú saman fyrir okkur lista hverjir sýna þrælslund með því að sinna sinni vinnu. Fram hefur komið að það er starfsfólk í Bónus og einnig lögregluþjónar landsins. Hverjir eru það fleiri?
„Íslenska þjóð, ég hef skömm á þér. Þú átt skilið að svelta.“ Þetta eru ekki falleg orð að segja fólki að það eigi skilið að svelta. Eva, ÉG hef skömm á þér fyrir að láta þessi orð falla.
Aðalsteinn Baldursson, 20.12.2008 kl. 09:37
————————————————————–
Já, ég hef skömm á þeirri þjóð sem í stað þess að sniðganga þá sem stela af henni, heldur áfram að styrkja þá. Ég hef sjálf verið einstæð móðir í fjarhagserfiðleikum og frekar hefði ég snúið mér til mæðrastyrksnefndar en að setja krónu í vasa þeirra sem grófu undan mér.
Varðandi það að draga þá til ábyrgðar sem unnið hafa til saka, þá er það einfaldlega ekki hægt. Það er kannski hægt að ná einhverjum tíköllum af þeim með því að beita samkeppnislögum en allur þessi sýndarveruleiki sem þeir hafa haldið uppi með kaupum og sölu á verðlausum fyrirtækjum, stenst lög.
Það eina sem hægt er að gera til að ná fram einhverju réttlæti, er að dómstóll götunnar taki að sér að dæma þá, þeirra fyrirtæki og þeirra viðskiptahætti í ævilanga útlegð.
Við þurfum ekki að hafa áhyggjur af því að fólk missi vinnuna þótt Bónussveldið líði undir lok. Það verður alltaf þörf fyrir matvörubúðir og við verðum ekkert verr sett þótt annað fólk og heiðarlegra taki við rekstrinum.
Eva Hauksdóttir, 20.12.2008 kl. 10:38
————————————————————–
Aðalsteinn, ég skil ekki vandamálið. Ef fólk vill yfirvinnu, hvernig getur þá verið neikvætt að búa til yfirvinnu handa því?
Ef fólk vill ekki yfirvinnu, þá bara segir það nei. Ef það vill yfirvinnu þá segir það já. Einfalt.
Best væri ef þeir sem vilja yfirvinnu ynnu hana svo löturhægt og gerðu mörg mistök. Þeir eru jú dauðþreyttir eftir erfiðan dag með mótmælendum, svo það væri ekki hægt að áfellast þá.
Eva Hauksdóttir, 20.12.2008 kl. 10:41
————————————————————–
„Íslenska þjóð, ég hef skömm á þér. Þú átt skilið að svelta.“
Eva, ég hef sömuleiðis skömm á þér og það hafa margir aðrir. Ég er hins vegar ekki eins illa innrætt og þú og óska þér þess því ekki að þú sveltir. En það er út í hött að fara af stað með mótmæli sem bitna helst á þeim sem minnst mega sín, afgreiðslufólki á lágmarkslaunum og láglaunafólki sem ekki hefur efni á því að versla annars staðar.
Þú ert svo blinduð af hatri og heift að þú sérð það ekki að þú ert að eyðileggja málstað mótmælenda. Fjöldi fólks hefur hætt mótmælum vegna þín og þinna fylgismanna. Þú ert hluti af vandamálinu, ekki lausninni. Einhvern tímann nærðu kannski þeim þroska og fjarlægð á þessa atburði að þú sérð það hvað þú hefur fáránlega rangt fyrir þér.
Anna (IP-tala skráð) 20.12.2008 kl. 14:06
————————————————————–
Anna, hvað hefurðu fyrir þér í því að þessar aðgerðir okkar „fylgismanna Evu“ hafi haft þau áhrif að fólk sé hætt að mótmæla? Hættir þú að mótmæla af því þú varst hrædd um að einhver héldi að þú værir að kasta eggjum? Hættir þú að mótmæla af því hópur fólks ákvað að skiltaburðsmótmæli hefðu ekki næg áhrif á ráðamenn?
Eða mættirðu kannski aldrei á mótmæli og ert núna að réttlæta það fyrir þér að gera ekki neitt?
Nonni, 20.12.2008 kl. 14:32
————————————————————–
Ef hægt væri að mótmæla í kyrrþey, þá er ég viss um að Eva myndi gera það. En sannleikurinn er því miður sá að mótmæli virka ekki nema þau valdi óþægindum fyrir einhverja. Þannig var það líka með mótmæli Gandhi sem sumir hafa vísað til hér. Honum var meira að segja stungið í fangelsi í fleiri ár fyrir að leiða mótmælin gegn salt skattinum sem Bretar settu á Indland.
Ef við viljum uppræta spillinguna þá er það eins og að uppræta illgresi úr garðinum okkar. Það skilur eftir sár í stuttan tíma en síðan getur nýtt og betra vaxið úr breyttum jarðvegi. Það voru einnig ómæld sár eftir mótmæli Gandhi, umferð var trufluð, fjöldi mótmælenda slasaðist og meira en 100,000 handteknir. Mér finnst fólk alltof fljótt að gleyma hvað gekk á þarna og bara sjá þetta í einhverju „englaryki“ eins og Gandhi hafi náð fram breytingum og réttlæti með hugleiðslu einni saman.
Ég hef engan séð mæla fyrir því að brjóta rúður i Bónus á Þorláksmessu. Varhugavert er að taka einsdæmi um rúðubrot sem gerðist einhverntíman hjá einhverjum í hita leiksins, og yfirfæra það yfir á allar mótælaaðgerðir þessa hóps. Mér finnst slíkur málflutningur frekar lýsa innistæðulausum útrásarvíkingum en almenningi í landinu.
Mótmælin að „svelta svínið“ sýnist mér ágæt hugmynd. Eins og þetta er kynnt er um að ræða friðsöm og hógvær mótmæli. Þeir sem eru að agnúast út í þetta ættu að velta því fyrir sér að fólk gæti í raun gengið mun lengra því sumum finnst þessir aðilar hafa stolið af þjóðinni og gert marga að öreigum með útsmognum blekkingarvef. Á þá fólk hugsanlega rétt á að „skuldajafna“? Ef þjóðin á slíkan rétt gegn Bónus, getur fólk þá sótt sínar jólavörur í Bónus og í stað þess að borga enn meira til þessara manna, einfaldlega skilið eftir kvittun fyrir skuldajöfnun?
En gleymið ekki Baugsmiðlinum DV. Sá slúðurberi á ekki heima í söluhillum Bónus. Sorpritið á heima í ruslinu. Ég mun klappa fyrir hverjum þeim sem aðstoðar við að hreinsa þennan óþverra úr hillum verslana.
Ástþór Magnússon Wium, 20.12.2008 kl. 14:38
————————————————————–
Eva, þú varst að hvetja starfsfólk í Bónus til þess að neita aukavinnu.
„Reyndar væri best ef starfsfólkið vildi vera með í þessu. Það gæti t.d. unnið hægar en venulega, gleymt að slá inn nokkur núll og neitað að taka á sig aukavinnu.“
Einnig fæ ég ekki betur séð en að þú sért að hvetja það til þess að gerast óheiðarlegt í vinnunni og stela frá vinnuveitendum sínum með því að „gleyma“ að slá inn nokkur núll. Slíkt myndi leiða til brottrekstur og jafnvel kæru vegna lögbrota. Ég vona bara að starfsfólkið í Bónus sé heiðarlegra en þú og vinni sína vinnu af heilindum frekar en að slugsa og stela eins og þú ert að hvetja það til.
Ef að ég er ósáttur við þig á ég þá að mæta í Nornabúðina og ryðja þar hlutum á gólfið, hindra aðra viðskiptavini í að versla og brjóta síðan eina rúðu eða tvær á leiðinni út? Samkvæmt því sem þú segir þá má ég það, bara ef ég er ósáttur við þig.
Aðalsteinn Baldursson, 20.12.2008 kl. 14:57
————————————————————–
Aðalsteinn: Hefur Eva komið þér í skuldafen eða börnunum þínum, fæddum og ófæddum?
Sé ekki alveg hvað þú gætir átt sökótt við Evu, satt að segja, sem myndi réttlæta það að þú farir og ryðja til hlutum í búðinni hennar. Ef Eva hefði með gengdarlausri græðgi og valdníðslu valtað yfir þig og þína fjölskyldu myndi mér finnast mjög eðlilegt að þú myndir rísa upp gegn því ofríki.
Eva er hinsvegar ekki sá seki hérna. Það eina sem hún er að reyna er að GERA EITTHVAÐ í málinu.
Hvað er svona agalegt við það?
Ég verð eiginlega að taka undir orð Evu. Ef Íslendingar eru í alvöru svona miklir helvítis aumingjar að þeir ákveða að gera ekkert í málinu annað en að rífa kjaft á Internetinu við fólk sem mótmælir ástandinu, þá fá þeir einfaldlega það sem þeir eiga skilið.
Rakel (IP-tala skráð) 20.12.2008 kl. 15:16
————————————————————–
Já Aðalsteinn, það er ekki hægt að koma lögum yfir þessa menn svo það er útilokað að ná fram réttlæti nema eftir krókaleiðum. Þessvegna hvet ég fólk til að reyna að ná aftur einhverju broti af því sem þetta þjófahyski hefur haft af okkur, ef hægt er að gera það án áhættu. Óheiðarlegt, nei. Það er ekki óheiðarlegt að sækja aftur það sem búið er að stela af manni.Eva Hauksdóttir, 20.12.2008 kl. 16:13————————————————————–
Þetta er ekki rétta leiðin, penninn er sterkari en sverðið þó svo að það taki lengri tíma.Nonni, 20.12.2008 kl. 18:30————————————————————–
Nei penninn er ekki sterkari en sverðið. Ef svo væri hefðu menn unnið stríð með því að skrifa og það hefur aldrei gerst. Annars er enginn að tala um sverð. Ég er að tala um að trufla glæpamenn í því að moka inn peningum einn dag.Eva Hauksdóttir, 20.12.2008 kl. 19:39————————————————————–
átt þú ekki verslunþeir sem eru á móti þessu söfnumst saman í versluninni hennar æði sunnudag mánudag og þriðjudag og tefjum fyrir tökum ur hillum og breytum ollu og pössum að engin geti verslaðbergur (IP-tala skráð) 20.12.2008 kl. 20:09————————————————————–
Það er náttúrulega alveg viðbúið að þeir sem eru á móti þessari aðgerð séu nógu vitlausir til að sjá ekki muninn á einyrkja með litla sérverslun og stórfyrirtæki sem fyrir utan það að vera með 50-60% markaðshlutdeild, hefur velt hundruða milljarða skuldum yfir á viðskiptavini sína. Bergur, þú ert nú meiri sorglegi aulinn.Eva Hauksdóttir, 20.12.2008 kl. 20:33————————————————————–
Þessar umræður hér er sérlega áhugverðar og komnar út í tómt skítkast og uppnefningar. Hvað er að ?
Mér finnst þessi hugmynd hennar Evu áhugaverð og rótæk en er ekki tilbúinn að skrifa undir það sem þú segir „Íslenska þjóð, ég hef skömm á þér. Þú átt skilið að svelta“ Heldur þú virkilega að þú fáir fólk á þitt bandi með svona orðaforða ?.
Á ég skilið að svelta vegna þess að ég er ekki til í að taka þátt í svona róttækum aðgerðum sem fyrst og fremst bitnar á fólki eins og mér sem mist hafa vinnuna vegna samdráttar í kjölvar þessa hruns.
Ég vill taka það fram að ég kem aldrei til með að versla í Bónus það sem eftir er ærinnar, ég ætla ekki að mata þessa menn á fármagni þannig að þeir geti haldið áfram þessu tóma bulli. Er það ekki leiðinn til að fella þessa menn, hætt að mata þá á fjármagni.
Við þurfum ekki að hafa áhyggjur af því að fólk missi vinnuna þótt Bónussveldið líði undir lok. Það verður alltaf þörf fyrir matvörubúðir og við verðum ekkert verr sett þótt annað fólk og heiðarlegra taki við rekstrinum.
Þessu er ég samála og tek undir það að það koma alltaf menn í manns stað.
Marinó Flóvent, 20.12.2008 kl. 21:01
———————————————————-
Heidi Strand, 20.12.2008 kl. 21:04
Bergur, ég spyr, hvers vegna ættum við að fara í verslunina hjá Evu og tefja fyrir og taka út hillum og hvað þú nefnir. Á hún einhvern þá í þessu efnahagshruni með eina sérverslun og eins og hún segir sjálf:
„sérðu ekki muninn á einyrkja með litla sérverslun og stórfyrirtæki sem fyrir utan það að vera með 50-60% markaðshlutdeild, hefur velt hundruða milljarða skuldum yfir á viðskiptavini sína.
Er ekki allt í lagi með þig, þú hefur greinilega ekki skilið það sem um hvað þetta snýst.
Marinó Flóvent, 20.12.2008 kl. 21:14
—————————————————-
Ég er ekki búin að lesa öll kommentin en hvaða saklausa fólk er verið að tala um? Ég hef ekki hitt neitt saklaust fólk sem hefur gagnrýnt óþægindin vegna mótmæla. Ég hef talað við konu sem nær varla endum saman en hún sagðist vera hætt að versla í Bónus. Nota bara aðeins minna af öllu sagði hún. Saklausa fólkið er hlynnt mótmælum því á því hefur verið svínað.
Jakobína Ingunn Ólafsdóttir, 20.12.2008 kl. 22:03
—————————————————-
„Kæru“ sveltum svínið mótmælendur!
ég sem starfsmaður í þessu umrædda fyrirtæki, bið ykkur að endurskoða ykkar gang. Þið eruð ekki að gera ykkur grein fyrir því hvernig áhrif þetta hefur á starfsfólkið… skítt með þessa yfirvinnu sem við þurfum að taka.. og já við eigum eftir að klára að taka upp úr körfum og ganga frá langt eftir kvöldi.. eina sem þú ert að gera ert að stuðla að gremju og pirringu í þinn garð og félaga þinni… við erum öll að reyna að gera sem best úr því og hafa gaman að vinnuni þennan síðasta dag fyrir jól og þú hefur engan rétt á að koma og gera okkur erfiðara fyrir, við erum örugglega sú starfstétt á Íslandi sem vinnur einna mest í Desember mánuðu. Hugsaðu aðeins þinn gang og ekki vera að skeyta skapi þinni og gremju að vitlausum manneskjum… því guð má vita að við erum líka að borga skuldir auðmanna.. Og ekki tek ég reiði mína út á þér!!!!
Lísa (IP-tala skráð) 20.12.2008 kl. 22:14
—————————————————-
Nei Marinó Flóvent, ég beini þessu áliti mínu ekki til þjóðarinnar fyrir að vilja ekki taka þátt í róttækum aðgerðum, heldur fyrir að viðhalda valdi þeirra sem hafa brugðist okkur og fordæma þá sem rísa gegn spillingunni.
Það er kannski full langt gengið af mér að tala um þjóð í þessu sambandi, þar sem það er aðeins stór meirihluti sem stendur í vegi fyrir því að við losnum við það fólk sem hefur dæmt okkur til ævilangrar örbirgðar með svindli og klíkuskap. Í dag mættu 500 hræður á Austurvöll en á meðan voru mörg þúsund manns í Smáralind að mylja undir veldi Baugs.
En rétt skal vera rétt. Ég bið þá sem ekki falla í þennan hóp afsökunar á alhæfingunni og umorða hér með álit mitt:
Þröngsýni, huglausi, húðlati meirihluti, þú vel alda svín sem lifir í sjálfsblekkingu um áframhaldandi ofeldi, kyssir á höndina sem hýðir þig og gyrðir sjálfviljugt niður um þig og biður um meira, þú átt skilið að svelta.
Eva Hauksdóttir, 20.12.2008 kl. 22:16
—————————————————-
Lísa, ég skil áhyggjur þínar og mér þykir leitt að aðgerðir sem þessi þurfi að bitna á starfsfólki. Þessu er vitanlega ekki beint gegn ykkur en ekkert stríð vinnst án fórna.
Takið þátt í þessu með okkur og hafið gaman af, í stað þess að láta þetta brjóta ykkur niður. Takið út veikindadag á Þorláksmessu ef þið eigið einhvern inni. Ef þið á annað borð mætið, flýtið ykkur þá ekki að afgreiða og raða í hillur. Notið tækifærið til að slugsa við vinnuna og kennið mótmælendum um ef einhver fer að tuða. Takið allar pásur sem þið eigið rétt á, enda er óvenju mikið álag á ykkur og gerið skaðann sem mestan með því að neita að taka að ykkur yfirvinnu við að tína upp úr körfum.
Þeir sem vilja sem mesta yfirvinnu ættu svo að taka sér góðan tíma. Ef yfirmaðurinn kvartar um seinvirkni bendið þá á að það sé ekkert venjulegt ástand að viðskiptaóvinir hafi fært kexið yfir í pastahilluna. Sennilega er útilokað fyrir yfirmanninn að áætla hvað sé eðlilegt að fari langur tími í tiltektina.
Best þætti mér samt ef enginn fengist til að vinna yfirvinnu við tiltekt. Það yrði bæði til þess að Bónusþjófarnir töpuðu verðmætum en einnig þyrfti að fresta því að opna aftur á meðan tiltekt fer fram.
Eva Hauksdóttir, 20.12.2008 kl. 22:34
—————————————————-
Mér finnst með ólíkindum hvernig fólk bregst við þessari hugmynd Evu. Ég sé ekki betur en að stór hluti bloggara amk eigi bankahrunið og kreppuna skilið. Bónusgrísirnir bera mikla ábyrgð á ástandinu og við verðum að koma því rækilega til skila að við erum búin að fá nóg af þeirra viðskiptaháttum. Ef við gerum það ekki erum við að senda þeim og öðrum ábyrgðaraðilum þau skilaboð að það sé endalaust hægt að traðka á alþýðu þessa lands.Björgvin R. Leifsson, 20.12.2008 kl. 23:00—————————————————-
Eva Hauksdóttir, ég skal segja þér það að ég mun EKKI versla í Bónus á Þorlákssmessu sem og enginn í minni fjölskyldu. Svínið fær ekki krónu af mínum aurum. Og það aldrei framar!!!! Og já, það er hægt að fara aðrar leiðir en að versla í Bónus.LS (IP-tala skráð) 20.12.2008 kl. 23:17—————————————————-
Eva kann að koma fyr