Greinasafn fyrir merki: umræðan

Af hverju segja karlar að konurnar sem þeir góna mest á séu ekki fallegar?

Birt þann af

Ég hef spurt mjög marga karlmenn, á öllum aldri, hvort þeim þyki fallegt að sjá stór silikonbrjóst á tággrannri konu og varir sem náttúran setur á andlit suður-afrísks svertingja á hvítri konu með lítið nef og grannt andlit. Þeir segja næstum allir nei og oftar en ekki segja þeir eitthvað í þá veruna að þeir hrífist af konum sem samsvara sér. Vinur minn sem heillast af stórum brjóstum er t.d. miklu hrifnar af rass og magamiklum konum en grönnum konum með óeðlilega stór brjóst.

Samt er staðreyndin sú að þær konur sem seljast best, eru með læri eins og unglingsdrengir, ekki spikörðu á kviðnum, hnöttótt brjóst á stærð við hrærivélarskálar, og varir sem eru svo bólgnar af fyllingu að þær geta varla lokað munninum.

Á tímabili hélt ég að flestir karlar væru í raun hrifnir af plastkonum en svöruðu bara svona til að þóknast mér. Þeir eru hinsvegar orðnir mörg hundruð sem svara svona og ég á rosalega erfitt með að trúa því að svo margir menn vilji þóknast mér, enda væru þeir þá löngu búinir að koma Birni Bjarnasyni úr pólitík og halda pönktónleika fyrir framan heimili dómsmálaráðherra til að árétta kröfur um aðskilnað ríkis og kirkju (já og Eiki væri búinn að hengja ljósakrónuna upp fyrir mig).

Þetta er mér ráðgáta. Mig langar að fá álit ykkar á því hvort þetta eftirsótta útlit sé fallegt, og ef ekki, hvernig stendur þá á vinsældum þess?

Umræður hér

Hefurðu notað jólagjafirnar

Birt þann af

Hefur þú haft gagn og/eða gleði af öllum jólagjöfum sem þú fékkst á síðustu jólum?
Manstu eftir öllu sem þú og þín fjölskylda fenguð að gjöf og hvað var frá hverjum?
Heldurðu að þeir sem fengu gjafir frá þér hafi notað þær?
Heldurðu að þeir muni hvað þú gafst þeim?

Umræður hér: https://www.facebook.com/notes/eva-hauksdottir/hefurðu-notað-jólagjafirnar/216546238659/

 

 

Er þér treystandi fyrir vopni?

Birt þann af

Setjum sem svo að þú lendir i mjög dramatískum aðstæðum. Vítisenglar hafa umkringt heimili þitt, og hóta að ráðast til inngöngu án þess að gefa neinar skýringar. Einhver úr fjölskyldunni er horfinn og þú hefur ekki hugmynd um hvort það tengist umsátursmönnunum. Forvitna nágranna drífur að en þar sem allt tiltækt lögreglulið er niðri á Austurvelli að verja Alþingishúsið gegn trylltum skrílnum, lítur út fyrir að þess verði langt að bíða að löglegir ofbeldismenn komi þér til hjálpar. Þú ert mjög reið(ur) og mjög hrædd(ur) og veist í rauninni ekkert hvað þú átt til bragðs að taka.

Myndir þú í slíkum aðstæðum, treysta sjálfum/sjálfri þér fyrir skotvopni? Myndirðu halda nógu mikilli ró og nógu skýrri hugsun til að beita vopni aðeins til að verja líf og limi eða er hætta á því að þú skytir jafnvel á saklausan nágranna þinn í geðshræringunni?

Umræður