 |
Menntavitinn afhjúpaður |
Ég sé ekki betur en að það smellpassi upp á tímasetninguna að mæta á Háskólasamkomuna og fara svo þaðan að Stjórnarráðinu og taka þátt í því að leggja bölvun á ríkisstjórnina. Ég ætla sumsé að gala þar seið kl 13:30. Eftir það fer ég að Seðlabankanum og skora á Davíð að segja af sér, eða ber hann út ef ekki fæst viðunandi svar.
Í mannskynssögunni er röðin öfug, þ.e.a.s. frá galdri til vísinda. Öll vísindi eiga rætur sínar í galdri og dulspeki en þróast svo áfram og verða að upplýstri þekkingu. Það er þó greinilegt að það þarf eitthvað meira en upplýsta þekkingu og menningarlegt froðusnakk til að hrekja ríkisstjórn Geirs Haarde (eða er það í raun ríkisstjórn Davíðs Oddssonar) frá völdum. Það má allavega reyna að senda þeim stefnivarg.
————————————————-
Skorrdal
————————————————-
Við erum á sömu sporum hvað varðar láns upphæ. Þetta fór úr böndum bara, en einnhver verður að gjalða fyrir soðaskap í fjármálum.
Hvað segi norn um það?
kv. Andrés
Andrés.si, 3.12.2008 kl. 01:44
————————————————–
Ég ætla allavega ekki að greiða skuldir Jóns Ásgeirs eða Hannesar Smárasonar. Það sem við getum gert til að þvinga fram aðgerðir sem eru sanngjarnar gagnvart lántakendum, er að standa saman um að borga ekki. Og þá meina ég strax. Ríkisstjórnin þarf að fá þann skell sem fyrst, þannig að það verði búið að gera eitthvað í málinu áður en helmingur Íslendinga verður gjaldþrota.
Ég er hætt að borga. Ég borga ekki húsnæðislánið, ekki vísakortið eða neitt annað sem tilheyrir bönkum eða ríkinu. Ég ætla ekki að skila vaskinum, skattinum eða tryggingagjaldinu, lífeyrissjóði eða stéttarfélagsgjaldi fyrir fyrirtækið mitt. Ég er búin að taka út hverja krónu sem ég átti í íslenskum bönkum. Ég kaupi ekkert nema brýnustu nauðsynjar. Ég ætla ekki einu sinni að kaupa jólagjafir nema af kaupmönnum sem gefa mér loforð um að skila ekki vaskinum fyrr en búið er að leggja fram áætlun um að koma í veg fyrir að fyrirtæki verði gjaldþrota.
Ef væri hægt að ná fjöldasamstöðu um að svelta ríkissjóð og bankana þar til við náum fram réttlæti, tæki það ekki nema einn mánuð. En af því að Íslendingar standa ekki saman um neitt sem skiptir máli, munu fjölskyldur fara á hausinn í hrönnum og svo verður einhverjum dúsum stungið upp í okkur næsta vetur, EFTIR að fólk er búið að gefast upp.
Eva Hauksdóttir, 3.12.2008 kl. 02:07
————————————————–
Ég og flestir borgum en þá. Er það ekki bara einfaldlega vegna hræðslu að banki kemur með lögfræðinga á hurð?
En rétt er að hér vantar samstaða. Samtök safna þusundum saman á salir og í miðbær en allir við sem mætum þar borgum bara áfram verðbætur og verðtrygingu og vextir +++.
Við getum gert heldur annað. Sniðganga alt sem er í eigu Jón Ásgeirs. Með því kæmi ný verslunarkeðja, ný banki, Bauhaus er þegar í byggingu, Easy jet og Ryan air munu koma ofl.
Andrés.si, 3.12.2008 kl. 02:27