Sóley vill að ákvarðanir séu teknar út frá feminiskum forsendum. Þær feminisku forsendur sem hún á við hér, eru sú skoðun að konur séu ófærar um að ákveða sjálfar hvað þær gera við sinn eigin líkama.
Það sem byrjaði sem mannréttindabarátta er nú farið að snúast um að stjórna konum og taka af þeim sjálfsákvörðunarrétt og ábyrgð á sínu eigin lífi. Hvar í ósköpunum fór feminisminn svo rækilega út af sporinu?
Um daginn spjallaði ég við konu sem ólst upp í Afghanistan. Þegar hún var 14 ára hafnaði hún harðfullorðnum vonbiðli. Nú er hún komin fram yfir síðasta söludag en fjölskyldan er svo stálheppin að hafa fundið mann sem er tilbúinn til að taka hana þrátt fyrir þann augljósa galla að vera komin yfir 25 ára aldur. Halda áfram að lesa
Hvert sem ég fer, sé ég fallegar, ungar konur, með augnhár sem minna helst á skítuga kústa. Af hverju í ósköpunum gera þær þetta? Vita þær ekki að dæmi eru um að snyrtivörur hafi valdið sýkingum í augum, einkum ef notaðar eru gamlar vörur sem margir hafa notað eða ef stúlkan veit ekki almennilega hvað hún er að gera? Halda áfram að lesa
Er það semsagt rétt skilið að þetta sé ekki lengur vændisathvarf heldur bara athvarf fyrir konur sem hafa orðið fyrir ýmsum skakkaföllum? Er hægt að fá nákvæmar tölur um það hversu margar konur hafa sóst eftir afmellunarmeðferð? Halda áfram að lesa
Þrettán hópnauðganir og skýringin er náttúrulega einföld; það er klámvæðingin ógurlega sem á sökina. Óþarft er að styðja þá kenningu nokkrum rökum, andstæðingar tjáningarfrelsisins eru einfaldlega búnir að ákveða að klám sé undirrót alls ills, einkum ofbeldis. Enda eru þær hópnauðganir sem tíðkast í óklámvæddum samfélögum mun huggulegri en hinar ofbeldisfullu hópnauðganir vestrænna klámhunda, sem eflaust væru bara að spila bingó á laugardagskvöldum ef ekki væri allt þetta klám. Og ekki var konum nú nauðgað á miðöldum, meðan klám þreifst hvergi nema kannski í klaustrum -eða hvað? Halda áfram að lesa
Af hverju ætti kona að leggja eigin hamingju til hliðar þótt hún gangi með barn fyrir annað fólk? Eru óléttar konur óhamingjusamari en aðrar? Er eitthvað sem bendir til þess að staðgöngumæður séu óhamingjusamari en aðrar konur? Hefur einhver lagt til að staðgöngumæðrum á Íslandi verði búin sömu skilyrði og á Indlandi? Halda áfram að lesa
Ég gef lítið fyrir þær skoðanir MSH sem hér birtast. Mér finnst hinsvegar að feministar megi alveg skoða hvernig kvenfjandsamleg viðhorf skína í gegnum skrif þeirra. Það eru nefnilega helst þeir sem kenna sig við feminisma sem vilja takmarka frelsi kvenna til að ráða yfir sínum eigin líkama, það eru helst feminstar sem líta á konur sem ósjálfstæðar og óábyrgar verur og það er nú aðallega þessvegna sem mér mislíkar sá feminismi sem mest er áberandi í umræðunni í dag. Halda áfram að lesa