Hreyfingin BÚS; Björn úr stjórnmálum, mun vinna ötullega að því að koma Birni Bjarnasyni úr íslenskri pólitík, a.m.k. úr aðstöðu til að hafa áhrif á opinberum vettvangi. Allar hugmyndir um aðgerðir sem geta stuðlað að þessu marki eru vel þegnar en þó með þeim takmörkunum að engin skepna, hvorki mennsk né ómennsk þurfi að óttast líkamstjón af völdum aðgerða.
Staður og stund stofnfundar verður auglýst síðar en áhugasömum er bent á að senda tölvupóst á netfangið eva@nornabudin.is
Feita fegurðardrottningin var sú léttasta frá upphafi.
Obama vann. Ég treysti honum ekki. Ég treysti engum sem telur sig hæfan til að verða valdamesti maður veraldar. Ég er samt fegin að það var hann sem vann því miklu síður vildi ég sjá McCain í þessu embætti.
Og hvað nú? Verður 5. nóvember skráður í sögubækmiklur sem hinn dagurinn þegar heimurinn breyttist?
Við lifum á áhugaverðum tímum.
Á meðan Eva hamaðist við að berjast fyrir vonlausan málstað, fór útrásin (sem ku altso ekki vera vonlaus málstaður) á hausinn.
Ég hef liklega valið mjög heppilegan tíma til að loka búðinni. Spurning hvort ég ætti að afpanta vörurnar sem ég er búin að panta fyrir jólin? Hvað sýnist mönnum? Er útlit fyrir sult seyru í desember eða standa vonir til þess að landinn missi sig í neyslubrjálæðinu svo sem hefðir kveða á um?
Vonandi dugar þetta ní til að fella ríkisstjórnina. Tjú, tjú, trallalla.
Allt í lagi að mótmæla en hann ætti að gera það löglega. T.d. að ræða málið vinsamlega við sjávarútvegsráðherra. Svona glæpastarfsemi skilar engum árangri og skaðar málstaðinn. Öflugir andstæðingar kvótakerfisins munu nú unnvörpum taka það upp á arma sína, allt vegna skemmdarfíknar Ásmundar sem eyðir dýrmætum tíma landhelgisgæslunnar til einskis.
 |
Ásmundur mótmælir enn |
Allt i lagi að mótmæla en það er nú óþarfi að trufla skrúðgöngu til þess. Hefði ekki líka verið nær að mótmæla í Tíbet?
|
Mótmælendur handteknir |
Ég hef ekki verið dugleg að fylgjast með fréttum að heiman undanfarið. Ástæðurnar eru stopulll aðgangur að nettengdri tölvu, langir og erfiðir vinnudagar og takmarkaður áhugi á fjármálafréttum.
Ég er þó farin að velta því fyrir mér hvort ég sé kannski full skeytingarlaus. Fólk er stöðugt að votta mér samúð sína. Strákur frá Kaliforniu spurði mig hvort Norðmenn myndu ekki bara yfirtaka landid ‘aftur’. Margir virðast telja að hungursneyð blasi við Íslendingum. Netmogginn talar um landflótta til Færeyja af öllum stöðum.
Er þetta ekki bara sami hófsemdarkvíðinn og venjulega grípur Íslendinga þegar við sjáum fram á að einhverjir ímyndunarríkisbubbar neyðist til að horfast í augu við að eign er ekki eign ef maður skuldar 150% í henni og þarf því að losa sig við einn jeppa eða svo?
Hvað segja menn? Er þetta í alvöru ‘ástand’ eða eru fjölmiðlar í dramakasti? Væri kannski bara skynsamlegast að biðja Norðmenn að passa bankana okkar?