Út af fyrir sig áhugavert að komast að því hvar hinnar djúpu rætur vanlíðunar hennar liggja en um leið vaknar ein spurning sem ég er dálítið hrædd um að fáir komist undan næstu áratugina; hversu mörgum sentimetrum bætir hún á sig í þessu ferli?
Annars langar mig ofboðslega til að vita hvort er raunverulegt samband milli megrunar og holdafars til lengri tíma og hvort er samband milli holdafars þýðis og áherslu samfélagsins á útlit en það er nú sennilega mjög erfitt að mæla það.
https://www.facebook.com/eva.hauksdottir.norn.is/posts/365059420170744
Af hverju er alltaf talað um að „karlar“ eigi allar eignirnar, vinni minna en konur, stjórni stórfyrirtækjum og stríðsrekstri, nauðgi og meiði, þegar staðreyndin er sú að langflestir karlar ráða andskotans engu, vinna af sér rassgatið til að tryggja konum sínum og börnum efnahagslegt öryggi, eru skikkaðir til herþjónustu og sjá nauðganir og barsmíðar sem nákvæmlega það ofbeldi sem þær eru?
Hvernig stendur á því að sama fólk og það sem aldrei nefnir valdatogstreitu kynjanna, án þess að kvarta yfir því alhæfingum um feminista, sér ekkert athugvert við að alhæfa um karlmenn?
Æ og klámið enn og aftur, hversu oft skoðuðu drengir klám árið 1978? Er eitthvað sem bendir beinlínis til þess að hlutfall kláms í menningarneyslu unglinga hafi aukist? Og er eitthvað sem bendir til þess að klámneytendur séu meiri ofbeldismenn eða á annan hátt verri manneskjur en púritanar?
Í tilefni af ummælum Höllu Tryggvadóttur um „hatramma umræðu“ í framhaldi af þessum pistli.
Það er náttúrulega algerlega galið að gera þá kröfu til fólks sem vísar í fræðigreinar og rannsóknir (í þessu tilviki greinar sem ekki er hægt að lesa nema borga fyrir aðgang að þeim) að skrifin sem það vísar til, styði það sem það er að segja. Auðvitað á fólk að mega skreyta skrif sín með tilvísunum sem koma málinu ekkert við, í þeim tilgangi að gefa lesendum til kynna að það sé eitthvert vit í því sem það er að segja. Þetta er bara svona skáldaleyfi eða listræn blekking.
https://www.facebook.com/eva.hauksdottir.norn.is/posts/10150497020722963
Bíddu nú við! Var búinn til einhver fjögurra manna pakki? Ég hélt að það hefði bara verið ákveðið að ákæra hvern fyrir sig, rétt eins og þegar annað fólk er dregið fyrir dóm sem einstaklingar. Eins ömurlegt og það er að hin skuli sleppa sé ekki að það séu rök í málinu. Hinsvegar er ekki í lagi að breyta lögum eftir að ákveðið hefur verið að ákæra mann.
https://www.facebook.com/eva.hauksdottir.norn.is/posts/250854238318801
Það er með ólíkindum að innanríksráðherra vilji að Alþingi skipti sér af dómsmálum en það er margt sjúkt og rangt við Landsdómsmálið engu að síður.
Ég er ósammála Ögmundi um að það hafi verið rangt að ákæra Geir. Hinsvegar er það alveg rétt hjá honum að þetta lyktar allt saman af pólitík og það er reginhneyksli að enginn úr Samfylkingunni þurfi að sæta ábyrgð. Stóra málið hér er svo aftur það að ákærandinn í málinu (Alþingi) breytir lögunum eftir að ákveðið hefur verið að gefa út ákæru. Ég hef takmarkaða samúð með Geir en ef þetta er í lagi, hver verður þá fyrir því næst? Við getum ekki rekið réttarkerfi sem virkar á þennan hátt fyrir skúrkana en allt annan hátt fyrir vini okkar.